MY LIFE 🚶‍♂️

#Челленж
Ўзбекистонда жамоат транспортида аёллар ва эркаклар учун алоҳида жойларни ташкиллаштириш масаласига айримлар ўз эътирозини билдиряпти. Улар бу эътирозларини аёллар ҳуқуқи билан боғляпти. Аслида бундай эътирозлар стееотипга айланган асоссиз исломофобик қарашлар ҳисобланади.
Чунки, аёллар ва эркаклар учун алоҳида жойларни ташкил этиш аёлларни ҳам, шу билан бир вақтда, эркакларни ҳам қамраб олади.

Аммо "эркаклар ҳуқуқи" деган тушунча бўлмагани учун, жамоат жойларини жинсга қараб ажратиш имтиёз эмас, балки ҳуқуқни камситилиши деб ҳисобланса, бу эркаклар ҳуқуқининг ҳам камситилиши бўлар эди.

Бирор либералистик қарашларда "эркаклар ҳуқуқи" деган ҳаракат бўлмагани учун, либерализмга кўр-кўрона эргашадиганлар бундай ҳолатда "аёлларни эркаклардан ажратиб қўйиш" ҳақида гапирадилар холос. Бирор бирорта либералнинг бу каби ҳолатда "эркакларни аёллардан ажратиб қўяпсиз" деб айтмайди. Айтолмайдиямда. Айтса шарманда бўлади.

Аслида, либерализм ҳақиқий шаҳвониятга асосланиб қолган дунёқарашга айланиб қолган. Бирор либерал ўзини аристократлардек, жентелмендек кўрсатгиси келса ўз аёлига, ўйнашига, жазманига эшикни очиб беради. Ишда-кўчада аёллар билан тўқнаш келиб қолса "Ladies first" — "аёллар биринчи" деб шилқимлик қилади. Бироқ, айнан ўша аёлларга ор, номус, ҳамият, шилқимликдан ҳимояланиш мақсадида "Please, madam, ladies first" — "Қани ҳурматли аёллар, автобуснинг олди қисмига марҳамат" деб илтифот кўрсатилса, бу либералларнинг исломофоб мияси тутоқиб кетади.

Жамоат транспортида эркаклар ва аёллар учун алоҳида жойларнинг бўлиши ахлоққа ҳам, одамгарчиликка ҳам, ақлга ҳам тўғри келадиган ишдир. Буни исташ, уни тарғиб қилиш, ахлоқий ва рационал амалдир. Бундан уялиш, тортиниш керак эмас.

Бу азиз опа-сингилларимизга кўрсатилган илтифот, имтиёздир. Дунёвий давлат тамойилларига ҳам мосдир. Биз ижтимоий давлатмиз. Ижтимоий давлат жамиятнинг турли қатламларига ўзига хос бўлган имтиёзларни беради, илтифотларни кўрсатади.

Бирорта либерал қарашда қолиб кетган одам давлат томонидан фақат аёл-қизлар учун грант ажратганида, фақат улар учун имтиёзли кредит ажратганида, фақат улар учун шароит яратганида "дунёвийлик тамойили", "аёллар ҳуқуқи" деб жар солмайди.

Қачонки ахлоқий нуқтаи назардан бирор бир илтифот кўрсатилса, бу либераллар ҳар доим ахлоқсизлик тарафдори бўлади. Либерализм етиб келган нуқта шу — ахлоқсизлик.

Биз аёлларимизни молсифат эркакларнинг ихтиёрий шилқимлигидан, ёки тиқилинч шароитдаги нохуш вазиятлардан асрайлик десак, бу либераллар қайси ақл билан бунга қаршилик қилади?!

Жаноблар, аёлларга жамоат транспортида олдиндан жой беринг. Бу жентелменлик ахлоқи, илтифотидир.

Буни бирор қонун қоида билан эмас, гўзал ахлоқ, фаросат ва эркаклик ғурури билан йўлга қўйиш керак.

