...

Inbazar keysi

Tizimdagi bitta xodimning xatosi uchun butun biznes javobgar bo'lishi adolatsizlik lekin biznes egasining zo'ravonligi uchun butun tizim javobgar bo'lmasligi ham adolatsizlik.

Katta brend asoschisining o'zidan vorzakonni yasab xodimlarini samosud qilgan videolari tarqalganini ko'rdingiz. Birinchi video, ikkinchi video, uchinchi video.

Xodim va ish beruvchi munosabatlarini tartibga soluvchi yagona narsa — bu mehnat qonunchiligi. Mehnat huquqida xodimning ham, rahbarning ham huquq va majburiyatlari aniq va tiniq qilib belgilangan.

Qonunlardan tashqariga chiqishning har qanday shakli qattiq jazolanishi kerak. Inbazar keysi boshqa bizneslar uchun ham ibrati olam vazifasini bajarishi kerak.

Men aniq bilaman: fastfoodda, kiyim, oziq-ovqat do'koni, har xil mayda ishlab chiqarishlarda ishlaydigan o'smirlarga nisbatan doimiy abyuzerlik qilib kelinadi. Faqat Inbazarda emas bu narsalar.

Agar «menga nima» deb qo'l siltab ketsak, ertaga bu samosud ma'daniyati o'z boshimizga, kamida tanishlarimizning ustiga tushadi. Chunki biz zo'ravonlikni oqlaydigan, mujiklik bilan o'lchaydigan jamiyatmiz.

Xususiy sektorda ham, davlat sektorida ham rahbar xodimga ruhiy va jismoniy tazyiqlar o'tkazishi mumkin emasligini odamlarimiz o'rganishi kerak.

Bu keysdan xalq o'zi uchun: inkor ma'daniyati (cancel culture) ta'sirini, samosud javobsiz qolmasligini, zo'ravonlikka toqatsizlikni o'rganib oladi. Buni shuncha ommaga leksiyalarda ham o'rgatib bo'lmaydi:)

Bozor — bu xalq, biznes ham, davlat ham bozor bilan hisoblashishga majbur!

@legal_mind

Inbazar atrofida tarqalayotgan videolarga keskinroq reaksiya bildirish kerak. Bular ishlayman deb kelgan talabalarga nisbatan o'zicha quldorlik jamiyatini qurgan ekan. Bitta video chiqdimi, demak, bunday viktimlar soni juda ko'p bo'lishi kerak.

O'zini va qonunlarni hurmat qilgan odam qaytib Inbazarga kirmaydi. Bu do'kon mijozlarini yo'qotishi, xalq tomonidan cancel qilinishi — boshqalarga ham, Inbazarga ham katta dars bo'ladi.

Kaltak yeb indamay turgan bollarni tushunaman. Kimdir kontraktini o'zi to'laydi, kimdir ro'zg'orga yordam beradi va ishlashga majbur. Aynan shu majburlik bu bollarni boshlig'i haqorat qilsayam, ketiga tepsayam lom-mim demay turishga majbur qiladi.

Man biron marta Inbazardan kiyinmaganman. Ikki marta kirgan bo'lsam ham didimga mos narsa topa olmaganman. Endi ham mahsulot olmayman. Bu feodal quldorlar gazini olishi kerak.

#inbazarout #inbazarcancel #inbazarboycott

@legal_mind

Agar men birinchi kursga qaytib qolganimda nimalar qilgan bo'lardim:

1. IELTSdan baland ball olib qo'yardim, keyingi kurslarda har xil grantlar yutish uchun;

2. Har xil adabiyotlar o'rniga, Sharl Monteskyening «Qonunlar ruhi», Karl Marksning «Kapital» kitoblarini o'qib chiqardim;

3. Pravam yo'q bo'lsa o'qib qo'yardim, o'g'il bola bo'lsam bir oylik armiyaga ham borib kelardim;

4. Baholarimni yaxshilab GPA ko'rsatkichimni maksimal baland ushlashga harakat qilardim;

5. Bir nechta volontyorlik loyihalarida qatnashib tanish-bilishlarimni ko'paytirardim;

6. Noutbukdan faqat kino ko'rish uchun emas, Excel, Word kabi dasturlarni mukammal o'zlashtirish uchun foydalanardim;

6. Monkeytypeda avval lotincha, keyin esa kirillitsada klaviaturaga qaramay harf teradigan darajaga chiqib olardim;

7. Uydagilar og'rinmay ta'minlab turgan vaqtda maksimal moliyaviy erkinlikka chiqib olish uchun ishga kirishga harakat qilardim;

