DAVLAT TILINI RIVOJLANTIRISH DEPARTAMENTI

#bilib_oling

❓Najdak qayroqtoshmi?

"Ruscha-o‘zbekcha lug‘at"ning 1983-yilgi nashrida najdak
so‘ziga shunday izoh berilgan:

Najdak m.r. -a najdak, jilvir qumqayroq.

Qumqayroq so‘zi bizga tushunarli.
Jilvir so‘ziga "O‘zbek tilining izohli lug‘ati"da quyidagicha izoh berilgan:

Jilvir, jilvir qog‘oz – qayroqqum qoplangan qog‘oz yoki mata (buyumlarning sirtini silliqlash, sayqallash, jilolash uchun ishlatiladi).

❗️Qoshg‘ariy "Devon"ida berilgan izohga ko‘ra, bu so‘z nijdag‘
shaklida qo‘llanib, qayroqtosh ma’nosini anglatgan.

✔️Demak, ko‘pchilikka ruscha bo‘lib tuyulgan najdak so‘zining ham tub ildizi turkiy tilga borib taqaladi.

"BOBOSO‘Z IZIDAN"
(So‘zlar bilan so‘zlashuv)
✍️Eshqobil Shukur

Kanalga ulanish 👉  https://t.me/dtrdep

Bizning manzil
Veb-sahifa | Telegram | Facebook

#Jarayon

O‘zbekiston Respublikasi Prezidentining 2020-yil 20-oktabrdagi “Mamlakatimizda o‘zbek tilini yanada rivojlantirish va til siyosatini takomillashtirish chora-tadbirlari to‘g‘risida”gi Farmoni ijrosi doirasida Ishtixon tuman hokimligida muhokama o‘tkazildi.

Yig‘ilishda tumandagi barcha korxona va tashkilotlarning mas’ul xodimlari ishtirok etdi.

Davlat tilini muhofaza qilish va uning o‘z vaqtida, to‘g‘ri qo‘llanilishini ta’minlash maqsadida quyidagi chora-tadbirlar belgilandi:👈

Kanalga ulanish 👉  https://t.me/dtrdep

Bizning manzil
Veb-sahifa | Telegram | Facebook

#Jarayon

🔆Ona tilimiz – milliy maʼnaviyatimizning bitmas tuganmas bulog‘idir. Shunday ekan, unga munosib hurmat va ehtirom ko‘rsatish barchamizning nafaqat vazifamiz, balki muqaddas insoniy burchimizdir.

🔆O‘z ona tilini sevmagan, til zamirida yotgan tarixni bilmagan, qiziqmagan odam barkamol sanalmas. O‘z tiling o‘z vataningdek aziz, o‘z onangdek tabarruk.

🔅Namangan viloyati To‘raqo‘rg‘on tumani Yakkatom mahalla fuqarolar yig‘inida tuman hokimining maslahatchisi tomonidan tashqi va ichki targ‘ibot vositalari, me'yoriy hujjatlarning davlat tilida tashkil etilganligi, ma'naviy-ma'rifiy ishlar samaradorligi o‘rganildi.

⚠️Jarayonda bir qator kamchiliklar to‘g‘risida tushuntirish ishlari olib borildi. Hududda amaliy ishlar davom etmoqda.

Kanalga ulanish 👉  https://t.me/dtrdep

Bizning manzil
Veb-sahifa | Telegram | Facebook

#otalardan_yodgor_bitiklar

O‘D - chog‘, zamon, vaqt, davr.

O‘d kechar, kishi tuymas, yaling‘uq og‘li mangu qalmas. (DLT)

Ma’nosi: Zamon o‘tar, kishi sezmas, odam bolasi mangu qolmas.

O‘d tengri yasar, kishi o‘g‘li ko‘p o‘luglu to‘rumish. (Kul Tigin yozuvi K.10)

Ma’nosi: “Vaqt(ni) Tangri yasar, kishi o‘g‘li hammasi o‘ladigan [qilib] yaratilgan”.

Kanalga ulanish 👉  https://t.me/dtrdep

Bizning manzil
Veb-sahifa | Telegram | Facebook

✅ Qo‘shko‘pir tumani hokimining davlat tili masalalari bo‘yicha maslahatchisi N.Eshchanova tomonidan tuman hokimligi majlislar zalida hokimlikning apparat xodimlariga davlat tilida ish yuritish bo‘yicha seminar tashkil qilindi.

⏩ Seminarda tuman hokimligi xodimlariga ish hujjatlarining yozilishi yuzasidan qo‘shimcha ma’lumotlar berilib, tumandagi tashkilotlarda xat-hujjatlar aylanmasining xatolarsiz, lotin yozuvida yuritishlari hamda tashkilotlardagi ichki va tashqi yozuvlarning Davlat tili to‘g‘risidagi qonun hujjatlariga rioya qilgan holda yozilishining nazoratini qilib berish bo‘yicha ham bosh mutaxassislarga ko‘rsatma va topshiriqlar berildi.

➡️ Shuningdek, seminar qatnashchilariga Davlat tilida ish yuritish qoidalarini o‘rgatishda bayonnomaning yozilishi yuzasidan videorolik namoyish qilinib, bu bo‘yicha qo‘shimcha ma’lumotlar taqdim qilindi.

✔️ Seminar savol-javob tarzida o‘tkazildi.

Qo‘shko‘pir tuman hokimligi matbuot xizmati

Kanalga ulanish 👉  https://t.me/dtrdep

#ona_tilim

“Ona tili umummillat mulkidir, demak, til oldidagi masʼuliyat ham umummilliy. Men o‘zbekman, degan har bir inson o‘zbek tili uchun qayg‘urmog‘i kerak. Unutilgan so‘zlarni tiklash, borini boyitib borish, xorijiy atamalarga munosib istilohlar topish yolg‘iz tilshunoslarning emas, millatning ishidir”.

Namangan viloyati To‘raqo‘rg‘on tumani hokimligida bugun davlat tiliga alohida eʼtibor qaratildi, binoning ichki va tashqi qismlaridagi tashqi yozuvlar, peshlavhalarni xatolarsiz davlat tilida yozilishini taʼminlash borasida bir qator ishlar amalga oshirildi.

Hududlarda amaliy tadbirlar davom etmoqda.

Kanalga ulanish 👉 https://t.me/dtrdep