✍𝐅𝐈𝐊𝐑𝐀𝐓✍

#kechki_mutolaa

Bismillah haqida

Taqiy Usmoniy “Zikr va fikr” kitobi muqaddimasida “Bismillah” sharhi haqida shunday deydilar:
Rasululloh (sollallohu alayhi vasallam) marhamat qiladilar:
“Allohning nomi bilan boshlanmagan ish chaladir”
Yana Rasululloh (sollallohu alayhi vasallam) shunday deydilar:
“Kishi ko‘chadan uyiga kelar ekan, shayton u bilan eshigi oldigacha birga keladi. Ammo kishi uyga qadam qo‘yishdan avval “Bismillahir rohmanir rohiym” (yana bir rivoyatda “Bismillahi xorojna, va ‘alallohi robbina tavakkalna”) desa shaytonning bu yerda nasibasi qolmay, ketib qoladi. Ovqatlanishda ham “Bismillah” bilan boshlansa, shayton ovqatga sherik bo‘lmaydi.”

Kanalga ulanish: FIKRAT.UZ

Bir ayol psixolog huzuriga kelib, farzandi koʻp yolgʻon gapirishidan shikoyat qildi.

Shu payt ayolning telefoni jiringlab qoldi. U psixologdan xijolat boʻlib, shosha-pisha telefonni qulogʻiga tutdi-da, “Uzr, bozorda edim, keyinroq telefon qilarman” deb, uning ovozini oʻchirib qoʻydi.

Shunda psixolog: “Xamirturush aynigan ekan, xamir shuning uchun buzilgan”, dedi (onaning ahvoli shu boʻlsa, farzandidan nima kutish mumkin?).

Kanalga ulanish: FIKRAT.UZ

Yaponiya. Mamlakat aholisini dahshatga solgan zilzila. Ushbu dahshatli zilziladan soʻng, qutqaruvchilar tirik qolganlarni qutqarish maqsadida vayron boʻlgan uylarni koʻzdan kechira boshladilar. Ular hali turmushga chiqqaniga ikki yil ham boʻlmagan yosh juvonning uyiga kirishdi. Ular vayron boʻlgan uyni koʻzdan kechirishar ekan, qulagan devor tirqishidan tanasining bir qismi koʻrinib yotgan ayolni koʻrib qolishdi. Qutqaruvchilar zudlik bilan oʻsha tomonga shoshilishdi. Afsuski, qulagan beton devordan atigi bir qoʻl sigʻadigan joy bor edi. Qutqaruvchilar rahbari teshikdan qarar ekan, ayolning yotgan holati uni taajjubga soldi. U xuddi sajda qilayotgan odamdek tizzasi bilan choʻkkala tushib, qoʻllarini oldinga choʻzib nimanidir himoya qilib yotgandek edi, goʻyo. Qulagan bino boʻlaklari uning bosh va bellarini qattiq jarohatlagan edi. Qutqaruv guruhi rahbari tirik qolgandir, degan umid bilan uning nafas olishini tekshirdi. Afsuski, ayolning tanasi allaqachon sovib boʻlgan edi…

Qutqaruv guruhi aʼzolari vayron boʻlgan boshqa uylarni ham koʻzdan kechirish maqsadida, ushbu xonadonni tark etar ekan, biroq guruh rahbari negadir ortiga qaytdi va ayolning jasadini amallab joyidan qimirlatdi. Ne koʻz bilan koʻrsinki, ayolning bagʻrida jajji bolakay yotardi. Bechora ona, bolasini himoya qilish uchun shu holda jon bergan ekan… U baqirgancha: “bu yoqqa kelinglar, bu yoqqa! Bu yerda bolakay bor ekan, bolakay”, derdi.
Qutqaruvchilar katta qiyinchilik bilan ayolning atrofidagi beton devorni parchalay boshladilar. Vanihoyat changga belangan oppoq matoga oʻralgan, ushbu toʻpollar orom uyqusini buzmagan 3 oylik shirin bolakayni qutqarib olishdi. Jajji chaqaloq esa qutqaruvchilar qoʻlida sokin uxlardi…
Bolakayni tekshirish uchun zudlik bilan yetib kelgan shifokor, tuproqqa belangan matoni ocharkan, mato ichida turgan telefon uni diqqatini tortdi. U telefon ekraniga yozilgan yozuvlarni oʻqib, koʻzidan shashqator yosh oqdi. Unda quyidagi soʻzlar yozilgan edi:

“Bolajonim, agar omon qolgan boʻlsang, unutmaginki, men seni juda ham yaxshi koʻraman…onang…”.

