Farg‘ona viloyati Мadaniyat boshqarmasi | Rasmiy kanal

#Nomoddiy_madaniy_meros

⚡️ Nomoddiy madaniy merosni har tomonlama muhofaza qilish bo‘yicha respublika seminari o‘tkazildi
 
👉 Batafsil: https://gov.uz/oz/madaniyat/news/view/36450

Rasmiy sahifalarimizda bizni kuzating:👇
✅ Telegram | ✅ Instagram |
✅ Facebook | 📹 YouTube

Fargʻona viloyatida madaniyat sohasida yangi ishlar va tayyorgarlik masalalari muhokama qilindi

🦅 Bugun 17-fevral kuni Fargʻona viloyati madaniyat boshqarmasi boshligʻi Jahongir Tojibayev rahbarligida tizim rahbarlari ishtirokida masofaviy va an’anaviy tarzda yigʻilish oʻtkazildi. Yigʻilishda viloyat madaniyat sohasidagi eng dolzarb masalalar muhokama qilindi va kelgusida amalga oshirilishi lozim boʻlgan chora-tadbirlar belgilandi.

🤔 Mazkur yigʻilishda dastlab, 8-mart “Xalqaro xotin-qizlar” kuni va 21-mart “Navroʻz” bayram tadbirlariga tayyorgarlik koʻrish masalalari muhokama qilindi. Ushbu bayramlar viloyatda katta ahamiyatga ega boʻlib, ularning oʻtkazilishi uchun maxsus dasturlar va tadbirlar tayyorlash rejalashtirilgan. Shuningdek, xalq unvoniga ega jamolarning ijro repertuarlarini boyitish, ularni yangi dasturlar bilan ta’minlash masalasi ham koʻrib chiqildi. Bu borada madaniyat sohasidagi faoliyatni yangi bosqichga koʻtarish uchun qoʻshimcha chora-tadbirlar ishlab chiqildi.

🌀 Shuningdek, yigʻilishda har hafta Fargʻona viloyati madaniyat boshqarmasi tomonidan tuzilgan ishchi guruh tizim tashkilotlarini oʻrganib, har dushanba kuni boshqarma boshligʻi tomonidan o‘rganish ishlarining natijalari haqida hisobot berilishi belgilangani ta’kidlandi. Bu esa madaniyat tizimidagi ishlarni yaxshilash va samaradorligini oshirishga imkon yaratadi.

🤔Bundan tashqari, yigʻilishda madaniyat va san’at xodimlarining etikasi, ijro intizomi va sohaga oid muammolar ham keng muhokama qilindi. Madaniyat xodimlarining professional etikasi va me’yorlariga qat’iy rioya qilish soha taraqqiyoti uchun muhim omil ekanligi ta’kidlandi. Teatrlar, Oʻzbekiston davlat Filarmoniyasi Fargʻona viloyati hududiy boʻlinmasi faoliyatining rivojlanishi, bolalar musiqa va san’at hamda ixtisoslashtirilgan maktablarida ta’limining sifatini oshirish yuzasidan koʻplab takliflar ilgari surildi. Madaniyat va san’atni rivojlantirish, yangi avlod pedagoglarini tayyorlash, zamonaviy pedagogik metodlarni tatbiq etish zarurligi qayd etildi.

🌀

Yigʻilishda ijro intizomi, madaniyat va san’at xodimlarining kasbiy mahoratini oshirishga alohida e’tibor qaratildi. Shu bilan birga, madaniyat sohasidagi mavjud muammolarni hal etish uchun yangicha yondashuvlar va innovatsion gʻoyalar ishlab chiqildi.

💧

Yigʻilish yakunida, Fargʻona viloyatining madaniyat sohasida amalga oshirilishi lozim boʻlgan barcha chora-tadbirlar

aniq belgilandi.

Rasmiy sahifalarimizda bizni kuzating:👇
✅ Telegram | ✅ Instagram |
✅ Facebook | 📹 YouTube

🎉🎉🎉🎉🎉

✨ Bugun Qo'qon musiqali drama teatri direktori Mardonqulov Bahodir Ravshanovich tavallud topgan kun.

