ELCOM

#Savol: (Sardor)
Assalomu alaykum bir yangi uchastkani montaj qilgandik guruxlarga bo'lib konditsioner rozetka chiroqni alohida qilingan, avtomatlar soni 15 ta, shularga qanday kattalikda avtomat tanlasam bo'ladi, 3 ta UZO qo'ysa bo'ladimi, agar bulsa nechchilik UZO qo'ysam bo'ladi? Javob uchun oldindan raxmat.

#Javob:
Va alaykum assalom. Avvalo bir narsani tushunish kerakki, avtomatni tanlashda birinchi bo’lib qanday kabeldan foydalanilganiga qaraladi.

Alyuminmi yoki mis tolali, o’tkazgichlarni ko’ndalang kesimi qanday. Bu parametrlarni bilgandan keyin jadvalga asosan, o’tkazgizgichni ko’ndalang kesimi va qanday metalldan ekanligiga qarab, maksimal tok o’tkazishini bilib olamiz.

Misol uchun: 1.5 mm2 mis tolalik o’tkazgichni olaylik. Jadvalga asosan 1.5 mm2 mis tolalik o’tkazgich 15 A tok ko’taradi. Demak liniyani qisqa tutashuv va iste’mol toki ortishidan ximoya qilish uchun nominal toki 10 A lik avtomat tanlash kerak.

Odatda rozetkalar uchun, 16 A, C harakteristikali (C16) avtomat qo’yiladi, yoritish chiroqlari uchun 6 yoki 10 A nominaldagi avtomatlar tanlanadi.
Boshqa avtomatlarni tanlashda o’tkazgichni ko’ndalang kesimidan tashqari elektr energiyasi iste’molchilarini quvvatini umumiy yig’indisini ham xisoblash kerak.

Konditsioner uchun alohida liniya va alohida avtomat qo’yiladi. Birinchi navbatda konditsionerni quvvatini bilib olish kerak.

Rozetka liniyalariga 3 tadan kam bo’lmagan UZO yetadi, yoritish liniyalariga shart emas.

UZOni asosiy ikkita parametri bor: 1) Differensial toki. 2) Nominal toki. Differensial toki 30 mAlik olsangiz bo’ladi, nominal toki esa avtomatni nominal tokidan bir pog’ona baland tanlanadi. Masalan: Avtomat 6 A bo’lsa UZO 10A olinishi kerak.

Bu yerda UZO haqida qisqa yozdim to’liq tushuntirsam cho’zilib ketadi, shuning uchun UZO haqida avval yozgan javoblarim orqali javob beraman.

@elcom_group