ELCOM

#Savol: (Muxiddin Asqarov)
Assalomu alaykum 30 vattli projektorni svetodiodini 12 voltga yoqsa bo'ladimi? Rezistor nechchilik qo'yishimiz kerak? Javob uchun oldindan raxmat.

#Javob:
Oldindan bir narsa deyish qiyin, chunki projektorda qanday tipdagi svetodiod qo'llanilganiga bog'liq. Agar tavakkal qilib 12 volt kuchlanishga ulab ko'rsangiz katta extimol bilan bir necha sekundda svetodiodlari kuyadi.

Siz 30 vattlik projektorni drayveri (avval 220 volt bo'lgan bo'lsa) necha volt chiqarishini bilganingizda osongina 12 volt kuchlanishga mos kelish kelmasligini bilgan bo'lardingiz.

Sizdagi projektorni paramertlarini bilmaganligim uchun qanday rezistor qo'yishni ham tavsiya bera olmayman, chunki svetodiod yorqin normal yonishi uchun mos keluvchi rezistorni hisoblash kerak.

Tavakkal qilishdan qo'rqmasangiz, quvvati katta 1-10 kOm oralig'idagi o'zgaruvchan rezistor orqali 12 volt kuchlanishga ulab projektorni yonishini sozlab olsa bo'ladi. Bunda ham svetodiodlar qizish qizimasligini 5-10 minut tekshirib olish kerak. Shundagina projektor uzoq muddat ishlaydi.

Umumiy qilib aytganda 12 volt bilan projektorni yoqsa bo'ladi.

@elcom_group
 

Elektr uzatish liniyalariga tegib turgan daraxt shohlari nimasi bilan xavfli?

Ko’p hollarda daraxt shohlari 220 voltlik tarmoq kuchlanishi o’tkazgichlariga tegib qoladi. Bu faqatgina o’tkazgich sirtida izolyatsiyasi bo’lgandagina xavfsiz bo’ladi(Daraxt shohini og’irligini hisobga olmaganda)

Eng xafli tarafi shundaki namgarchilik ortgan vaqtlarda, ya'ni yomg’ir vaqtida, daraxt yaxshigina tok o’tkazuvchi bo’lib qoladi. Istalgan qisqa vaqt daraxtga teginish ham, tok urishi mumkin, yomon holatlarda o’limga olib keladi.

Agar daraxt qarib qurib qolgan bo’lsa, o’tkazgichlarga tegib turgan shohlari yong’in keltirib chiqaradi. Masalan ikkita parallel ketgan o’tkazgichlarga daraxt shohi tegib qolsa, fazalararo qisqa tutashuv yuzaga keladi. O’tkazgichlar uchqun chiqarib, daraxt osongina yonib ketadi.

Ayniqsa bu shamol vaqtida boshqa joylarga ham tarqab ketishi mumkin.
Agar daraxt shohi og'ir bo'lsa ham egilib ikkita o’tkazgichlarni bir biriga tekkizib qo’yadi.

Bunday holatlarda nima qilish kerak? Yashab turgan joyingizdagi hududiy elektr tarmoqlariga murojaat qilish kerak. Hech qachon mustaqil o’zingiz daraxt shohlarini kesmang.

@elcom_group