Eldor Sidikov

​​#muallif

Мубашшир Аҳмад

Мубашшир домла 1974 йилда Наманган шаҳрида туғилган. 1991–1996 йилларда Имом Бухорий номидаги Тошкент Ислом Олий маҳадида ва Мисрдаги «Ал-Азҳар» университетида таълим олган. 2002–2015 йиллар оралиғида фазилатли шайх Муҳаммад Содиқ Муҳаммад Юсуф ҳазратларидан дарс олиб, бир неча ижозалар олган.

Мубашшир домла меҳнат фаолияти мобайнида: «Ўзбекистон мусулмонлари», «Ҳидоят», «Фикрат» журналлари ва «Ислом нури» газетасида ишлаган. 1996–2014 йилларда Тошкент Ислом институтида «Фиқҳ», «Усулул фиқҳ», «Фаройиз» фанларидан, 2017–2018 ўқув йилидан бошлаб эса «Замонавий масалаларнинг фиқҳий асослари» ҳамда «Тасаввуф» фанларидан дарс берган.

Мубашшир домла ҳозирда Azon Global ахборот портали асосчиси ҳамда ижтимоий тармоқ фаоли сифатида хизмат қилиб келмоқда.

@eldor_sidikov - "Ўқиш — келажакка сармоя."

​​#muallif

Аҳмад Муҳаммад Турсун

1949 йили Наманган шаҳрида туғилган.

1979 йили Наманган давлат университетини тамомлаган.

1967 йилдан буён матбуотда фаолият олиб боради: «Наманган ҳақиқати» газетасида турли вазифаларда, «Наманган атласи», «Ирфон», «Таржимон», «Суҳбатдош», «Ҳайрат» газеталари бош муҳаррири бўлиб ишлаган.

2003-2010 йилларда «Ҳидоят» журналида бўлим муҳаррири бўлган.

2014 йилдан «Ҳилол-нашр» нашриётида муҳаррирлик қилган.

Элликка яқин бадиий, илмий-маърифий, публицистик китоблари нашр этилган. Ўзбекистон Ёзувчилари уюшмаси аъзоси.

Муаллифнинг «Сиз қандай яшамоқчисиз?», «Соҳилсиз денгиз», «Улуғлар шундай яшашган», «Кўҳна дунё ривоятлари», «Ҳикматлар китоби», «Ривоятлар китоби» китоблари «Ҳилол нашр» нашриётида, «Дунёни тебратган буюклар» силсиласидаги «Аврангзеб Оламгир. Бобурий ҳукумдор ва маърифат ҳомийи», «Абу Ҳомид Ғаззолий. Қалблар табиби», «Салоҳиддин Айюбий. Қуддус халоскори», «Ҳасан Басрий. Атоқли донишманд», «Умар ибн Абдулазиз. Адолатли ҳукмдор», «Абдуллоҳ ибн Муборак. Буюк муҳаддис ва фақиҳ», «Амир Темур. Буюк саркарда ва соҳибқирон» китоблари «Қақнус медиа» нашриётида чоп этилган.

Шунингдек, турли йилларда Аҳмад Муҳаммад Турсуннинг «Тўрт денгиз оша саёҳат», «Барча давонинг боши», «Қайнона ва келин», «Ислом ҳазораси», «Умрнинг бир лаҳзаси», «Тарозининг икки палласи», «Табобат китоби», «Седана 1000 дардга даво», «Ҳар дарднинг давоси бор», «Шарқ Ҳақни топди», «Ҳақ ҳамиша ғолиб», «Ота-она ризоси», «Қуддус амакининг сабоқлари», «Ислом дини», «Аҳмад амакининг сабоқлари» каби китоблари чоп этилган.

Аҳмад Муҳаммад Турсун 2021 йил 18 май куни Тошкент шаҳрида вафот этган.

@eldor\_sidikov - "Билим йўлидаги энг яхши йўлдош — китоб."

#kitob

​​“Бир китоб – ҳаётингизни ўзгартириши мумкин!”

Тасаввур қилинг: битта китоб очасиз ва ҳаётингизни ўзгартириб юборадиган бир жумлага дуч келасиз. Китоблар бизга ҳаётнинг энг мураккаб саволларига жавоб беради, янги ғоялар, орзулар ва имкониятлар эшигини очади.

Китобнинг сеҳрли кучи нимада?

Ҳаётий дарслар: Китоблар бизга ўтмишнинг доно инсонлари ва ҳозирги даврнинг илҳомлантирувчи шахслари билан таништиради. Улар бизга қандай яшаш, қандай енгиш ва қандай севишни ўргатади.

Ички кучни уйғотади: Тўғри китоб сизга ўзингизга ишонч бағишлайди ва орзу-мақсадларингизга интилишга ундайди.

Тасаввурни очади: Агар реал ҳаёт сизни чеклаб қўйса, китоблар орзуларингизни эркин учишига йўл очади.

Ўқинг, ҳис қилинг, ўзгаринг!
Бир саҳифа ўқиб, кўзларингизда ишонч уйғонади. Бир боб ўқиб, қалбингиз илҳом билан тўлади. Бир китоб тугагач, сиз мутлақо бошқа инсонга айланасиз.

Шу ҳафта мақсадингизни бошланг – бир китоб танланг! Балки керакли жавоб сиз излаётган китоб саҳифаларида яширингандир.

Сиз учун қайси китоб ҳаётингизда бурилиш нуқтаси бўлган? Фикрингизни изоҳларда қолдиринг – балки сиз тавсия қилган китоб кимнингдир ҳаётини ўзгартириши мумкин!

@eldor_sidikov - "Китоб ўқимаган кун — йўқотилган кун."