Farg'onaazot AJ | Rasmiy kanali

😀 “Oʻzkimyosanoat” AJ va “Acquaflex” kompaniyasi oʻrtasida hamkorlik memorandumi imzolandi.

🟡 Joriy yilning 24-aprel kuni Toshkent shahrida Italiyaning Acquaflex S.r.l. kompaniyasi va “Oʻzkimyosanoat" AJ oʻrtasida oʻzaro anglashuv memorandumi imzolandi.

🟡 Memorandumni imzolash marosimida Acquaflex kompaniyasi ishonchli vakili Jorjio Veronezi, “Oʻzkimyosanoat” AJ boshqaruvi raisi Odil Temirov, boshqaruv raisi oʻrinbosari Akbar Kurbanov va Oʻzbekistonning Italiyadagi favqulodda va muxtor elchisi Abat Fayzullayev ishtirok etishdi.

🟡 Ushbu memorandum ishlab chiqarish jarayonlari uchun suvni tozalash, texnologik kimyoviy moddalar, shuningdek, oziq-ovqat sanoati va ichimliklar ishlab chiqarishda innovatsion yechimlarni joriy etishda hamkorlikni rivojlantirishga qaratilgan.

🟡 Mazkur hamkorlik Oʻzbekiston va Italiya oʻrtasidagi iqtisodiy aloqalar, jumladan, ikki mamlakat oʻrtasidagi savdo ayirboshlashda kimyo sanoati muhim ahamiyat kasb etayotganidan dalolat.

😄 “Oʻzkimyosanoat” AJ Matbuot xizmati
——————————————————————————————
🌐 Veb-sayt ✉️ Telegram 📱 Facebook 📱 Instagram 🌐 Youtube

#jahon_kimyo_sanoati_xabarlari

♻️ Sanoat chiqindilarini oʻgʻitga aylantirish taklif qilindi

Xitoyning Sun Yatsen universiteti olimlari sanoat gazlarini oʻgʻitlar va kimyoviy moddalar ishlab chiqarish uchun asosiy xom ashyo boʻlgan karbamidga aylantirish yoʻlini topdi.

✅ Buning uchun ular sintez jarayonini deyarli qoʻshimcha mahsulotlar hosil qilmasdan amalga oshirishga imkon beruvchi, selektivligi 65% dan ortiq boʻlgan qattiq fazali elektrolitlar katalizatorini yaratishdi.

Bu, oʻz navbatida, chiqindilarni yoʻq qilishning taqdim etilgan usulini oʻxshash variantlardan ajratib turadi va uni nafaqat ekologik jihatdan qulay, balki tejamkor qiladi.

✅ Ishlab chiqilgan katalizatorga mis, temir va aromatik uglevodorodlardan tayyorlangan gʻovakli materiallarga asoslangan tizim asos qilib olindi.

Bu karbonat angidrid va azot molekulalarining samarali boʻlinishiga imkon beradi va keyin ularni vodorod va kislorod bilan birlashtirib karbamid hosil qiladi.

✅ Tadqiqot mualliflarining taʼkidlashicha, ular yaratgan katalizator nisbatan past kuchlanish va oqimda ishlashga qodir.

Bu esa cheklangan energiya isteʼmoli sharoitida undan foydalanishni yanada foydali qiladi.

✅ Chiqindi gazlaridan foydalanish karbamid ishlab chiqarish uchun xom ashyo narxini sezilarli darajada kamaytirishga imkon beradi va katalizatorning yuqori samaradorligi va selektivligi operatsion xarajatlarni kamaytiradi hamda ushbu moddani kichik hajmda ishlab chiqarishga imkon beradi.

😄 “Oʻzkimyosanoat” AJ Matbuot xizmati
——————————————————————————————
🌐 Veb-sayt ✉️ Telegram 📱 Facebook 📱 Instagram 🌐 Youtube

Президент Шавкат Мирзиёев кимё саноатидаги лойиҳалар ижроси ва тармоқни диверсификация қилиш бўйича режалар тақдимоти билан танишди.
—
Президент Шавкат Мирзиёев ознакомился с презентацией о ходе реализации проектов в химической промышленности и планами по диверсификации отрасли.

#Mirziyoyev #taqdimot #sanoat #kimyo

Prezident.uz|Facebook|Instagram|YouTube|X

🟢Mineral oʻgʻitlar 275 ta vakolatli omborlardan yetkazib berilmoqda

🟢“Oʻzkimyosanoat” AJ mineral oʻgʻitlarni yetkazib berish borasida fermer va dehqon xoʻjaliklari bilan hamkorlikda faol ish olib bormoqda. Xususan, mineral oʻgʻitlarni birjadan sotib olish tartibini fermerlarga tushuntirish, brokerlarga qanday murojaat qilish, mineral oʻgʻitlarni birja savdolari orqali sotib olish, tiketni korxonaga yetkazish yoki ushbu tiket orqali omborxonadan yuklash xizmatlari tizimi va tartibi tushuntirib borilmoqda.

Natijada joriy yilning birinchi choragida birja savdolariga fizik holda jami 2,6 mln tonna, shundan 2,0 mln tonna azotli, 224,5 ming tonna fosforli va 94,5 ming tonna kaliyli oʻgʻitlar savdoga qoʻyilgan boʻlib, amalda 711,6 ming tonna 2283,5 mlrd soʻmlik yoki 27,6 foiz, jumladan 560,0 ming tonna azotli, 89,5 ming tonna fosforli va 62,0 ming tonna kaliyli oʻgʻitlar xarid qilindi.