8. Shaharni o'zim uchun kashf etardim, ko'p joylariga borib ko'rardim, aylanardim;

9. Video montaj qilish, chiroyli rasmga olishni mashq qilardim, kanal ochib fikrlarimni o'tkirlash uchun yozib borardim;

10. Shu yergacha erinmasdan o'qiganim va adminni support qilish uchun bu postni kursdoshlar guruhiga ulashib qo'yardim:) 🤘🏻

P/s: Monteskyening «Qonunlar ruhi» kitobi davlat va huquq nazariyasini o'qishdan ko'ra yaxshiroq!

@legal_mind

Shuncha yillik tajribamdan kelib chiqib birinchi kurslarga yengil layfhak:

— Universitetga deb sumka olma, kattaroq barsetka ol: ichiga zaryadka, telefon, hujjatlar, salfetka sig'ib ketadigan bo'lsin;

— Darslar uchun maktabdagidek qalin 90 varoqlik daftarlar olma, daftar umuman olma, bitta toza, qimmat bloknot ol, 4 yilga yetadi;

— Galstukka qiziqsang har xil turdagi 4-5 ta galstuk ol, galstukka kamarni, kamarga tuflini, tufliga soatni rangini mosla puling yetsa;

— Endi doimgidek G'ishmat akaga borma, sartaroshingni o'zgartir, bir kun oldin bron qilib qo'yiladigan barbershoplarga bor;

— Endi bratishka bitta yaxshiroq atir ol, univerda o'tkir xid sezuvchi jonzot ya'ni qizlar bo'lishini unutma, puldan qochma;

— Agar tanlov qilsang oppoq ko'ylak olma, yuridikda havorang, och ko'k rang, chiziqli, yoqasi va yenglari ajralgan ko'ylak trendda yuradi doim;

— Tim qora kostyum shim olma, boshqacharoq ranglisidan tanlov qil, bitta yaxshi pidjak ham ol imkon bo'lsa;

— Eng oxirgisi juda kitob olging kelsa konstitutsiyaviy huquq bilan davlat va huquq nazariyasi ( Saydullayev) ni xarid qil, yetadi.

Boshqa masalalarni sekin-sekin muhokama qilaveramiz, hozircha baxtli bo'l bro!

@legal_mind

TDYU, Diplomatiya, TashMI va hokazo kirish qiyinroq bo'lgan universitetlarga ball to'play olmaganlarga super kontrakt qilishni maslahat bermayman. Siz uchun layfhak:

1. Tegishli yo'nalishdagi perevod ballni toping;

2. O'sha ballni keyingi yil to'plashga kuchingiz yetishini baholang;

3. Huddi shu yo'nalishda qirg'izga o'qishga kiring va biroz xarajat qiling;

4. Keyingi yil shunaqa paytlarda perevod imtixonidan o'ting.

Va o'qishingizni tengdoshlaringiz qatori ikkinchi kursdan davom ettiring. Orzularingiz amalga oshadi, odamlar gapirolmay qoladi va hamma uzoq va baxtli hayot kechiradi.

@legal_mind

Zamonaviy rahbarga OAV bilan ishlash qanchalik obro' keltirishini Diyor Imomxo'jayev misolida ko'rishimiz mumkin. PFL rahbarining ildizi jurnalistikaga taqalishini bilasiz.

U qanday ishlayotgani, futbol tizimida qancha islohotlar qilayotganidan qat'iy nazar jurnalistlarning va xalqning so'rovlaridan biron marta qochmadi. Kerak bo'lsa muammoli vaziyatga blogerlardan yaxshiroq yondashdi.

Oldingi noneym rahbarlar bilan Diyor Imomxo'jayevning faoliyatini taqqoslab aytishim mumkin: o'zbek chempionatiga bo'ladigan og'ir tamg'alar deyarli qolmadi. OAVning og'zini butunlay o'chirib qo'ya oldi.

Vazirlar, hokimlar va hokazo tizim rahbarlari ham shuni o'rganishi kerak. Andijon hokimiga o'xshab «qo'llaringdan hech narsa kelmaydi» deyish aslida ijro hokimiyati uchun millat miqyosida sharmandali holat.

Jurnalistlar, blogerlar va OAVni dushman sifatida ko'radiganlarning davri davno o'tgan. Kelajakda vazir bo'lib ketsangiz podkastlarda qatnashing, intervyular bering, shaxsiy blog yuriting.

