Fikr1yat

Men Najot Ta'lim markazida hozir Product menejer sifatida sinov asosida ish boshladim. ALLOH TAOLOdan hayrli boʻlishini so'rayapman. Menga shu yo'nalishda test vazifasi berilganda ustozlarimdan biri menga kasb o'qitishga ixtisoslashtirilgan yangi o'quv markazda CEO(rahbar) bo'lishimni taklif qilishdi. Men test natijasiga qarab javob berishimni bildirdim. Ochigʻini aytsam test topshiriqdan o'tishni juda xohladim ALLOH TAOLO yozgan ekan menga sinov bilan imkoniyat berishdi. Hozir sinovdan o'tishni va ushbu kasbni yaxshilab o'rganishga bel bogʻladim.

Menga CEOlikni taklif qilgan ustozimga ishonch uchun rahmat aytaman.

ALLOH TAOLO menga nima yozganini bilmayman ammo bilamanki U eng hayrlisini yozgan. Meni duolarida eslayotgan ota-onam, qarindoshlarim, ustozlarim, yor-u birodarlarimga rahmat aytaman. Duo qilib turingizlar ushbu yangi sinov men uchun hayrli boʻlsin.

Najot Ta'lim markazi jamoasiga qo'shilganimga bir yil bo'ldi. Bu vaqt oraligʻida 1000ga yaqin bitiruvchilarimiz bilan ishga joylashish masalasida bog'landim. 100 dan ziyod insonni to'g'ridan to'g'ri ish topishiga ko'mak berdim, 300dan ziyod rahbar va HRlar bilan bitiruvchilarimizni amaliyot/ishlarga nomzod sifatida taklif qilib bog'landim. Mening bu natijam orqasida Techjobs jamoasi bor. Techjobs jamoamiz bilan 5 ta trening va masterklass o'tkazibmiz. Jamoamiz bilan bitiruvchilarimiz ishga joylashish statistikasini 10%gacha o'sishiga erishdik. Bir necha yirik kompaniyalar bilan hamkorliklarda koʻprik bo'ldik, mehnat bozori talablarini o'rgangan holda o'quv dasturlarini qayta tayyorlashda ishtirok etdik. Turli masalalarda bergan takliflarimiz kech bo'lsada joriy etildi.

Eng muhimi, biz ishni ish deb emas balki o'quvchi-bitiruvchilar oldidagi burch sifatida yondashib ishladik. To'g'ri biz hammani rozi qila olmadik zotan bu imkonsiz. Biz Techjobs jamoasi har doim Najot Ta'lim markazi bitiruvchilarini hayot yoʻlini topishida yordamchi bo'lishga intildik.

Menga berilgan imkoniyat uchun Najot Ta'lim markaziga va men uchun kichik oila hisoblangan Techjobs jamoasiga minnatdorchilik bildiraman.

Assalomu alaykum va rohmatulloh
Jumaning hayri va barokati sizlarga boʻlsin!

Assalomu alaykum
Jumaning hayri va barokati sizlarga bo'lsin!

Menga yangi yoʻnalishda task berilgan edi, oxirgi 1 hafta miyamda faqat shu aylandi. Ertaga taqdimot qilishim kerak. Hozir kompyuterlarni uyqu rejimiga o'tkazib ishxonadan chiqishga tayyorgarlik qilayapman. Oxirigacha yakunlashga ulgurmadim ammo o'zim uchun ko'p narsa o'rgandim. Xullas, duo qilib turingizlar ertaga yuzim yorugʻ bo'lsin.

Bugun meni ko'pchilik esladi. Vaqti kelib sahifam yopilsa shundayin eslanarmikanman?

Hissiyotlarni boshqarish kerak

Hozirgi vaqtdagi eng kerakli ko'nikmalar qatorida hissiyotlarni boshqarish yetakchi oʻrinni egallaydi. Men uchun juda muhim ko'nikma sababi ba'zi o'rinlarda hissiyotlarga berilaman. Bugun ham shu qaytarildi va birinchi marotaba ko'rib turgan dekan bilan 1 soatga yaqin tortishdim. Men shubhalandim va o'ylamay qaysidir maʼnoda dekandan hisob so'radim. Yakunda meni shubhalarim asossiz ekanligini tasdiqlashdi men dekandan uzr so'radim. 3-tomonga ham borgan shubham uchun u kishidan uzr soʻradim. Menga bu yaxshi darslardan biri boʻldi. Avvallari xato qilsam mulohaza yuritish va uzr soʻrash uchun yillar keyin oylar keyin kunlar keyin soatlar ketardi. Bugun esa bu suhbat davomida anglashildi. Qaysidir maʼnoda tajribam oshgani va xato tan olishda tezlashganimdan xursandman. Nasib yanada e'tiborli bo'lishga va bu kabi emotsional xatolar qilmaslikka harakat qilaman.