🟢Davlatimiz rahbari raisligida qishloq xoʻjaligida ishga solinmagan yangi zaxiralarni safarbar etish chora-tadbirlari muhokamasi yuzasidan oʻtkazilgan videoselektor yigʻilishida aynan mineral oʻgʻitlarni yetkazib berish yoʻnalishida qator topshiriqlar berilgan edi.

Bu borada fermer xoʻjaliklariga qulayliklar yaratish maqsadida kimyo korxonalari tomonidan jami 275 ta 1,7 mln tonna sigʻimga ega mineral oʻgʻit vakolatli omborlari tashkil qilinib, mineral oʻgʻitlar ushbu omborlardan birja savdolariga qoʻyib borildi.

🟢 Shuningdek, birja savdolariga mineral oʻgʻitlarning boshlangʻich narxlaridan oʻrtacha 10% gacha pasaytirib xarid qilish auksion tartibida savdoga qoʻyish mexanizmi ishlab kelmoqda.

📌Eslatib oʻtamiz, 2024-yildan boshlab joylardagi omborlardan mineral oʻgʻitni tashishda transportni logistika portalida majburiy roʻyxatdan oʻtkazish tartibi bekor qilingan.

😄 “Oʻzkimyosanoat” AJ Matbuot xizmati
——————————————————————————————
🌐 Veb-sayt ✉️ Telegram 📱 Facebook 📱 Instagram 🌐 Youtube

O‘zbekistonda haroratni mo‘tadillashtiruvchi “aqlli” plyonka ishlab chiqarish yo‘lga qo‘yiladi

Fanlar akademiyasi Materialshunoslik instituti olimlari tomonidan dunyoda ilk bor issiqxonalar uchun mo‘ljallangan plyonkalar tarkibiga qo‘shiluvchi, haroratni mo‘tadillashtirish vazifasini bajaradigan nano-kompozit zarrachalar sintez qilindi.

Bu haqda Oʻzbekiston Fanlar akademiyasi maʼlum qildi.

Xabarda keltirilishicha, ushbu nano-zarrachalar quyosh nurining ultrabinafsha nurlanishini yaqin infraqizil diapazonga aylantiradi. Shu bilan birga, bunday fotonlarning issiqlik energiyasi 17-22°C ga teng bo‘ladi.

Natijada, tashqi harorat -3…-7 °C bo‘lgan holatda ham, issiqxona ichidagi harorat qo‘shimcha qizdirishsiz +5…+7°C gacha saqlanadi (odatiy plyonkalarda bu ko‘rsatkich 0…+2°C bo‘ladi). Issiq kunlarda esa issiqxona ichidagi harorat 5–8°C ga pasayadi.

Infraqizil diapazondagi fotonlar soni ko‘payishi tufayli fotosintez tezlashadi va o‘simliklar 1,5–2 baravar tez o‘sadi. Shu bilan birga, energiya sarfi 60% dan ortiq kamayadi, hosildorlik 35–50% ga ortadi, sug‘orish uchun suv tejalishi 30% ni tashkil etadi, agar gidrogellar qo‘llanilsa, bu koʼrsatkich 90% gacha yetadi. Plyonkaning mustahkamligi 3 baravar oshadi.

Sinovlar Toshkent, Jizzax, Farg‘ona va Аndijon viloyatlarida o‘tkazilgan.

Hozirgi kunda Shanxay Qishloq xoʼjaligi akademiyasi tomonidan Xitoy Xalq Respublikasining turli tuproq-iqlim sharoitida keng koʼlamli sinovlar olib borilmoqda.

Shanghai Daedon Science and Technology Ltd. kompaniyasi bilan O‘zbekistonda Materialshunoslik instituti bazasida nano-poroshoklarni qo‘shma tajriba-sanoat ishlab chiqarishini tashkil etish bo‘yicha kelishuvga erishildi.
——————————————————————————————
🌐 Veb-sayt ✉️ Telegram 📱 Facebook 📱 Instagram 🌐 Youtube

#jahon_kimyo_sanoati_xabarlari

Antimikrob plastiklar bozori 2035-yilga kelib ikki baravar oʻsishi mumkin

2024-yil natijalariga koʻra, mikroblarga qarshi xususiyatlarga ega plastiklar bozori 42,2 milliard dollarga baholandi. 2035-yilga kelib uning hajmi ikki baravardan oshib, 90,6 milliard dollarga yetishi mumkin.

Bu haqda Global Banking & Finance Review portali xabar berdi.

Basf (Germaniya), Avient Corporation (AQSH), Clariant (Shveysariya), Exel Composites (Finlyandiya) va boshqa shu kabi ishlab chiqaruvchilar bozor oʻsishining drayverlari sifatida maydonga chiqmoqda.

Amerikaning Microban International kompaniyasi PVX, PU va EVA ga zamburugʻlarga qarshi xususiyatlarni qoʻshdi. Texnologiya zamburugʻlarning tarqalishini oldini olish orqali mahsulotlarning ishlash muddatini uzaytiradi.

Bunday materiallarga sogʻliqni saqlash, qadoqlash, isteʼmol tovarlari va sanoat ishlab chiqarishida talab mavjud.

Sohadagi bu kabi ishlanmalar plastiklarning ekspluatatsiya xususiyatlarini saqlab qolgan holda himoya xususiyatlarini yaxshilashga qaratilgan.

😄 “Oʻzkimyosanoat” AJ Matbuot xizmati
——————————————————————————————
🌐 Veb-sayt ✉️ Telegram 📱 Facebook 📱 Instagram 🌐 Youtube