EFFECT.UZ | Расмий канал

Жиззах, Самарқанд, Навоий ва Бухоро вилоятларидан келган 140 нафарга яқин ёшлар иштирокида Минтақавий инклюзив IT-оромгоҳ якунланди. Улар дастурлаш, 3D-моделлаштириш, схемотехника ва электротехника асосларини ўрганди.

Самарқандда беш кун давомида мактаб ўқувчилари тажрибали менторлар раҳбарлигида нафақат янги билимларга эга бўлишди, балки ҳамфикрлар билан танишиш ва тажриба алмашиш имкониятига ҳам эга бўлдилар.

IТ-оромгоҳнинг ёпилиш маросимида «Замин» фонди Васийлик кенгаши раиси иштирок этди. Тадбирда ёшлар эгаллаган кўникмаларини фахр билан намойиш этдилар ҳамда Зироат Мирзиёева билан IТ соҳасидаги бўлажак касбини танлаш режаларини ўртоқлашди.

Telegram | Facebook | Instagram | YouTube | Sport

Зоминда II Халқаро мақом санъати анжумани тантанали равишда очилди

Унда президент Шавкат Мирзиёев нутқ сўзлаб, мақом санъатининг тарихи ва аҳамиятини эътироф этди.

Бизнинг қадимий тарихимиз, бой маданиятимиз, азалий қадриятларимизнинг рамзи бўлган мақом санъати теран фалсафий илдизлари, бетакрор бадиий услуби ва бой ижодий анъаналари билан маънавий ҳаётимизда муҳим ўрин эгаллайди. Мақом – умумбашарий туйғуларни авж пардаларда тараннум этадиган нодир санъат тури сифатида ҳам биз учун ғоят қадрлидир,
– деди давлатимиз раҳбари.


Маросимда ЮНEСКО Бош конференцияси 42-сессияси президенти Симона Микулеску, АЙСEСКО Бош директори Салим Муҳаммад ал-Малик ҳам сўзга чиқиб, иштирокчилар ва меҳмонларни қутлади.

Фестивалда Осиё, Европа, Шимолий ва Жанубий Америка, Африка қитъаларининг 80 дан ортиқ мамлакатидан қарийб 400 нафар меҳмонлар иштирок этмоқда.

Telegram | Facebook | Instagram | YouTube | Sport

Президент иккинчи Халқаро мақом санъати анжумани очилиш маросимида нутқ сўзламоқда

Буюк Алишер Навоий бобомиз айтганларидек, “Кўнгил қуввати – хуш навоздин, руҳ қути – хуш овоздин”. Қаранг, қандай чуқур маъноли сўзлар.

Дарҳақиқат, барча олис ва яқиндан келган санъаткорлар иштирокида дўст ва биродар халқларимизнинг дилларини бир-бирига чамбарчас боғлайдиган бугунги анжуманимиз ҳам мусиқа орқали ер юзидаги барча инсонларга маънавий озиқ беришга хизмат қилади. Фестивалимиз кўлами тобора кенгайиб, бугун бу муҳташам мажмуада Осиё, Европа, Шимолий ва Жанубий Америка, Африка қитъаларининг 80 дан ортиқ мамлакатларидан қарийб 400 нафар меҳмонлар жам бўлиб тургани ҳам фикримизнинг яққол тасдиғидир.

Telegram | Facebook | Instagram | YouTube | Sport

Зоминда иккинчи Халқаро мақом санъати анжумани бошланди

Унинг очилишида президент Шавкат Мирзиёев нуқт сўзлаб, барчани ушбу воқеа билан самимий муборакбод этди

Telegram | Facebook | Instagram | YouTube | Sport

Бекободда ички ишлар ходими қамоққа олинди
Бекободда фуқаронинг ИИБ биносида вафот этгани ҳолати бўйича бир нафар ички ишлар ходими қамоққа олинди. Бу ҳақда Бош прокуратура матбуот котиби Ҳаёт Шамсутдинов маълум қилди. Гумондорнинг шахси ва лавозими очиқланмаяпти, жами неча нафар ички ишлар ходими терговга жалб этилгани ҳам маълум эмас.

43 ёшли эркак Бекобод шаҳар ИИБ биносида 19 июн куни вафот этганди. Вилоят Ички ишлар бошқармасига кўра, ИИБ биносига кириш йўлагида унинг соғлиги ёмонлашиб, ҳушини йўқотган, кейин шаҳар шифохонасига олиб борилганида вафот этгани маълум бўлган.
Марҳумнинг акаси Дилмурод Юсупвалиевнинг маълум қилишича, ИИБ ходимлари уни ва укасини калтаклашган. У укасини тепкилаган ходимлар сони 5-6 нафар бўлганини айтганди.

Ички ишлар вазирлиги матбуот котиби Шоҳрух Ғиёсов воқеанинг барча иштирокчилари, хусусан ҳар бир ходимнинг ҳаракатлари холисона ўрганилишини билдирган.

Telegram | Facebook | Instagram | YouTube | Sport

Тошкентда иссиқ об-ҳаво туфайли юқори кучланишли электр тармоғи ҳудудида ёнғин чиқди

Иссиқ об-ҳаво Тошкент шаҳрида юқори кучланишли ҳаво электр узатиш тармоғи ҳудудида ёнғинни келтириб чиқарди. Бунинг натижасида Юнусобод, Олмазор, Шайхонтоҳур ва Тошкент туманларидаги кўплаб маҳаллалар 2 соатдан кўпроқ вақт давомида электрсиз қолди.

“Ҳудудий электр тармоқлари” компанияси эълон қилган суратларда юқори волтли тармоқларнинг остидаги ҳудудларда ўт-ўланлар ёниб кетганини кўриш мумкин.

Компания аҳолидан юқори кучланишли электр тармоқларининг муҳофаза ҳудудларида эҳтиёт чораларини кўришни сўради.

Telegram | Facebook | Instagram | YouTube | Sport