Emotsional inson ekanligimni bilgan holda gapirishdan va faollikdan ma'lum vaqt chetga chiqqandim oqibatda ma'lum narsalarni yoʻqotildi tushundimki, chetga chiqish emas uni boshqarishni o'rganish kerak ekan.

Cho'l-u biyobonga ketgim keladi ammo bu kurashni osonlikcha boy berishdir.

Davom etamiz..

Assalomu alaykum
Jumaning hayri va barokati sizlarga boʻlsin!

Bu post uzun bo'lishi va IT (Axborot texnologiyalari)ga oid bo'lishi mumkin ammo bu yerda berilgan urg'u "Men befarq emasman" tushunchasidir. Nafaqat ish jarayonida balki asli qonimizga singishi kerak bo'lgan bu ibora bizni tark etgan. Jamiyatdagi, davlatdagi, mahalladagi, oiladagi umuman hamma yerda muammolarga biz befarq bo'lmasligimiz kerak. Ushbu befarqlik oqibatida davlatlar quladi, oilalar barbod boʻldi hozir ham globallashuv ta'sirida kirib kelayotgan axloqsiz, vahshiy g'oyalar g'arbni davlatlarni cho'ktirmoqda. Agar biz shunchaki befarq bo'lsak biz hali to'liq tiklay olmayotgan ma'naviyat, madaniyat, taraqqiyotimizni botqoqdan olib chiqa olmaymiz. Faqat so'zda yoki g'oya bilan emas balki amaliy harakatlar bilan befarq emasligimizni bildirish pozitsiyasida bo'lishimiz shart.

Siz komanda a’zosimisiz?
Kichik kompaniyalarda, ixcham jamoalarda "Men befarq emasman" tuyg‘usi o‘z-o‘zidan paydo bo‘ladi. Agar bu bo‘lmasa, bunday kichik kompaniya barbod bo‘lishga mahkum. Shu sababdan, moliyaviy qiyinchiliklar, metroga yaqin bo‘lmagan ofis, dam olish kunlarisiz ish va ijtimoiy paket yo‘qligiga qaramay, startaplarda birga ishlagan jamoa oqibatli bo’ladi.
"Men befarq emasman" madaniyati mavjud bo‘lgan kompaniyada inson o‘z ishini faqatgina vazifasi bilan cheklamaydi. Aksincha, u nafaqat qiziqish bilan boshqa vazifalarga qaraydi, balki ularda faol ravishda qatnashadi ham. Jamoa ishida ishtirok etish va yordam berish odatiy holga aylanadi.
Kichik kompaniyalarda "Men befarq emasman" degan pozitsiya hatto kundalik turmushga ham taalluqli bo‘ladi. Agar kimdir kulerda suv qolmaganini, qahva mashinasining filtri to’lib qolganini, qahva tugaganini yoki sut paketi bo‘shaganini ko‘rsa, u qahvadan voz kechib, mashina yana ishlashini kutib o‘tirmaydi. U bemalol filtrni almashtiradi, qahva qo‘shadi, sut olib keladi, o‘z ichimligini tayyorlaydi va yana ishini davom ettiradi.
Lekin kompaniya o‘sishni boshlaydi, odamlar ko‘payadi. Bir kuni kimdir qahva olgani keladi va mashina qahva qo‘shishni talab qilayotganini ko‘radi. Shunda u ortga qaytib, ish joyiga boradi. Va shu yondashuvni o‘z ish joyiga, kundalik faoliyatiga ham olib keladi.
Agar undan nima uchun bunday qilganini so‘rasangiz, u hatto savolning mohiyatini tushunmasligi mumkin. “Nega” deb so’rasangiz? “Chunki men menedjer, lider, top xodimman. Qahva mashinasini to‘ldirish bo‘yicha mutaxassis emasman,” deydi. Bunday shaxs uchun bu oddiy holat. Ha, rasmiy jihatdan u mutlaqo haq, unga hech qanday e’tiroz yo‘q. Lekin kompaniyadagi bunday ruhiyat ish jarayoniga qanday ta’sir qiladi?