🌐Hurmatli Bahodir Ravshanovich!
Sizni Fargʻona viloyati madaniyat boshqarmasi rahbar xodimlari va viloyatdagi barcha madaniyat va san'at xodimlari nomidan samimiy muborakbod etamiz. Ishlaringizga omad, hayotingizga farovonlik, xonadoningizga fayz va baraka tilaymiz. Doimo sogʻ va omon boʻling.

✅Hurmat bilan, Fargʻona viloyati madaniyat boshqarmasi jamoasi.

Rasmiy sahifalarimizda bizni kuzating:👇
✅ Telegram | ✅ Instagram | ✅ Facebook | 📹 YouTube

"Iqtidorli yoshlarimizni har tomonlama qo‘llab-quvvatlash, ularning ijodiy kamoloti uchun barcha sharoitlarni yaratib berish ustuvor vazifalarimizdan biri bo‘lishi kerak"- Shavkat Mirziyoyev

Rasmiy sahifalarimizda bizni kuzating:👇
✅ Telegram | ✅ Instagram |
✅ Facebook | 📹 YouTube

🟦🟦💟💟💟
Mahorat darsi tashkil etildi

🤔Ixtisoslashtirilgan ta’lim muassasalari agentligi tasarrufidagi Erkin Vohidov nomidagi ijod maktabi va Fargʻona viloyati Madaniyat boshqarmasi tasarrufidagi Yozyovon tumani Madaniyat boʻlimining “Yozyovon navolari” ashula va raqs xalq ansambli jamoasi ishtirokida yuqori saviyada mahorat darsi oʻtkazildi. Ushbu mahorat darsi musiqiy ijro san’ati, sahna madaniyati va ijro mahoratini oshirish maqsadida tashkil etildi.

🦅Barchamizga ma’lumki, Erkin Vohidov nomidagi ijod maktabi oʻzining yuqori sifatli ta’limi va ijodiy potensiali bilan mashhur. Dars mashgʻulotlaridan soʻng ijodiy va ixtisoslik toʻgaraklari faoliyat yuritib, unda oʻquvchilar boʻsh vaqtlarini mazmunli va unumli oʻtkazadi. Unda belgilangan rejaga asosan mahorat darsi va turli loyihalar tashkil etilib boriladi. Bu gal Oʻzbekiston kompozitorlari va bastakorlari uyushmasi a’zosi, musiqashunos Murodjon Kamoliddinov rahbarligidagi “Oʻzbegim” musiqa to‘garagi a’zolari Yozyovon tumani Madaniyat boʻlimining tajribali toʻgarak rahbarlari bilan birgalikda mahorat darsi tashkil etilib, oʻquvchilarga amaliy mashg‘ulotlar olib borishdi.

🎵 Mahorat darsida dastlab, o‘quvchilarga nafas olish va ovoz mashqlarini bajartirishdi. Bunda yangi metodlar yordamida havaskor ijrochi oʻquvchilarga musiqiy o‘yinlar va qiziqarli mashqlarni bajarish imkoniyati yaratildi. Mashg‘ulotning asosiy qismida esa o‘quvchilar “Daryo toshqin” xalq qo‘shig‘ini ijro etishdi. Bu qo‘shiq ijrosi orqali o‘quvchilarning ovoz imkoniyatlarini yaxshilash, musiqiy jihatdan to‘liqroq ifoda qilish imkoniyatlari yaratildi.

🤔 Mahorat darsi davomida Yozyovon tumani Madaniyat boʻlimi mudiri Akramjon Ergashev va Erkin Vohidov nomidagi ijod maktabi murabbiysi O‘ktamxon Soliyevalar sahna madaniyati va konsert ijrochilik amaliyoti haqida o‘quvchilarga chuqur bilim va tushunchalar berdi. Sahna madaniyati bo‘yicha tinglovchilarga ijodiy asarlarni to‘liq yetkazish, badiiy obraz yaratish va puxta ijro etish bo‘yicha muhim maslahatlar taqdim etildi. O‘quvchilarga havaskorlikdan professionallikka erishish yo‘li, sahnada o‘zini qanday tutish va badiiy obrazni qanday yaratish zarurligi haqida ta’lim berildi.

