#taqriz

Китоб: "Ислом ҳазораси"
Муллифлар: Аҳмад Муҳаммад, Мубашшир Аҳмад

"Қуръони каримнинг таблиғи билан бошланган Ислом дунёсидаги илмий изланишлар исломий ҳазора тарихида ўчмас из қолдирди ва у келажакдаги ҳазоралар учун мустаҳкам пойдевор, туганмас манба бўлиб хизмат қилди ва қилмоқда".

Инсон ўз тарихини билиши ва англаши унинг келажак ҳаёти учун муҳимдир. Мазкур китоб айнан Ислом ҳазораси (цивилизацияси) тарихи ҳақида бўлиб, у орқали ўқувчи Ислом ҳазорасидаги мангу инсоний ва умумбашарий жиҳатларнинг кучли ва гўзал эканини тарихий ёрқин ва ўчмас мисоллар орқали чуқур англайди.

Унинг ҳар бир саҳифаси ўқувчини Ислом ҳазорасининг улкан ютуқлари, уламо-олимларининг илм-фан, санъат ва маданият соҳаларидаги пешқадамлиги билан таништиради.

Бу асар фақат тарихий воқеалар тўплами эмас, балки у бизга ўтмишнинг шонли жиҳатларини англатиб, бугунги кунда ҳам ушбу қадриятларни ҳаётга татбиқ этиш муҳимлигини эслатади.

Китобни ўқиш орқали сиз илмнинг инсоният учун қандай улуғ неъмат эканлигини, Ислом цивилизациясининг дунё тамаддунига қўшган ҳиссасини англаб, қалбингизда фахр туйғусини ҳис қиласиз.

P.S. Аммо шу билан бирга кучли оғриқни ҳам ҳис қилдимки, буни китобни ўқиш ва тафаккур қилиш орқали сиз ҳам англайсиз, балки...

Зоҳида бинту Равшан

@eldor_sidikov - "Китоб — муваффақият сирининг калити."