@legal_mind

Olimpiada ham yoshlar futboli toifasiga kiradi. Futbolning haqiqiy proflari bo'lgan top davlatlarda bunday jamoalar uchun natija ko'rsatish sharti qo'yilmaydi. Muhimi, turnirlarda ishtirok etish hisoblanadi.

Osiyodan Parijgacha bo'lgan protsess birinchi navbatda o'zbek futboli uchun kattagina seleksiya vazifasini bajardi. Abbos, Abduqodir, Jasur kabi kattarib borayotgan nomlarni yetishtirib berdi.

Olimpiadada ishtirok aslida katta yutuq va bu jamoaning missiyasi ham shu edi. Turnir bilan erta xayrlashgan bo'lsak ham yigitlarda o'yin bor va biroz tajriba kamlik qildi.

Kapadze jamoasini xeyt qilmayman. Bu jamoa fundamenti hali bizni butun o'zbek futboli uchun orzu — Amerikadagi mundialga olib chiqishi kerak. Merci Uzbekistan!

@legal_mind

"Siyosatga aralashma, qo'y bolam"

Siyosatni gapirish — bekorchilikmi? Siyosat o'zi nima? Shunchalik absurdmi? Siyosatdan foyda yo'qmi?

Biz genlariga qo'rqoqlik singdirilganlarning avlodlarimiz. Bitta avlod yuqoridagilar oliy rahnamo haqida negativ fikrlashga ham qo'rqqan. Qatag'onlar, repressiyalar, tazyiqlar, KGB, SNB...

Tarixni ham, iqtisodni ham, ta'limni ham, biznesni ham, hatto insonlarning binar fikrlashini ham siyosat orqali hal qilinadi. Siyosiy richaglar orqali insonlar to'lqini boshqariladi.

Byudjetni o'margan hokimni tanqid qilish — siyosat. Pora olgan sudyaga notolerant bo'lish — siyosat. Munosib mehnat sharoitini xohlash — siyosat. Yaxshiroq turmush darajasini talab qilish — siyosat.

O'zbeklar siyosatni kambag'allar mavzusi deb hisoblaydi. Siyosatdan qochishga harakat qiladi. Aralashmaslikni afzal ko'radi va bularning barchasi qo'rquv propagandasi ta'siri ekanligini o'ylamaydi.

Karyerani riskka qo'yib «Gibraltar Ispaniyaniki» deb baqirgan chempionlar Morata va Rodrining qanday kamchiligi bor? Lyuks mashinalar, millionlab yevro maosh, villalar va hokazo barcha komforti bor.

Germaniyadagi chempionatda dunyo islom va turkning ostidaligini qo'llari orqali ko'rsatgan va diskvalifikatsiya qilingan Demiralni hech kim majburlamagan. U Turkiya siyosiy mafkurasini ko'rsatdi, masalan.

Bilasizmi, Amerikada hatto porno aktrisaning ham respublikachilar va demokratlar, Tramp yoki Bayden masalasida siyosiy pozitsiyasi bor. Oligarx G'ishmat hojining loqaydligi, beparvoligi o'zbeklarda bor, xolos.

Yaqinda huquqdan bo'lgan testlar mavzusi, undan avval ochiq budjet loyihalari jamoatchilik bosimining effektini ko'rsatib berdi. Agar hamma gapirsa, kerak bo'lsa vazir tugul hukumatlar ham almashadi.

Har qanday rivojlangan va orzuyingizdagi davlatda faol fuqarolik jamiyati, tanqidchilar, ta'sirchan media va bir-birini kamida teglar bilan support qilish birdamligi bor 🤘🏻

🤘🏻 = inglizcha «U» ya'ni unity ma'nosini bildiradi.

@legal_mind

O'qishga kirishda eng oltin davrlar 2017-2022 yillarda bo'lgan bo'lsa kerak. Milliy sertifikatlar bo'lmagan, imtiyozlar kam edi.

O'qishga kirishda eng birinchi bekor qilinishi kerak bo'lgan imtiyozlar: Prezident va Temurbeklar maktablari bitiruvchilarining imtiyozi hisoblanadi. Bu maktablarda eng intellektli, zamonamizning olim-u fuzalolari o'qishi yetarli argument emas.

Oddiy maktabda o'qib, ham repetitorga borib, ham o'qituvchilaridan dars qoldirgani uchun so'kish eshitib yuradiganlar bilan eng zo'r sharoitda va eng zo'r o'qituvchilarda tayyorlanganlar ustun bo'lmasligi kerak.

