❗️
O‘zbekiston 3 ta o‘yinda 3 ochko olsa ham JCHga chiqa olmasligi mumkin, lekin 2 ochko olsa 100% JCHga chiqadiO‘zbekiston milliy terma jamoasining Jahon chempionatiga chiqish imkoniyati qanday? Bu ko‘pchilikni qiziqtirayotgan bo‘lishi tabiiy. 3 ta o‘yin qolganda eng yaqin raqiblarimizdan
6 ochko oldindamiz. Bu esa biz 90% chiqdik, degani. Lekin aslida unaqa emas. Vaziyat anchagina murakkab.
O‘zbekiston hozir qiziq holatda.
✅ Bir qaraganda, barchasi
juda oson. Masalan, uchala o‘yinda yutqazib, BAA va Qatar esa bironta o‘yinda yutqazmasa ham, JCHga chiqishimiz mumkin. Ya’ni asosiy raqiblarimiz bizni mag‘lub etishadi, lekin qolgan 2 ta o‘yinda durang o‘ynashadi. Shunda ularda 15 ochkodan, bizda esa 16 ochko bo‘ladi.
❌ Boshqa tomondan qaraganda esa,
vaziyat o‘ta qiyin. Chunki bizga o‘z uyimizda Qatarni mag‘lub etishimiz ham JCHga to‘g‘ridan to‘g‘ri chiqish uchun yetarli bo‘lmasligi mumkin,
mehmonda yoki Erondan, yoki BAAdan ochko olishga ham majburmiz. Chunki biz Qatarni yutsak, 19 ochko bo‘ladi. BAA qolgan 3 ta o‘yinni yutsa, ularda ham 19 ochko bo‘ladi.
To‘plar nisbati esa BAAda yaxshiroq, demak, ular guruhda 2-o‘rinni oladi🤦♂️
📆
TaqvimEng avvalo taqvimni ko‘rib chiqamiz. Guruhda Eron 1-o‘rinni olishi aniq, deb tasavvur qilamiz va 2-o‘ringa da’vogar 3 ta jamoa o‘yinlariga e’tibor qaratamiz.
Eng oson taqvim, shubhasiz — BAAda.
Eng qiyini — O‘zbekistonda.
🇦🇪
BAA: Shimoliy Koreya (safar), O‘zbekiston (uy), Qirg‘iziston (safar);
🇶🇦
Qatar: Qirg‘iziston (s), Eron (uy), O‘zbekiston (s);
🇺🇿
O‘zbekiston: Eron (s), BAA (s), Qatar (uy).
Ko‘rib turganingizdek, BAAning 2 ta o‘yini autsayderlar bilan, bittasi esa o‘z uyida asosiy raqibi O‘zbekiston bilan. Arablarda
9 ochko olish imkoniyati juda yaxshi.
Qatarda biroz murakkab, ularda Eron bilan ham o‘yin bor. Ammo katta ehtimol bilan Eron allaqachon JCHga chiqib bo‘lgan bo‘ladi va Qatar bunaqa holatda o‘z uyida forslarni yutishi ham mumkin. Shunda oxirgi turda Qatar O‘zbekistonga JCHga chiqish yo‘lidagi
hayot-mamot jangi uchun kelishi ham mumkin.
O‘zbekistonda vaziyat qiyin. Eron va BAA bilan safarda o‘yin. Ushbu o‘yinlarda
ochko olish shart. Yo‘qsa, oxirgi turda Qatarni yana
o‘ta yirik hisobda
(kamida 5-6 ta to‘p farqi bilan) yutishga
MAJBUR bo‘lishimiz mumkin. Dejavyu. Bunaqasini oldin ham ko‘rganmiz va uddalay olmaganmiz.
Va eng qizig‘i oxirgi turdan oldin 3 ta jamoada bir xil
16 ochkodan bo‘lishi ham mumkin.
😎
Yaxshi ssenariylarYaxshi ssenariylar ham bor. Masalan, biz qolgan uchta o‘yinda
g‘alaba qozonishimiz ham shart emas. Erondan yutqazsak ham mayli. Eng asosiysi
BAA hamda Qatar bilan durang o‘ynashimiz kerak. Shunda 💯
100% JCHga chiqamiz. Chunki bizning ochkolar 18 ta bo‘ladi hamda BAA va Qatar qolgan 2 ta o‘yinida yutsa ham, bizga yeta olmaydi. Ko‘rib turganingizdek,
barchasi o‘z qo‘limizda. Shunchaki, asosiy 2 ta raqibimizdan 1 ochko bo‘lsa ham olsak kifoya.
‼️JCHga chiqish uchun eng oson yo‘l:BAA va Qatar bilan kamida durang o‘ynash, ya’ni yutqazmaslik. Bo‘ldi, tamom.
Yana boshqa ssenariylar ham bor, ammo ular bizga bog‘liq emas. Ya’ni BAA hamda Qatar boshqa o‘yinlarda ochko yo‘qotadi. Masalan, qo‘shnilarimiz 🇰🇬
Qirg‘iziston bizga syurpriz tayyorlab, o‘z uyida BAAdan ham, Qatardan ham ochko olib berishi mumkin.
😁
O‘ta optimistik ssenariy bo‘yicha, biz
3 kundan keyin ham JCHga
rasman chiqishimiz mumkin. 2 ta variant bor:
1️⃣ Eron bilan
durang o‘ynaymiz, BAA hamda Qatar
yutqazadi;
2️⃣ Eronni
mag‘lub etamiz, BAA hamda Qatar esa yoki
durang o‘ynaydi, yoki
yutqazadi.
Ikkala vaziyatda ham biz
rasman JCHga chiqamiz. Qolgan 2 ta o‘yin, shunchaki, rasmiyatchilik uchun bo‘ladi. Albatta, bunga ishonish qiyin, ammo ehtimollar nazariyasida shunaqa imkoniyat yo‘q emas.
📝Xullas, yuqorida aytganimdek, bu safar
barchasi O‘zbekistonning o‘z qo‘lida. Boshqalarga bog‘liq joyimiz yo‘q. Kuchli va JCHga loyiq bo‘lsak, buni uddalay olishimiz kerak. Agar hozirgi vaziyatda ham to‘g‘ridan to‘g‘ri chiqa olmasak, unda bilmadim, JCHga borishimiz shartmi o‘zi, degan savol ham ko‘ndalang turadi.
🤲 Alloh yigitlarimizning yuzini yorug’ qilsin, ilohim.
🔘
@xushnudbekuz