Бу бир ижтимоий челленжга айланиши, ҳар бир эркак жамоат транспортида аёлларни эъзозлаган ҳолда уларга олдидан жой бериши керак.

Бундай гўзал жентелменлик ахлоқини кўз-кўз қилиб оммалаштириш, фарзандларимизни ана шундай гўзал ахлоқда тарбиялашимиз керак. Япония қилган ишни нега биз қилолмаймиз?!

Жамоат жойларида бизнинг опа-сингилларимизга суйкалишни яхши кўрадиган либералваччаларнинг эса бундай дунёқараши учун изза қилиш керак. Суйкалма!

Буни челленж қилишга нима дейсиз? Қўшиладиган борми? Бугундан бошлаб жамоат транспортида эркаклар орқага ўтиб, аёлларга "Ladies in front" — "Аёллар, марҳамат олдинга", деб илтифот кўрсатади.

Буни гўзал ахлоқ ва мулойимлик билан одат ҳолига айлантирамиз.

Қўшилсангиз, улашинг.

© Тарих ва сиёсат

@MubashshirAhmad

Pul bilan baxtni sotib olib boʻlmaydi degan gapni yaxshi koʻrishadi.

Lekin, pul bilan

- sifatliroq oziq - ovqat
- sayohat
- sifatli tibbiy xizmat
- bolalaringiz uchun sifatli taʼlim
- yaxshiroq hududda qulay turar joy
- kerak boʻlganda oʻz ustingizda ishlash erkinligini

olishingiz mumkin.

Bu sizning va oilangizning, yaqinlaringizning hayot sifatida keskin aks etadi.

Hayotda yashashdan maqsad pul boʻlmasligi kerak. Lekin, uning ahamiyatini eʼtiborga olmaslik xato. Erkak kishi doimo koʻproq daromadga intilishi, borini aql bilan ishlatib koʻpaytirishga harakat qilishi zarur.

@allaevuzb

Bilish yetarli emas

Chekayotgan odam buning zarar ekanligini biladi, lekin bu odatini tashlamaydi.

Haydovchi me'yordan tez yursa huquqbuzarlik ekanini biladi, lekin 120 km/soat tezlikda yuradi.

Chiqindilar tabiatga zarar keltirishini hamma biladi, lekin to'g'ri kelgan joyga axlat tashlab ketaveradi.

Bilish muhim, lekin yetarli emas.

Bilganingizni amalda ko'rsatmas ekansiz, buni bilmaydigan odamdan farq qilmaysiz.

@soliyev

Араваларимиз қийналсада, ҳаёт йўлларида сокин одимламоқдамиз.

@MubashshirAhmad

АШУРО КУНИ ВА УНИНГ РЎЗАСИ ФАЗИЛАТЛАРИ

Муҳаррам ойининг 10-куни Ашуро бўлиб, Аллоҳ таоло бу кунни улуғлаган. Аллоҳ таоло шу куни Мусо алайҳиссаломни Фиръавн ва унинг лашкарлари зулмидан қутқаргани ҳамда Фиръавнни сувга ғарқ қилгани ҳақида Шуаро сурасининг 61–66- ҳамда Юнус сурасининг 90–92-оятларида марҳамат қилган.
Шукрона сифатида Мусо алайҳиссалом шу куни рўза тутганлар.
Ҳадиси шарифда:
عَنِ ابْنِ عَبَّاسٍ رضي الله عنهما، قَالَ: قَدِمَ النَّبِيُّ صلى الله عليه وسلم المَدِينَةَ فَرَأَى اليَهُودَ تَصُومُ يَوْمَ عَاشُورَاءَ، فَقَالَ: «مَا هَذَا؟»، قَالُوا: هَذَا يَوْمٌ صَالِحٌ، هَذَا يَوْمٌ نَجَّى اللَّهُ بَنِي إِسْرَائِيلَ مِنْ عَدُوِّهِمْ، فَصَامَهُ مُوسَى عليه السلام فنحن نصومه، فقَالَ النبي صلى الله عليه وسلم: «نحن أَحَقُّ وأولى بِمُوسَى مِنْكُمْ»، فَصَامَهُ، وَأَمَرَ بِصِيَامِهِ.
Ибн Аббос розияллоҳу анҳумодан ривоят қилинади: «Набий алайҳиссалом Мадинага келганларида яҳудийларнинг Ашуро куни рўза тутаётганларини кўрдилар ва: "Бу нима?" дедилар. Улар: "Бу хайрли кун. Бу кунда Аллоҳ таоло Бани Исроилни душманларидан қутқарди. Мусо алайҳиссалом рўза тутганлар. Биз ҳам тутмоқдамиз", дейишди. Набий алайҳиссалом: "Биз сиздан кўра Мусо алайҳиссаломга ҳақлимиз", дедилар ва рўза тутдилар (саҳобаларини ҳам) рўза тутишга буюрдилар».