Ish jarayonida ijrochilar soni 1 nafardan ko’p holatda tanaffuslar ko’payadi, ma’lumot almashinuvi sekinlashadi. “Men telegramdan yozib qo’yganman, javob kelmadi”, “Backend (yoki frontend) tayyor emas, task commentiga yozib qo’yganman”, “ish vaqtim tugab qoldi” qabilida gaplar eshita boshlaysiz.
Komanda faqat ishonsa bo’ladigan mutxassislar atrofida to’planadi, Ishdan qo’rqmaydigan, undan qochmaydigan, muammoni hal qilish, yechim ustida bosh qotiradigan, kompaniya ishlariga barcha jabhada befarq bo’lmagan insonlar komanda qalbi bo’ladi.
Siz komanda a’zosimisiz?

©IsrailovsBlog kanalidan ulashildi

Maktabni tugatayotgan vaqtimda rahbariyat boshchiligida katta qilib o'tkazilgan so'nggi qo'ng'iroqda menga "Maktabning eng vijdonli o'quvchisi" degan nominatsiya berishgan edi. Shu vaqtda men maktabdagi yagona viloyat fan olimpiadasi gʻolibi va sport bo'yicha O'zbekiston chempioni edim ammo menga shu nominatsiya berilgan. Bilasizmi, bu nominatsiyaga mos bo'lib yashash juda og'ir ekan.

Assalomu alaykum va rohmatulloh
Jumaning hayri va barokati sizlarga boʻlsin!

Bugun Kozimxon Turayevning "Korporativ boshqaruv va HR" kursining 11-mavsumi o'z yakuniga yetdi. Qariyb 2 oy davom etgan kurs juda yaxshi xotiralarini menda muhrladi. Dastlab ushbu kursni o'qishni xohladim ammo imkoni bo'lmadi (kurs bahosi asosan top menejment uchun mo'ljallangan). Ammo nasibamiz qo'shilgan ekan men ushbu kursda aynan o'quvchi sifatida emas balki volontyor sifatida qatnashdim va auditoriyada berilayotgan bilimlarga sherik bo'ldim. Ushbu kurs men uchun juda manfaatli bo'ldi, ko'p yangi narsalarni o'rgandim, ko'p tadbirkor va top menejmentdagi insonlar bilan tanishdim, u insonlardagi chiroyli muomala va to'xtovsiz harakat meni hayratda qoldirdi. Xullas dars atmosferasi juda zo'r bo'ldi. Hozir niyat qilayapman, o'zim uchun olgan yangi energiya va bilimlarni hayot yo'limda samarali qo'llayman INSHAALLOH. Bu kabi kurslarda, katta konferensiyalarda ishtirok etish kerakligini yana qayta tushunib yetdim.

Kozimxon aka boshchiligidagi ahil va samimiy jamoaga omad tilayman. @KozimxonTuraev

Sabr

Ayni zamonda sabrsizligimiz bizni ko'p ofatlarga ro'para qilmoqda. Hozir nafsimiz sabr bilan sinalmoqda. Ilm olishda sabrsizlik qilamiz oqibat bilim chala bo'ladi. O'zimizdagi bor moddiyatga sabrsizlik qilamiz (taom, kiyim, telefon, mashina, uy va hokazo) va pul bo'lmasa qarz, kredit olamiz. Ishimiz tez bitishini istab kimgadir pora - "sovg'a" beramiz. Ibodatni tezroq ado qilishga shoshamiz oqibat xushu-xuzudan mahrum bo'lamiz. Ba'zan do'stlikka, sevgiga shoshib noto'gʻri insonni tanlab pushaymon bo'lamiz.

Shayton bizni shoshiltirayapti. Katta marafonga sprint yugurishga chorlamoqda. Unga ishonsak, g'olib bo'lish tugul marraga ham yeta olmay qolamiz.