Farg‘ona tumani hokimligi

“Kitob ziyo chashmasi”: Farg‘ona tumanida kitobsevar yoshlar uchun rang-barang tadbirlar o‘tkazildi

Farg‘ona tumani axborot-kutubxona markazida “O‘zbekiston – kitobxonlar yurti” shiori ostida o‘tkazilayotgan V Respublika “Kitobxonlik haftaligi” doirasida navbatdagi mavzuga bag‘ishlangan bir qator ijodiy va maʼnaviy tadbirlar tashkil etildi.

Jumladan, “Kitob ziyo chashmasi” va “Men sevgan asar qahramonlari” rukni ostida rasmlar tanlovi o‘tkazildi. Bu tanlov kitobxon o‘quvchilarning tasavvur olamini, estetik didini va o‘qigan asarlarga bo‘lgan individual yondashuvini ifodalashga xizmat qildi.

Tadbirda faol kitobxonlar bilan bir qatorda tumandagi 5-, 18-, 43-sonli umumiy o‘rta ta’lim maktablari hamda “Barkamol avlod” bolalar maktabi o‘quvchilari faol ishtirok etdilar. Ishtirokchilar o‘zlarining sevgan asarlari asosida chizgan ijodiy ishlari, sahna ko‘rinishlari va qahramonlarga oid ta’sirli mulohazalari bilan barchaga iliq taassurot qoldirdilar.

Tadbir yakunida faol ishtirok etgan o‘quvchilar Farg‘ona tumani axborot-kutubxona markazi jamoasi tomonidan diplom va esdalik sovg‘alari bilan taqdirlandi.

Sayt | Telegram | Facebook | Instagram | YouTube | X

"Umr yaxshilikka safar bo‘lsaydi": Enaxon Siddiqova xotirasiga bag‘ishlangan taqdimot bo‘lib o‘tdi

Farg‘ona tumani axborot-kutubxona markazida “O‘zbekiston – kitobxonlar yurti” shiori ostida o‘tkazilayotgan V Respublika “Kitobxonlik haftaligi” doirasida O‘zbekiston xalq shoiri, Oliy Majlis Senati a’zosi, yuksak ma’naviyat timsoli Enaxon Siddiqovaning xotirasiga bag‘ishlab “Umr yaxshilikka safar bo‘lsaydi” mavzusida kitob taqdimoti o‘tkazildi.

Taqdimot davomida shoiraning hayoti, ijodiy merosi, insoniy fazilatlari hamda yurak to‘ridan joy olgan she’riy satrlari haqida iliq so‘zlar aytildi. Uning samimiy fikrlari, ona yuragidan to‘kilgan tuyg‘ulari va milliy g‘urur uyg‘otuvchi she’rlari yana bir bor kitobsevarlar qalbini larzaga soldi.

Tadbirda adabiyotshunoslar, o‘qituvchilar, kutubxonachilar va yosh ijodkorlar ishtirok etdi. Shoiraning hayoti va asarlari asosida suhbatlar olib borildi, ishtirokchilar uning ijodidan parcha o‘qib, o‘zlarining taassurotlari bilan bo‘lishdilar.

Sayt | Telegram | Facebook | Instagram | YouTube | X

Fargʻona tumanida “Kitobxonlik haftaligi” doirasida navbatdagi maʼnaviy tadbir bo‘lib o‘tdi

“O‘zbekiston – kitobxonlar yurti” shiori ostida o‘tkazilayotgan V Respublika “Kitobxonlik haftaligi” doirasida Fargʻona tumani axborot-kutubxona markazida navbatdagi maʼnaviy-maʼrifiy tadbir bo‘lib o‘tdi.

Ushbu tadbir kitobxonlikni keng targ‘ib qilish, aholining ma’naviy saviyasini oshirish va yoshlar o‘rtasida mutolaaga bo‘lgan qiziqishni kuchaytirish maqsadida tashkil etildi. Tadbir davomida kitoblarning jamiyat hayotidagi o‘rni, mutolaa madaniyatining yosh avlod tarbiyasidagi ahamiyati haqida so‘z yuritildi.

Ishtirokchilar uchun kutubxona fondidagi yangi adabiyotlar taqdimoti, kitobxonlar o‘rtasida qiziqarli suhbatlar va fikr almashuvlar ham uyushtirildi. Bunday tadbirlar nafaqat kitobga mehr uyg‘otadi, balki ma’naviy barkamol jamiyat shakllanishiga ham xizmat qiladi.

Sayt | Telegram | Facebook | Instagram | YouTube | X