🤔 Mahorat darsi jarayonida Erkin Vohidov nomidagi ijod maktabi direktori Nigoraxon Mannopova, direktor oʻrinbosari Shuhratjon Abdullayev hamda Ixtisoslashtirilgan ta’lim muassasalari agentligining mas’ul xodimlari mahorat darsi jarayonini kuzatib bordilar va o‘quvchilarning yutuqlarini alohida e’tirof etdilar.

🤔 Mazkur mahorat darsi nafaqat yangi bilimlar va ko‘nikmalarni egallash, balki yosh ijrochilarga sahnada o‘zini qanday tutish, musiqani qanday ifodalash kabi qimmatli tajriba va bilimlar berish imkonini yaratdi. Bu kabi tadbirlar o‘quvchilarning ijodiy rivojlanishiga katta turtki bo‘lib, kelajakda ular sahnada o‘z san’atlarini yanada mukammal ijro etishadi.

🌐

Milliy urf-odat, qadriyat va an’analarimizni davom ettirayotgan hamda vatanparparvarlik ruhida kamol topayotgan Yangi Fargʻonaning azm-u shijoatli yoshlari ushbu mahorat darsidan yangi bilimlar, ijro mahoratini oshirish va sahna madaniyatiga oid

muhim ko‘nikmalarni o‘rgandilar.

Rasmiy sahifalarimizda bizni kuzating:👇
✅ Telegram | ✅ Instagram |
✅ Facebook | 📹 YouTube

🟦🟦
🤔Fargʻona viloyati hokimligi muassisligidagi “Yangi Fargʻona” gazetasida Fargʻona viloyati Madaniyat boshqarmasi, Ahmad Fargʻoniy nomidagi viloyat axborot-kutubxona markazi va Erkin Vohidov nomidagi ijod maktabi hamkorligida oʻtkazilgan “Koʻngil maxzani” nomli tadbir hamda Oʻzbekiston xalq artisti, professor Sultonali Mannopovning “Qargʻalar uchsa, qaraylik..” yoxud Xudoyberdi shoirni bilasizmi? sarlavhasi ostida maqola e’lon qilindi.
📰 Mazkur maqolalarni oʻqishingiz va viloyatimizda amalga oshirilayotgan sohaga oid yangiliklardan boxabar boʻlib borishingizni tavsiya etamiz.

Rasmiy sahifalarimizda bizni kuzating:👇
✅ Telegram | ✅ Instagram |
✅ Facebook | 📹 YouTube

🟦🟦🟦

🤔Ixtisoslashtirilgan ta’lim muassasalari agentligi tasarrufidagi Erkin Vohidov nomidagi ijod maktabi va Fargʻona viloyati Madaniyat boshqarmasi tasarrufidagi Yozyovon tumani Madaniyat bo‘limi hamkorligida bahor faslini kutib olishga bag‘ishlangan tadbir tashkil etildi. Tadbirda, milliy taomlarimizdan biri bo‘lgan sumalak doshqozonda qaynatilib, yurtimizdagi tinchlik va farovonlik uchun shukrona keltirildi.

🤔 Shoirlar, san’atkorlar va ilm ahli milliy urf-odatlarimizni yodga olgan holda, tadbirni yuqori kayfiyatda va o‘ziga xos atmosferada o‘tkazdilar. Farg‘ona viloyati madaniyat boshqarmasiga qarashli Yozyovon tumani Madaniyat bo‘limining “Yozyovon navolari” ashula va raqs xalq ansambli hamda Erkin Vohidov nomidagi ijod maktabi “Oʻzbegim” musiqa toʻgaragi a’zolari tomonidan milliy qo‘shiqlar, xalq qo‘shiqlari, yalla va laparlar ijro etildi. Tadbirda ishtirokchilar bir maqsad yoʻlida birlashib, bahor faslini kutib olish bilan birga, milliy madaniyatimizga bo‘lgan hurmatni yana bir bor namoyish etdilar.

🔴 Ushbu tadbir milliy qadriyatlarni tiklash, yoshlarni an’analarimizga sadoqatli tarbiyalash hamda Farg‘ona viloyatining madaniy hayotini boyitishga katta hissa qo‘shadi.

Rasmiy sahifalarimizda bizni kuzating:👇
✅ Telegram | ✅ Instagram |
✅ Facebook | 📹 YouTube