To'g'risini aytaman: kursga qatnab yurganlar bilan imtiyozli maktab o'quvchilari bellashsa, oddiy maktab o'quvchilari ustunroq chiqsa ham hayron qolmayman. Chunki yillab repetitorga borganlarni o'zining maxsus bloklaridan boshqalardan kam joyi bo'lmaydi — 100%

Umuman, ta'limda adolat bo'lishi uchun hech qanday imtiyoz bo'lmasligi kerak. Haqiqiy adolat shu DTMni testlarini hamma bir xil startdan yechib, bir xil imkoniyatlar bilan hech qanday qo'shimcha ballarsiz bellashganida bo'ladi.

Imtiyozlilarga alohida kvota beriladi degan argumentga ham qo'shilmayman. Ularga kvotalar ajratilaverishi sabab OTMlarga yuklamalar oshib ketadi. Xonalar, yaxshi ustozlar yetishmovchiligi bo'ladi. Bu o'z navbatida barchaga birdek salbiy ta'sir qiladi. O'zbeklarda ajoyib gap bor: ko'pchilik — b*qchilik.

Shuningdek, milliy sertifikatlashtirishga ham butunlay qarshiman. Chunki shu sertifikatni korrupsion yo'llar bilan olayotganlar, sohani biznesga aylantirgan shinavandalar ko'payib ketganini abituriyentlar biladi.

O'z kuchi bilan sertifikat olayotganlar ham bor, bilaman. Lekin pul bilan hal qilish uchun fortichka bo'lgan teshiklarni butunlay yopish kerak bunday vaziyatda. Bitta IELTSni imtiyoz sifatida tan olish kerak, tamom.

Men xohlagan orzudagi O'zbekistonda imtixonlarda barcha birdek, faqat va faqat miyasidagi bilimi bilan bellashib o'qishga kiradi. Bu gaplarim ba'zi yaqinlarimga yoqmagani aniq, uzr!

@legal_mind

Obunachilar 2 000 ta bo'lsa, blog yuritish haqida yozaman degandim o'zimga-o'zim. Bir tiyn sarflamay 3k ni ham urib qo'ygan inson sifatida ommabop bloglar uchun #tavsuyu:

1. Shakl: kanalga birinchi qaragan insonning ko'zi tushadigan narsa. Postlar aniq bir o'lcham va shaklda bo'lishi kerak. Masalan, har bitta sarlavha besh qatordan. Bu huddi she'r yozishga o'xshaydi.

2. Word choice: sizni o'qiydiganlarni zeriktirmay ushlab turadigan turadigan narsa — bu siz ishlatayotgan so'zlar bo'ladi. So'zlardan, umuman, takror foydalanmaslik kerak

3. Kontent. Sizni nima uchun kuzatishlari kerak degan savolga javob toping. Odatda, aniq bir yo'nalishga ixtisoslashish uzoq vaqt davomida ishlaydigan strategiya hisoblanadi.

4. Loyalty. Sodiqlik auditoriya bilan yaqinlashish, ular bilan ishlash orqali keladi. Sizga hurmati, qiziqishi bo'lgan 500 ta obunachingiz, admin bilan hech qanday bog'liqligi bo'lmagan 5 000 ta obunachidan yaxshiroq.

5. Reklama siyosati. Qanday auditoriyalar bilan kollaboratsiya qilayotganingizga e'tibor bering. Falsafa kanali bilan kosmetika kanali o'rtasida hech qanday bog'liqlik yo'q, masalanda. Sifatli bo'lsangiz o'zlari offerlar qilishadi.

6. Negativity. Tanqidlarga e'tibor berish kerak. Xeyterlarni qadrlash kerak. Xeyterlar — eng katta fanatingiz bo'ladi. Yozgan gaplaringiz uchun aloqalarni uzib yuboradiganlarni fan klubingizga a'zo qilib qo'yavering.

7. Profit. Blog yuritishni eng katta foydasi — bu networking va chuqur fikrlash. Shu kanalim orqali ko'plar bilan yaqin aloqadaman. Shu postlarimga bo'lgan munosabatlar orqali fikrlarimni analiz qilaman.

Umuman olganda, auditoriyani his qilishni o'rganish kerak. Bir xillik va zerikarlilik bilan bezor qilib yubormaslik kerak. Me'yorni his qilish ko'pincha fahm-farosatga bog'liq ya'ni o'rgatib bo'lmaydi.

