FAYZIY

Ikki kun oldin bir doʻstim:
– Fayziy, mana shu ishni juda ham qoyil qilibsan. Gap yoʻq, rostan menga yoqdi, deb qoʻygandi, hali ham bu gaplar kayfiyatimga ta’sir oʻtkazyapti. Albatta yaxshi tomonlama.

Ozgina e’tibor, ikki ogʻiz shirin soʻz bilan katta-katta hursandchiliklar ulashish mumkinligini tushundim.

@fayziy_uz

Mening ikkita odatim bor. Biri yaxshi, ikkinchisi yomon. Yaxshisi: men oʻzimga har ertalab ishga ketish oldidan va har kechasi yotish oldidan 50 sahifa kitob mutolaa qilishni odat qilganman. Yomon odatim esa: biroz yolgʻon gapirib turaman…

@fayziy_uz

Ramazon oyi kelyapti! Hursandchilik, taqvo, baraka oyi kelyapti. Oʻzining qadr kechasi boʻlgan qadrli oy kelyapti. Albatta ramazonning kelishi har birimizning qalbimizga surur olib keladi. Chunki ramazon Qur’on oyidir. Unda har bir masjidda Qur’on hatmlari boʻladi, kechalari jamoat boʻlib toʻp-toʻp kishilar Allohga ibodat qilishadi. Qiyomlar, rukular, sajdalar. Zikrlar…

Bu hamma-hammasi biz orzuqib kutayotgan narsalarimizning eng afzalidir. Lekin ayni damda vujudimni qamram olgan savollar, hayollar koʻzimga yosh tortqilayapti:

Sen ramazoniymisan yoki Rahmoniy? Axir, axir ramazondan boshqa oylarda bir kun ham roʻza tutmading-ku? Qara tokchadagi Qur’oningni chang ham bosibdi, ramazondan beri biror marta hatm qilmading. Boshqa oylarda ham kechalar bor edi, lekin biror kecha bedor boʻlib namoz oʻqimading. Kunlaringni tartiblamading, ramazondan ibrat olmading….

@fayziy_uz

U KISHILARDAGI ORZUNI QARANG

Kun asrdan oqqan… Quyoshning zarrin nurlari Baytul Haram bilan xayrlashish arafasida. Fayzli hovlida kechki salqin shabada esishiga hali bir oz vaqt bor…

Ayni paytda, odamlar mahobatli Kabai muazzama atrofiga toʻp-toʻp boʻlib yigʻiladilar. Ka’baning goʻzalligidan koʻzlar quvnaydi, dillar diniy suhbatga moyil boʻladi.

Ana, Ka’ba yonida yuzlari yorqin, qomatlari koʻrkam toʻrt oʻrtoq oʻtirishibdi.

Bular Abdulloh ibn Zubayr, uning ukalari Mus’ab ibn Zubayr va Urva ibn Zubayr hamda Abdulloh ibn Marvonlardir (hammalarini Alloh rahmat qilsin). Toʻrtovlon vazmin kayfiyatda suhbatlashar ekan, ulardan biri shunday taklif aytib qoldi:

– Kelinglar, har birimiz shu yerda yaxshi koʻrgan narsamizni Alloh taolodan soʻraymiz…

Abdulloh ibn Zubayr:
– Men Hijozni egallab, halifa boʻlishni xohlayman, - dedi.

Ukasi Mus’ab:
– Men Kufa va Basraga egalik qilishni, bu xususida hech kim men bilan tortishmasligini istayman, - dedi.

Abdulloh ibn Marvon esa:
– Demak, sizlar shunga qanoat etasizlar. Men yer yuziga hukmronlik etishni va Muoviya ibn Abu sufyondan soʻng xalifa boʻlishni orzu qilaman, - dedi.

Urva ibn Zubayr shunday dedi:
– Sizlarga Alloh baraka bersin. Orzularing amalga oshsin. Ammo men olim boʻlishni xohlayman. Allohning kitobini, Rasululloh sollollohu alayhi vasallamning hadislarini hamda diniy hukmlarni odamlarga oʻrgatishni istayman. U bilan Alloh taoloning roziligiga erishish va jannatga kirishni umid qilaman, dedi.

Abdulloh ibn Marvon aytadi:
“Kim jannatiy odamni koʻrmoqchi boʻlsa, Urva ibn Zubayrga qarasin”.


@fayziy_uz

Paygʻambarimiz sollollohu alayhi vasallam rajab oyi kirsa, duo qilar ekanlar: “Allohim, bizga rajab va sha’bon oyini barakali qilgin va bizni ramazon oyiga yetkazgin” - deb.

Alhamdulillah, mana rajab oyi tugab sha’bon oyi ham keldi. Keyingi oy inshaalloh ramazon oyi!

Allohim, bizga bu oylarni muborak(barakali) qilgin. Bizlarni hursandchilikda, sihat-salomatlikda ramazon oyiga ham yetkazgin!

@fayziy_uz

Sen ilmga faqat mana shu oltita narsa orqali erishasan. Bu oltita narsa quyidagilardir:

1. Zehn, zakovat
2. Ilmga tashnalik, harislik
3. Ilmda sabr qilib matonat bilan turish (ya’ni bir ilmni oʻrganishni boshladingmi, shu ilmni oxirgacha oʻrganmaguncha sabr qilish, boshqa ilmlarga sakramaslik)
4. Bir parcha non, ozgina taom
5. Ustozning ta’limi, tavsiyasi, senga doim yoʻl koʻrsatib turishi (ya’ni doim ta’lim berib, maslahat berib boradigan bir ustoz boʻlishi)
6. Koʻproq vaqt (chunki ozgina 2-3 yilda olim boʻlib boʻlmaydi, chunki fanlar, darslar koʻp).

@fayziy_uz