kichkina hobbit

Oxirida kulib ketishlik nasib qilsin!

Ilk bor xalq uchun, adolat uchun ishlamoqchi boʻlganimdan kulguga qoldim!

Safar bizdan, zafar Allohdan!
Tadbir bizdan, taqdir Allohdandir!

• Men: Shohruh
• Ovqat: Qornim toʻymasdan tugagani
• Qo'shiq: Ye O!
• Ichimlik: Vino
• Hayvon: Mushuk
• Rang: Qora, kulrang, yashil
• Multfilm: Dr. Stoun
• Hobby: Muzikant
• Film: Interstellar
• Kitob: HP, LOTR
( Ayni damda shular, meni istaklarim beqaror🙃)

Balki malhamni G’azodan topgan boʻlarmidim…

Inson bir kun kelib charchaydi. Charchashi kerak ham. Axir u inson! Uhlashdan, kitob oʻqishdan, oʻrganishdan, tushuntirishdan va hatto bahslashishdan ham…
Milyard kuchlanish va yoki tezlikda biron bir narsaga intilib uni ideallashtirish… Goʻyo oxiri yoʻqdek! Xuddi qumdan qurilgan qasr kabi boʻladigandek.
Jamiyatdan va elitadan koʻngling ayniydi… Nega ular koʻra turib bu darajada harakatsiz! Qoʻlimdan keladi, men ularni va joriy tizimni oʻrgartiraman, uni yaxshiroq qilaman deb harakat qilasan. Noshukur tarzda harakat qilasan, koʻngling toʻlmaydi. Jamiyatdagi koʻpchilik notoʻgʻri harakat qilyabdi deysan!
Haqsan!
Ha, haqsan.
Goʻyo ikki chiziq orasida turganingda, chiziqni kim chizganini tushunasan! Sening harakatlaring balki toʻgʻridir! Jamiyatni oʻzgartirish uni yanada yaxshiroq qilish… ha bu ham kerakligini. Oʻzingni tushunib, oʻzing oʻzgarmaguningcha hech narsani oʻzgartirolmasligingni anglaysan.
Baridan charchagan odamning qiladigan birinchi harakati - oʻzlikni anglashga oʻxshagan narsa.

Oʻylayman!
Anglab yetganing balki hechdir…
Hechni esa oʻylashgada qodir emassan.
Savol: hechni oʻylaganingda oʻyingdagi nima boʻladi?

Qanaqadir tushunarsiz hislar!

Yana qandaydir gʻazab, a balki duxdir!

Bilmadim! Menga nimalar boʻlayabdi. Ichimdan nimadir otilib chiqyabdi. Tushunarsiz holat, tushunarsiz ong. A balki bu ongsiz yozuvlardir.

Yaqinda kichik bir imtihon! Gʻalati holat! Nimaga bunday!
Ongsiz holatda ichimdan quyidagilar chiqyabdi.
“Shuncha vaqt davomida yaxshi farzand boʻlishga harakat qilding. Alaloqibat qoʻydek yuvosh boʻlding! Yaqinlaring sening fikring bilan hisoblashmaydi. Shunchaki sen ular aytganini qilasan. Tamom. Ular shunday oʻylaydi va shu vaqtgacha ular haq boʻlib keldilar. Endi oʻz bilganingcha yasha! Hech boʻlmasa shaxsing ustida kimnidir qur! Ularning yuqoridagi fikrlarini buz va yakson qil!”
Yoshligimdan oʻrta oiladan pastroq darajada daromadga ega boʻlgan oilada oʻsdim. Otam doim yaxshi pul topgan. Ammo dadamning otasi u pulni yaqinlarini koʻzida zoʻr boʻlish uchun asosan oʻshalar uchungina ishlatgan. Ularga toʻy qilib uylar solib bergan. Oʻzimizning oilaga kelganda esa xatto oziq-ovqatdan ham kechgan. Xullas mana shunday oilada katta boʻldim. Yuqori maktabda oʻqiyotganimda aqlimni tanib boʻlganman deb oʻylaganman.
Va…
Qoʻqqisdan bum!
Baxtsiz tasodif va balki kimlar uchundir omad yana kimlarga fojia, kimlargadir boylik va yana kimlargadir qashshoqlik boʻlib xizmat qildi u voqea.
Blin…
Nega yozdim bularni…

Seni sen haqingdagi gaplar oʻzgartirmasligi kerak, qachonki oʻzing haqingda oʻzingdan oʻzgasi yaxshiroq bilmagunicha!

Taqdir bitildi…
Qalam koʻtarildi…
Siyoh quridi…
Tamom.

Qoq tun.
Chap tomonga agʻanayman. Tishimning chap tomoni tepasi ham pasti ham ogʻriydi. Yuzimning chap tomonini bolishga bosaman. Ogʻriq yaxshi ishlamayotgan lampochkadek balandlab pastlaydi. His qilishga majbur qiladi u meni. Goʻyo meni his qilmasang lovullayman degandek boʻladi.

Chiq-chiq-chiq…

Ogʻriqni his qilganingda va yoki uni his qilishga majbur boʻlganingda nisbiylik nazariyasi yaxshiroq anglaysan.