P/s: hozircha shular. Maksimal maqtov yozishingiz mumkin: siz blogimni nima uchun kuzatasiz?🤘🏻

@legal_mind

Bittasi aynan yuristga turmushga chiqmasmish. Yuristlarni yomon ko'rarmish. Erkak kishiga eng munosib kasblardan biri deb yurardim. Biz shunaqa yomon soha vakillarimizmi?

@legal_mind

Mayli, hech kim fikrimni so'ramagan bo'lsa ham aytaman:

1. Farengeyt bo'yicha 451°
2. Oq nilufarlar yurtida
3. 1984
6. Ajib yangi dunyo

Yangi O'zbekiston yangi bo'lishi, renessans degan baland iddaolar uchun shu kitoblarni barcha o'qishi kerak.

@legal_mind

Qaynonaning doimiy bosimi sabab kelin o'zini daryoga tashlagan. Odamlar esa «bir gap bor demak» deb kelinni aybdor qilyapti.

Navoiyda voyaga yetmagan qizni juda ko'pchilik zo'rlagan. Bu vaziyatda barcha qizni ayblayapti. Yengiltabiatligi, ochiq kiyingani sabab qilib ko'rsatilyapti.

Jamiyatdagi ijtimoiy zulmlarning eng cho'qqisi: har qanday vaziyatda ayollar, qizlar, kelinlar aybdor qilinishi bo'lsa kerak. Tajovuzga uchragan har qanday qizni bleyming qilinishiga qarshiman.

@legal_mind

Sifatli huquqshunoslar?

Aslida sog'lom fuqarolik jamiyatlarida, rivojlangan davlatlarda advokat, yuristlar soni aholi soniga nisbatan yuqori ekvivalentda bo'ladi. Jamiyatda huquqshunoslar qanchalik ko'p bo'lsa, qonunlar amaliyotda ishlashi shunchalik yuqori bo'ladi.

Xususiy universitet ochganlarning asriy ushalmas orzusi ham yurisprudensiya uchun litsenziya olish hisoblanadi. Shu yo'nalishni ochish orqali milliardlab soqqa qilish imkoniyati yaraladi. Xususiylar imtixonsiz, cheksiz kvotalarsiz qabul qilishni boshlaydi.

Har qancha ezgu tilaklar bildirmaylik lekin xususiylarga litsenziya berilishi sohani o'ldiradi. Ulardan shunchaki qo'lida qog'ozi bor, miyasida esa huquq nimaligini bilmaydigan sifatsiz kadrlar chiqadi.

Hozir ham yurisprudensiyada Toshkent davlat yuridik universiteti to'laqonli «monopol» hisoblanadi. Abituriyentlar uchun birinchi urinish TDYU, keyin esa boshqa OTMlar bo'ladi. Man shu monopoliyani to'liq support qilaman.

Chunki hatto TDYUni bitirib chiqib ketayotganlarning ham bilimi so'roq ostida. Masalan, maksimal 500 kg yuk ko'taradigan mashinaga ikki tonna yuk ortib qo'yilsa umuman to'g'ri bo'lmaydi. Ya'ni butun O'zbekistonda sifatli huquqshunos tayyorlashning imkoniyatlari cheklangan.

Chunki lektor professorlar, sohasini chuqur biladigan o'qituvchilar soni cheklangan. Sifatli yurist-pedagoglar soni esa undan ham kam. Viloyatlarda yoki boshqa shu yo'nalishi bor OTMlarda bironta prof borligini eshitmaganman. Bo'lsa ham barmoq bilan sanoqli.

Yana ham aniqroq aytaman: masalan, TDYUni o'zida ham auditoriyalar, sifatli lektor va seminaristlar yetishmovchiligi mavjud. Chunki har xil imtiyozlar, perevodlar va hokazo kvotadan tashqari talabalar ko'payib ketishi o'z-o'zidan bosimni va xaosni oshirgan.

Agar bizga sifatli, sohani rivojlantiradigan, xalqaro darajadagi kadrlar kerak bo'lsa, imtiyozlarni bekor qilishimiz, kvotalarni maksimal kamaytirishimiz va ortiqcha yuklamani yo'qotishimiz kerak.

Yaxshi yuristning yetishib chiqishi — kuchli ustozlardan ta'lim olishiga bog'liq. Harvarddan ham, Yaledan ham top kadrlar chiqishiga sabab: ularda eng kuchli professorlar, olimlar bor. O'zbekistonda esa bu bo'yicha imkoniyatlarimiz cheklangan.

