Bizning xalq biror bir yangi uskuna yoki tovar bozorga eng boshida bir brend bilan kirib kelsa, o‘sha eng birinchi kirgan brend nomini o‘sha mahsulotni nomiga aylantirib qo‘ya qolamiz. U mahsulot keyinchalik boshqa brend shaklida kirib kelsa ham, birinchi kirib kelgan, aslida raqobatchi bo‘lgan brend bilan nomlab aytaveramiz. Qiyinlashtirib o‘tiradimi?))
Masalan, "Pampers" deganda, har qanday taglik tushunaveramiz. Huggies ham, Libero ham, boshqasi ham - pampers!
Har qanday quritilgan non bo‘lakchalari - kiriyeshki!
Har qanday elektr choynak - tefal!
Har qanday isituvchi-kotyol - ariston!
Har qanday elektron to‘lov tizimidan "paynet" qivorilaveradi)
Restoranlardagi har qanday dasturiy ta’minot - erkiper.
Har qanday avtomobil yuvuvchi nasos - karcher))
Avtomobil uchun har qanday quyma disk - "saka-disk" bo‘ladi))
Pol to‘shamasini, laminatni - tarket deb qo‘ya qolamiz. Holbuki - "Tarkett" laminatlardan birining brendi xolos)
Ba’zilar ijtimoi tarmoqlardagi profillarini ham "profil" emas, "saytim" yoki "stranisam" deydi.
Telegramda "falon gruppada falon post ko‘rdim" deydi. Keyin bilsangiz, u guruh emas, kanal bo‘lib chiqadi)
Hullas, ajoyibmiz. Hayotni qiynilashtirib o‘tirmaymiz ))
***
Yuqoridagi holatdan bexabar nemes do‘stimiz Bastian o‘rtog‘i bilan qurilish mollari do‘konlarini aylanib yurib, o‘z davlatida ishlab chiqarilgan "Bosch" brendli kotyolni ko‘rib, xursand bo‘lib tursa, o‘rtog‘i sotuvchiga qarab "mana bu ariston necha pul turadi?", deb qolibdi.
Bastian hayron bo‘lib, "qanday qilib "Bosch" ni "Ariston" deb o‘qidi ekan, deb turguncha, sotuvchi ham "bu eng zo‘r Ariston. Nemeskiy. Maza qilib ishlatasiz", deb, kotyolni sotib qolibdi.
Bastian "O‘zbek tilida "Bosch" - "Ariston" bo‘larkan-da, deb hulosa chiqarib, indamapti..
#prikolna_daaaa
©️mening siyosatim
➡️
@Universal_Blog_Uz universal formatda