Chiq-chiq-chiq…

Koʻzimni yumib, uhlashga harakat qilaman. Ammo his qilayotgan narsam menga uyqu bermaydi. Qoʻlimni deraza tomon choʻzaman. Pardani suraman. Tashqaridagi chiroqning nuri tushadi. “Uff” deyman. Oʻng tomonga agʻanayman.

Chiq-chiq-chiq…

Divanim gʻichirlaydi. Men koʻp agʻanayman. Jismim azobga ming lanatlar aytib toʻlgʻonadi. Tishing ogʻriganda, buni faqatgina oʻzing his qilasan.

Chiq-chiq-chiq…

Tong otadi. Ogʻriq pasayadi. Men shunda uhlayman. Shom vaqtida uygʻonamanda. Yuvinib tish duxtirining oldiga tushaman. U menga tishim yiringlaganini va uni tuzatish 3 mln ekanligini aytadi. “Menga kim bu pulni beradi” hayolimdan oʻtadi. Ogʻriqqa ming lanat boʻlsin!
Gʻalati boʻlib uyga chiqaman. Dadam qoʻngʻiroq qiladi. Va tuzalishim uchun pulni berishini aytadi.
Toʻgʻrisi
Xoʻrligim keladi
Yigʻlagim keladi
Bilmayman nega?
Men hech u odamni sevmadim, yoqtirmadim, doʻst boʻlmadim. U ham shunday… Ammo u dadam!

Chiq-chiq-chiq!

Ogʻriq - tanang, jisming tirikligidan xabar.
Fikrlash - miyyang ishlayotganidan xabar.
Iymon - ruhing pokligidan xabar!

Kun oʻtyabdi. Kun oʻtkan sayin Bermut uchburchagida adashib qolgan ekspeditsiya a’zosidekman goʻyo!

Va, yoki… Yoʻlga otlanayotgan sayyohdek yoʻl xaltamni hozirlayabmanu, menga yoʻl uchun yoʻldosh kerakdek.

Tushunmay qolaman… men yoʻlga chiqish uchun tayyorgalik koʻryabmanmi yoki yoʻldamanmi?! Melevich kvadrati singari men yorugʻlik ichidagi qora kvadratni koʻryabman xolosmi?

Mavhumlik…

Aytar bir gapim bor…

Maylimi sukunat men uni senga aytsam va sen uni odamlarga jar solib, baralla aytsang. Ularga mening holimdan xabar qilasang… Zora ular ogoh boʻlishsin…

Maylimi?

Ey Tirik jon, oʻsayotgan, suzayotgan, uchayotgan, nafas olayotgan va tiriklik belgisi namoyon barcha barchaga… Menga hech qachon ishonmanglar! Chunki men oʻz ota-onasini ishonchini oqlay olmayotgan bir noshudman!

Mayli

Mayli meni uring, soʻking, haqoratlang va xatto meni koʻrganingizda yuzingizni buring. Ammo hech ota-onam haqida yomon soʻz demang. Ular menga bilganlaricha ta’lim va tarbiya berdilar. Ular menga barchasini muhayyo qilishdi.

Ammo

Ammo men oʻz oʻzimni tushunolmayotgan bir ahvoldaman. Ruhim ham qalbim ham tanam ham aqlim ham menga nisbatan jimdek goʻyo… Men shunchaki oʻzimni yoʻqotib qoʻydim. Oʻz holimni qayerdan qidirishni, kimdan soʻrashni, qaysi kitobni oʻqishni bilmay qoldim.

Yoʻq

Yoʻq men devona boʻlmadim. Ayni damda yuragimda hech kimsa yoʻq, hech kimga koʻngil ham bermaganman.

Yoʻq

Yoʻq men aqldan ozmadim. Koʻryabman. Tushunyabman. Anglayabman. His qilyabman.
Men yolgʻizman. Xuddi Markesning Yuz Yili singari. Ammo men bu yolgʻizlikka oshiq boʻlganman. Undan ketolmayabman. Atrofimda bir talay odam va men atrofimdagilar bilan ham yolgʻizman, holsiz.

Qadrdonim sukunat! Ularga mendan xabar qil!

Kunlar oʻtaveradi, oy ham yerni tinmay aylanadi. Oy koʻrinmay qolgan vaqtlar ezilaman. Keng fazoda yulduzlar miltillayotgani koʻngilga taskin bergandek boʻladi, ammo baribir oy koʻrinmaydi, hilol koʻrinmaydi. Hilol va yulduzlarning birgalikda porlashida goʻzallik mujassamdek.

Oyna. Afsunlangandek boʻlaman unga har gal qarasam.

Gʻazabim keladi. Toʻladi. Toshadi. Nima qilishni bilaman. Ammo umidsizman. Negadir shunday. Har doim oʻzimdan gʻazabdaman. Hech oʻzimdan koʻnglim toʻlmaydi. Nega bunday ekan.
Qilgan va qilayotgan xatti harakatlarimning oxiri qanday boʻlarkin. Turklar toʻgʻri soʻylashadi “safar bizniki…” “chekimizga ne tushsa shuni qilamiz” deb.

Hilolga qarayman, taskin topgandek boʻlaman.