Ашуро куни тутилган рўза бир йиллик гуноҳларга каффорат бўлиши "Саҳиҳи Муслим"да баён этилган: «Ашуро куни тутилган рўзани Аллоҳ таоло олдинги бир йиллик гуноҳларга каффорат қилади».

Шундай экан, азизлар, фурсат – ғанимат.
Шошилайлик, бир йиллик гуноҳларингизга каффорат бўладиган рўзадан бебаҳра қолмайлик!

Оғиз ёпиш ва очиш вақти (Тошкент вақти билан):

10 Муҳаррам – 16 июль – сешанба
Саҳарлик (оғиз ёпиш) вақти: 03:24
Ифторлик (оғиз очиш) вақти: 19:57

11 Муҳаррам – 17 июль – чоршанба
Саҳарлик (оғиз ёпиш) вақти: 03:25
Ифторлик (оғиз очиш) вақти: 19:56

Нияти: Холис Аллоҳ учун нафл рўза тутишни ният қилдим.
@mehrob_uz

#kitob #iqtibos

Қўшни боғнинг олмаси


Қўшни боғдаги олмани ширинроқ деб ҳисоблайдиган одам ўз боғидаги олмаларни парваришлаш масъулиятидан қочади. Охир-оқибат у ўртамиёна ва бахтсиз бўлиб қолади. Қўшни боғга кўз олайтиришнинг нима кераги бор эди? Парваришга муҳтож ўз боғи бор-ку. Ёдингизда бўлсин, бошқа олмалар яхшироқ бўлиши мумкин, аммо бунинг ортида кимнингдир меҳнати бор. Ёввойи ўтлар ҳамма боғда бор, беэътибор бўлсангиз, ҳамма жойни босиб кетади. Сўнг ёввойи ўт қоплаган боғингизга кўника бошлайсиз ва қўшни боғ гўзалроқ кўринади. Аслида қўшнингиз боғига кўпроқ вақт ва меҳнат сарфлаган. Соҳангиз, бизнесингиз, маҳсулот ва хизматлар, ходимларингиз, шунингдек, савдони ўрганишга ўзингизни тўлиқ бағишланг. Бор кучингиз билан урининг ва қарабсизки, меҳнатингиз ширинроқ мева бера бошлайди.


Ўзимни бирор ишга бағишлаганимданоқ натижа ола бошлайман. Агар қувватимни ишга тўлиқ сарфламасам, натижалар кечикади ёки умуман бўлмайди. Агар қаршимдаги мижозга бутун эътиборимни қаратсам, ижобий натижа оламан. У билан суҳбатлашиш давомида бошқа бир мижоз ёки яхшироқ мижоз ҳақида ўйласам, умид қилган натижамни ҳам бой бераман. Ўзингизни ишга бутунлай ва тўлиқ бағишланг.

Грант Кардоннинг "Савдо санъати" китобидан


@allaevuzb