Telefon qoʻldan-qoʻlga oʻtarkan, ekrandagi:

“Bolajonim, agar omon qolgan boʻlsang, unutmaginki, men seni juda ham yaxshi koʻraman…onang…” degan yozuvni oʻqigan har bir qutqaruvchi, yum-yum yigʻlagancha, jasoratli ona muhabbati qarshisida taʼzim qildi…

©

Kanalga ulanish: FIKRAT.UZ

⚠️ Soʻzlashayotganda gaplarimizga diqqat qilaylik!

❌ "Бўлди, ОК! Есть киламан" — demang!
✅ “Insha Alloh!” — deb ayting!

❌ "Вааауув даҳшат! Қойил!" — demang!
✅ “Subhanalloh!” — deb ayting!

❌ "Супер! Гап йўқ!" — demang!
✅ “Masha Alloh!” — deb ayting!

❌ "Чўткиман!" — demang!
✅ “Alhamdulillah!” — deb ayting!

❌ "Спасибочки, раҳмат" — demang!
✅ “Rahmat, Jazakallohu xoyr” (Alloh sizni mukofotlasin) — deb ayting!

❌ "А, давай, пока! Bye bye!" — demang!
✅ “Allohning panohida boʻling! Koʻrishguncha!” — deb ayting!

❌ “Салом, қалесан?” — demang!
✅  “Assalamu alaykum va rohmatullohi va barokatuh” (Sizga sogʻlik omonlik, Allohning rahmati va barakasi boʻlsin) — deb ayting!

Kanalga ulanish: FIKRAT.UZ

#she’riyat

Odamlar bor, bosgan qadami hikmat,
Odamlar bor, aytgan har so‘zi illat.

Odamlar bor, vatan uchun jon berar,
Odamlar bor, pul uchun yurtdan kechar.

Odamlar bor, biror yaxshilik qilmas,
Odamlar bor, xizmatin minnat qilmas.

Odamlar bor, go‘yo farishtasifat,
Odamlar bor, hayvondir odamsifat.

Odamlar bor, onasin rozi qilar,
Odamlar bor, onasidan or qilar.

Odamlar bor, otam boy bo‘lsa deydi,
Odamlar bor, otam bor bo‘lsa deydi.

Odamlar bor, do‘stlarga jon fido der,
Odamlar bor, do‘stlarin boshini yer.

Odamlar bor, odam taftini olar,
Odamlar bor, boshingga kulfat solar.

Odamlar bor, o‘rnak olsang arziydi,
Odamlar bor, ko‘rsang yurak beziydi.

Odamlar bor, xiyonat yo‘lin tutar,
Odamlar bor, diyonat yo‘lin tutar.

Odamlar bor, qalbi pok toza vijdon,
Odamlar bor, unga begona iymon.

Odamlar bor, ezgulikning qalqoni,
Odamlar bor, shaytonlarning shaytoni.

Muallif: FIKRAT kanali admini Ulug‘bek Jamolidinov.

Kanalga ulanish: FIKRAT.UZ

#kechki_mutolaa

Choʻponning duosi

Dunyoda hech yaxshilik qilmagan, doimo insonlarga ozor beradigan kishi vafot etibdi. Uning xotini janoza uchun qishloq ahlini chaqirsa, marhumning yodi uchun hech kim kelmabdi. Shunda ayol erini oʻzi kafanlab, bir aravaga solib, koʻmish uchun qishloq yaqinidagi toqqa olib ketibdi.

Togʻda qoʻylarni boqib yuruvchi bir choʻpon boʻlib, ayolning parishon holini koʻrib, undan hol soʻrabdi. Ayol boʻlgan voqealarni aytgach, yigit qabr qazib, janoza, duo oʻqib, marhumni dafn etibdi. Ayol qishloqqa qaytibdi.

Shu kechasi qishloq ahlidan bir necha kishining tushida ayon boʻlibdiki, kechagi marhum jannatiy boʻlibdi. Ertasi kuni qishloq faollari buning sababini bilish maqsadida marhumning uyida borishibdi. Uning ayolidan:

— Bilamizki, ering umri davomida bizga zulm qilib keldi, ozor berdi. Biron yaxshi ishini eslolmaymiz. Uning qanday fazilati bor ediki, Alloh unga jannatni nasib etibdi? – deb soʻrashibdi.

