“FARG‘ONA HETK” AJ

⚡️BAGʻDOD TUMANIDA ELEKTR ENERGIYASIDAN NOQONUNIY FOYDALANISH HOLATI FOSH ETILDI

Bosh prokuratura huzuridagi Departamentning Bag‘dod tumani bo‘limi tomonidan o‘tkazilgan tergovga qadar tekshiruvlarda fuqarolar S.B. va X.J. umumiy ovqatlanish shoxobchasi hamda ko‘chma do‘konlarida tijorat maqsadida o‘zboshimchalik bilan elektr tarmoqlariga ulanib, jami 102,8 mln so‘mlik elektr energiyasidan noqonuniy foydalanganliklari aniqlangan.

Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.

👉 t.me/farhetk_admin

➡️PORA OLISH – JAZOSI MUQARRAR JINOYATDIR!

👉 t.me/farhetk_admin

✅KORRUPSIYAGA – YO’L YO’Q!

Hozirgi kunda dunyo miqyosida hal etilishi lozim boʼlgan eng birlamchi masalalardan biri korrupsiya muammosidir.

Shu bois unga qarshi kurash xalqaro miqyosga koʼtarilib, jahon siyosatining muhim masalalaridan biriga aylandi.

Korrupsiya o‘ziga tamagirlikni qamrab olgan holda jamiyatning ma’naviy ustunlari hamda demokratiyani yemirib, mamlakatning iqtisodiy-ijtimoiy va siyosiy taraqqiy etishi uchun ulkan xavf tug‘diradi. Korrupsiya shaxsning o‘z mansab yoki xizmat mavqeidan shaxsiy manfaatlarini yoxud o‘zga shaxslarning manfaatlarini ko‘zlab moddiy yoki nomoddiy naf olish maqsadida qonunga xilof ravishda foydalanishi, xuddi shuningdek, bunday nafni qonunga xilof ravishda taqdim etish demakdir.

Korrupsiya jamiyat rivojiga rahna soluvchi xavfli illat. Bu illatga qarshi nafaqat huquq-tartibot idora vakillari, balki barcha birdek kurashmog‘i lozim.

Shu maqsadda kuni kecha Furqat tuman elekr ta’minoti korxonasining majlislar zalida tegishli tashkilot mutaxassislari boshchiligida yig’ilish bo’lib o’tdi.

O’tkazilgan yig’ilish davomida jamiyatdagi barcha yo’nalishlar tanqidiy va tahiliy birma-bir sarhisob, muhokama qilindi.

Hududlarda bu kabi targ’ibot–tashviqot tadbirlari davom etmoqda.

👉 t.me/farhetk_admin

Korrupsiya haqida xabar bering!

Hurmatli fuqarolar! Agar siz, “Hududiy elektr tarmoqlari” AJ hamda uning filial va korxonalari faoliyatida korrupsiyaga oid huquqbuzarliklarga duch kelsangiz, quyidagi aloqa manzillariga xabar berishingizni so‘raymiz:

Ishonch telefoni: +998781507561,

Telegram-bot: @HETanticor_bot ,

Call-markaz: 1154

Eslatib o‘tamiz: Qonunchilikda korrupsiyaga oid huquqbuzarliklar to‘g‘risida xabar qiluvchi shaxslar va ularning yaqin qarindoshlari davlat himoyasida bo‘lishi belgilangan.

t.me/farhetk_admin

🌲QUVA TUMANI “KARKIDON” SUV OMBORI HUDUDIDA “ENERGETIKLAR” BOG’I BARPO ETILDI

🌿Kuni kecha Quva tumani “Karkidon” suv ombori hududidagi 270 gektar maydonda “yashil belbog‘” loyihasiga start berildi.

🌱Shu munosabat bilan tashkil etilgan tadbirda viloyat hokimi Xayrullo Bozorov, viloyat sektorlari rahbarlari, boshqarma va tashkilotlar mutasaddilari, nuroniylar, yoshlar va keng jamoatchilik vakillari ishtirok etdi.

Viloyat rahbari Prezidentimizning tashabbusi bilan bundan uch yil avval boshlangan “Yashil makon” umummilliy loyihasi chinakam xalq harakatiga aylanganini, bu sa‘y-harakatlar tabiatimizni asrab-avaylash, yurtimizni yashillikka burkash hamda go‘zallikka xizmat qilayotganligini, viloyatimizda bu borada namunali ishlar yo‘lga qo‘yilganligini ta‘kidladi.

“Karkidon” suv omborida boshlangan ezgu tashabbus ham buning yaqqol isboti ekanligini qayd etib, obodlikka hissa qo‘shayotganlarga minnatdorchilik bildirdi.

Mazkur loyihada “Farg’ona hududiy elektr tarmoqlari korxonasi” AJ xodimlari ham faol ishtirok etib, hududga 200 dan ortiq manzarali daraxt ko‘chatlarini ekishdi. Hududni obod va fayzli bo‘lishi uchun o‘z hissalarini qo‘shishdi.

👉 t.me/farhetk_admin

🟢XODIMLAR O’RTASIDA ODOB-AXLOQ QOIDALARIGA RIOYA ETILISHINI TA’MINLASH MASALALARIGA BAG‘ISHLANGAN DAVRA SUHBATI BO‘LIB O‘TDI

“Farg’ona hududiy elektr tarmoqlari korxonasi” AJ muntazam ishchi-xodimlar o’rtasida korrupsiyaga qarshi kurashish borasida targ’ibot–tashviqot tadbirlari o’tkazilmoqda.

Jumladan, Beshariq tuman elektr ta’minoti korxonasi ishchi–xodimlari ishtirokida davra suhbati hamda targ’ibot–tashviqot tadbirlari bo’lib o’tdi.

Tadbir davomida xodimlar o‘rtasidagi o‘zaro axloqiy munosabatlari, ishchanlik obro‘si va xizmatning nufuziga putur yetkazishi mumkin bo‘lgan harakatlar yoki harakatsizlik, xizmat faoliyatidagi va xizmatdan tashqaridagi xulq-atvorning asosiy qoidalari haqida batafsil tushunchalar berildi.

Bundan tashqari, korrupsiya har qanday jamiyatning siyosiy va iqtisodiy rivojlanishiga zarar yetkazishi, jamiyatning ma’naviy-axloqiy asoslarini yemirishi, demokratik institutlar va qonun ustuvorligini kuchsizlantirishi, terrorizmni va insoniyat xavfsizligiga qarshi qaratilgan boshqa tahdidlarning o‘sishiga yordam berishi haqida so‘z bordi.

Hududlarda bu kabi targ’ibot–tashviqot tadbirlari davom etmoqda.

👉 t.me/farhetk_admin