Har qancha urinmaylik: huquqshunos bo'laman degan barcha G'ishmatlarni sifatli ta'lim beruvchilar bilan ta'minlay olmaymiz.

@legal_mind

Bizga ko'proq diplomli yuristlar kerakmi yoki sifatli huquqshunoslar?

Huquqni muhofaza qilish akademiyasida birinchi marta yurisprudensiya yo'nalishi uchun ikkinchi mutaxassislik ochilibdi. Ko'pchilik kutayotgan ish bo'libdi. O'zimni ham yuridikda ikkinchi mutaxassislik bormi deb zeriktirib yuborishardi.

Oldinlari yuridik diplom olish defitsit narsa ya'ni kamchilik uchun nasib qiladigan baxt va bu diplomni olish katta imkoniyatlarni ochardi. Karimov davrida-ku viloyatlardagi yurfaklar ham tugatilib sohada yuridik universitetning hukmronligi ta'minlangan edi.

Endi qarang: agar sizni maqsadingiz prokuratura, sud, adliya, MIBda ishlash bo'lsa, universitet tanlamay iloji boricha sirtqi, yurfak yo'nalishlarni tanlab, karyerani boshlab yuborgan yaxshi. Qandaydir to'rt yil ichida ham ish o'rganib kadrga aylanasiz, ham diplomingiz bo'ladi.

Chunki bu sohadagi 80-90 foiz talaba prokuror bo'laman, soqqani qilaman deydiganlardan iborat. Bilimli talabalar ham hech bo'lmasa bir marta organ tizimiga bosh tiqib ishlab ko'rgisi keladi.

@legal_mind

Bundan o'n besh kuncha avval notkoinni legal yo'l bilan sotib bo'lmasligi haqida post yozgandim.
Bugun esa GazetaUzda «Notkoin bilan qonuniy savdo qilish imkonsiz» sarlavhali material e'lon qilinibdi.

Shuningdek, qo'shimcha qilib ketaman: men normal deb yurgan yuristlar, hatto ularni ichidagi ba'zi tanishlarim ham notkoin haqida video qilib, litsenziya olinglar deb «o'tirib qo'ydi».

Bular shu sohadagi qonunchilikni o'rganishda kodeksdan nariga o'tmagan, manimcha. Prezident qarorini, Adliyaning tegishli normativlarini o'qib ham chiqmagan degan yomon gumondaman.

Xullas, ikkala qulog'ingiz bilan eshitib oling: litsenziya sizga kerak emas. Litsenziya bu provayderlar uchun kerak. Siz odamsiz, siz bozor ishtirokchisiz.

Jaydari tilda tushuntiraman: siz mashina olmoqchisiz yoki sotmoqchisiz. Shunday vaziyatda siz mashina savdosi faoliyati uchun litsenziya olgan mashina bozoriga borib sotasiz. Mashina oldi-sotdisi uchun siz litsenziya olmaysiz-ku?!

Kripto bozordagi ta'qiqlarni yechish kerak. Tresh kanallarda notkoin sotgan falonchi qamaldi mazmunidagi postlar bilan hozirgi yoshlarni, ayniqsa, kripto savdo ichida yurganlarni qo'rqitish ham, bu yo'ldan qaytarish ham imkonsiz.

Qandaydir harakat qonuniy javobgarlikka tortilishi uchun o'sha harakat jamiyatga xavfli bo'lishi, unda ijtimoiy xavf bo'lishi, boshqalar manfaatiga zarar yetkazishi kerak. Notkoinda shunday belgilar bormi? Yo'q!

Shuningdek, kripto-aktivlar bilan pul topishni oson deb hisoblaydigan mega miyalar nima uchun o'zi daromad qila olmaydi shunchalik oson bo'lsa? Bekorchilik, foydali vaqt, tuda-suda kabi dogmatik qoloq fikrlash bilan boshqalarga burun suqmaslik kerak.

Bitta kinoda aytilganidek, o'z juningni davlat juniga aralashtirma!

@legal_mind

G'ishmat — oldin vaynerlarni bekorchilikda ayblab xeyt qilib yurardi, hozir u kriptovalyutachilarni tuzukroq ish bilan shug'ullanishga chaqiryapti. O'zi esa shu vaqt ichida instagramda reels tomosha qilib o'tirish bilan band.

@legal_mind