Eltuz portali

"Surxondaryo viloyati Sho'rchi tumanidan daraxtlar kesilib ketmoqda"

@eltuzportali - muammolar yechimi!

"Respublika MIB rahbari juma kunga qabul qo'yilgan, lekin bu kuni ishga kelmaydi. Fuqarolar esa sarson"

@eltuzportali - muammolar yechimi!

EP: Andijonda noqonuniy qurilishlarga kim javobgar?

"Hurmatli Eltuz jamoasi, sizlarga ko‘plab murojaatlar bo‘layotganidan xabardormiz. Andijonda qurilish ishlari tartibsiz olib borilmoqda: trotuarlar egallangan, hattoki yo‘llarning bir qismi ham o‘zboshimchalik bilan band qilingan.

Bu holatlarga sabab esa puldorlarning manfaatlari. Jumladan, Andijon shahar hokimining qurilish bo‘yicha o‘rinbosari Farux hamda Kadastr agentligining Andijon shahar bo‘limi rahbari Nosir til biriktirib, noqonuniy qurilishlarga ko‘z yumayotgani aytilmoqda.

Xususan, Andijon shahar, Zununova ko‘chasidagi 80-uy oldida katta miqdordagi pul evaziga noqonuniy qurilishga ruxsat berilgani haqida ma’lumot bor. Bu noqonuniy ishga yo‘l qo‘ygan mulozimlar esa hech qanday javobgarlikka tortilmay, tinch qo‘yilgan.

Andijonda bunday qurilishlar juda ko‘p uchraydi. F. Berdiqulovning "erkatoyi" bo‘lgan Nosirga qonuniy chora ko‘rilishini va ushbu masalani respublika darajasida o‘rganib chiqishingizni so‘raymiz."

@eltuzportali - muammolar yechimi!

EP: Muzrabot tumanidagi maktab tomi qulab tushdi

Biz, Surxondaryo viloyati, Muzrabot tumani, Jarqishloq mahallasida joylashgan 64-sonli maktab o‘qituvchilari, jiddiy muammoga duch keldik. Qalin qor yog‘ishi natijasida maktabimiz tomining bir qismi qulab tushdi. Natijada o‘qituvchi va o‘quvchilar maktab hududini qor va vayronalardan tozalashga majbur bo‘lmoqda.

Tuman Maktabgacha va Maktab ta’limi bo‘limiga bu masala bo‘yicha murojaat qildik, biroq hech qanday amaliy chora ko‘rilmadi. Ayrim o‘qituvchilar sovuq sharoitda ishlash natijasida shamollab, kasal bo‘lib qoldi.

Mazkur muammoga befarq bo‘lmagan tegishli tashkilotlardan yordam berishlarini so‘raymiz."

@eltuzportali - muammolar yechimi!

EP: ETK xodimlari yangi tortilayotgan elektr simlar va stolbalarni chala tashlab ketishgan

"Chiroqchi tuman Yashnabod MFY Gaznsoy qishlog'ida elektr liniyalariga sim tortish va stolbalarni almashtirish chala tashlab ketilgan. Uylar elektrsiz, eski stolbalar qiyshaygan va abgor ko‘rinishda yotibdi
Mas'ullar qochib ketishgan. Elektr liniya holati xavfli ko‘rinishda yotibdi.

TETK xodimlariga liniyani oxirigacha ulab, yakunlab ketishini so‘raymiz."

@eltuzportali - muammolar yechimi!

EP: “Ota-onalardan 15 million so‘mdan ko‘proq pul yig‘ilarkan. Bu holat qonunchilikka to‘g‘ri keladimi?”

“Buxoro viloyati Gʻijduvon tumanidagi 26-maktab ota-onalari nomidan murojat qilyapmiz. “Gʻijduvon tumani. 26-maktab” degan yozuv yozilgan shevron har bir o‘quvchiga 2 tadan berildi. Har biri uchun 10 ming so‘mdan to‘lash kerak ekan. Maktabda ayrim oilalarning 3-4 tadan farzandi o‘qiydi. 1500 dan ziyod o‘quvchi bor. Shu birgina shevronga 15 million so‘mdan ko‘proq pul yig‘ilarkan. Xo‘sh, bu pul kimning cho‘ntagiga ketadi?
Yangi yildan oldin ham ota-onalar majlisi qilib, sinfxonalarni kameralashtish uchun pul talab qilishdi. Yaqinda direktor obuna deb har bir o‘qituvchidan 20 ming so‘mdan yig‘ib olibdi.
Eshitishimizcha, tuman ta’lim bo‘limi mudiri topshirig‘i bilan tumandagi boshqa maktablarda ham shevron sotilmoqda ekan. U holda necha million so‘m pul yig‘iladi?! Bu holat qonunchilikka to‘g‘ri keladimi? Huquq-tartibot idoralari holatni nazoratga olishini so‘raymiz”.!

@eltuzportali - muammolar yechimi!

EP: “Dehqon bozorida sanitariyaga zid holat...”

“Toshkent viloyati Zangiota tumani “Bahor” supermarketi yonidagi dehqon bozori sanitariya talabiga umuman javob bermaydi. Viloyat bozorlar uyushmasi raisi orqali holatga oydinlik kiritmoqchi bo‘ldik, lekin bozor xususiy ekan. Sanitariyaga zid holat sabab, xudo ko‘rsatmasin, kasallik tarqalishi ham mumkin. Ayniqsa, Zangiota tumani ziyoratchilar ko‘p keladigan gavjum joy canaladi. Tuman va viloyat hokimi holatga e’tibor qaratsa minnatdor bo‘lar edik”.

@eltuzportali - muammolar yechimi!

EP: “Mahalla raislari majburiy mehnatga jalb qilinmasin”

“Qashqadaryo viloyati Nishon tumanidan murojaat qilmoqdamiz. Nishon tumani hokimi va tuman mahallalar uyushmasi rahbari mahalla raislari va hokim yordamchilarini majburiy mehnatga jalb qilishmoqda. Yakkabog‘ tumanida yomg‘irli kunda ko‘chat kovlashga yuborishyapti. Agar bormasak, ish haqidan ko‘chat sotib olar ekanmiz. 2024 yilda ham mahalla raislari ish haqidan bir donasi 13 ming so‘mdan 300 ta, 4000 so‘mdan 800 ta ko‘chatni sotib olgandik. Hurmatli Prezidentimiz ko‘chat ekishda bunday holatlarga yo‘l qo‘ymaslik haqida aytgan edi. Holatga mutasaddilar e’tibor qaratadi degan umiddamiz”.

@eltuzportali - muammolar yechimi!