Dublyaj sanʼati 🎙

O‘zbekiston xalq artisti To‘lqin Tojiyev vafot etdi 🥹

Teatr va kino aktyori, dublyaj ustasi To‘lqin Tojiyev 88 yoshda edi.

To‘lqin Tojiyev 1936-yil 13-aprelda Toshkent shahrida tug‘ilgan. 1959-yili A.Ostrovskiy nomidagi Toshkent teatr va rassomlik san’ati institutining aktyorlik fakultetini tugatib, Hamza nomidagi O‘zbek davlat akademik drama teatriga ishga kirgan.

O‘zbekiston xalq artisti Jo‘ra Tojiyev xonadonida o‘sib, voyaga yetgan To‘lqin Tojiyev 1947-yildan “O‘zbekfilm” kinostudiyasi va respublika radiosida ishlay boshlagan. O‘zbek Milliy akademik drama teatrida yuzdan ortiq — Bobchinskiy va Xlestakov (“Revizor”da), Ozrik (“Hamlet”), Edgar (“Qirol Lir”), Yago (“Otello”), Mansur va Jomiy (“Alisher Navoiy”), Orif (“Imon”), Abdullatif (“Mirzo Ulug‘bek”), Jontoy (“Sarviqomat dilbarim” spektakli) kabi obrazlar yaratgan.

To‘lqin Tojiyev “O‘zbekfilm” kinostudiyasida o‘zbekchaga o‘girilgan “Qilich va qalqon”, “Afonya”, “Ivan Vasilevich kasbini o‘zgartiradi”, “Sizdan ugina, bizdan bugina”, “Nofelet qayerda?”, “Kanonir Dollasning sarguzashtlari”, “Sadoqat”, “Fillar mening do‘stlarim”, “Ram va Sham” kabi mingdan ortiq xorij filmiga ovoz bergan.

To‘lqin Tojiyevga 1988-yilda O‘zbekiston xalq artisti unvoni berilgan, 1997-yilda esa san’atkor “Do‘stlik” ordeni bilan mukofotlangan.

👉 T.me/dublyajsanati 🎙