Ayol oʻylab-oʻylab, erining hayotidan biron fazilat topolmabdi. Ayoldan kecha nima boʻlganligini soʻrashibdi. Ayol borini soʻzlab beribdi. Shunda ular demak, gap choʻponda, u valiy zotlardan boʻlishi mumkin, deb oʻylashibdi-da toqqa yoʻl olishibdi. Qarashsa, yigit oddiy choʻpon, valiylik asoratlari koʻrinmaydi. Undan soʻrashibdi:

— Ey yigit, sen Allohning doʻstlaridanmisan? Sen kecha koʻmgan kishi jannatiy boʻlganini bizlar tushimizda koʻrdik. Kecha oʻzi nima boʻlgan edi?

— Men valiy emasman. Kecha men goʻr qazdim, marhumni dafn etdim. Janozasini oʻqidim. Soʻnggida duo qildim.

— Ha, nima deb duo qilganding?

— Dedimki, Allohim, men umrim boʻyi shu togʻlarda choʻponlik qildim. Bu togʻlarga Sening salomingni aytib kelgan har bir musofirni mehmoning bilib, unga sut sogʻib berdim, goʻsht qovurdim. Endi, menam senga bir mehmon joʻnatyapman. Uni oʻzing yaxshi kutib olgin!

Kanalga ulanish: FIKRAT.UZ

Nega taʼlim-tarbiyada oqsayapmiz?
Nega farzandlarimizni yuzi kundan-kunga qattiq boʻlib bormoqda?

Chunki avval onalarimiz hatto dadalarini yonida oyna qarshisida oʻtirmoqni uyatsizlik hisoblashgan.
Ularni soch taraganlarini balogʻatga yetgan oʻgʻillari ham koʻrmagan.

Birgina pardozlari oʻsma edi, ammo shuni ham yashirib, uyda erkaklar yoʻqligida qoshlariga surtishgan.

(Esimda qolgani onam oʻsma qoʻyib oʻtirgan boʻlsalar, dadam hovliga kirishlari bilan qoshlarini yuvib tashlar edilar.)

Oʻzbek ayolining hadeb oʻziga oro berishi, oʻzini oynaga solaverishi behayolik hisoblangan davrlarda, otasini koʻrsa yuzi qizaradigan, koʻylagini tizzasiga tortadigan, ovoz chiqarib kulgani uyaladigan, salom bermoq uchun ham bor jasoratini toʻplaydigan qizlar tarbiyalangan.

Hozir esa ayollar oynaga qarash u yoqda tursin, omma qarshisida oʻziga zeb berishdan, tungi koʻylagidagi rasmini internetga koʻz-koʻzlamoqdan uyalmayapti…😔

Shunday ekan ular tarbiya qilgan qizlardan shikoyat qilmang…

Zamon emas, insonlar oʻzgargan…

✍Osiyo Abdulazim qizi

Kanalga ulanish: FIKRAT.UZ

#kechki_mutolaa

Imom A’zam tijorat bilan shug‘ullanganlari, juda badavlat inson bo‘lganliklari ma’lum. Bu ulug‘ zot peshingacha talabalarga dars berar, peshindan keyin esa tijoriy ishlar bilan mashg‘ul bo‘lardilar. Bir kuni dars paytida masjid eshigidan kimdir ovoz berdi:
– Hazrat, kemangiz cho‘kib ketibdi (u zotning mol tashiydigan kemalari ham bo‘lgan)!
Imom A’zam bir onlik taradduddan keyin:
– Alhamdulillah, – dedilar.
Bir ozdan keyin yana boyagi odam yangi xabar keltirdi:
– Adashibmiz, hazrat, cho‘kkan kema boshqasiniki ekan.
Imom A’zam bunga ham boyagidek javob berdilar. Xabar keltirgan odam hayratda qoldi:
– Hazrat, kemangiz cho‘kkanini aytdik, «Alhamdulillah», dedingiz. Cho‘kkan kema sizniki emasligini eshitib ham, shu javobni berdingiz. Sababi nima?
Imom A’zam izoh berdilar:
– Kemamning cho‘kib ketganini eshitganimda qalbimga nazar tashladim. Dunyo molini yo‘qotish sababli ozgina bo‘lsa ham qayg‘uni ko‘rmadim. Buning uchun Alloh taologa hamd aytdim. Cho‘kkan kema meniki emasligini bilganimda ham shunday qildim; dunyo molini qo‘lga kiritish sababli zarracha quvonch yo‘q edi. Bu safar qalbimni dunyo matosiga hirs qo‘yishdan muhofaza qilgani uchun Alloh taologa hamd keltirdim, shukr aytdim.

Kanalga ulanish: FIKRAT.UZ