Germaniyadan farqli o’laroq Sharqiy Yevropada Polsha yaxshigina na’muna bo’lishga urunib kelgan. Bugun Polshada 30,000 dan ziyod boshpanasiz va nochor qochoqlar borligi aniqlandi. Hukumat qish mavsumida bu kabi insonlarni ko’chaga tashlab qo’ymaslik uchun davlat budjetidan yaxshigina mablag’ sarf etadi.

Bugun shaxsan o’zim aftobus bekatida, sovuqda qunushib yotgan erkakni ko’rdim. Do’konga kirib chiqishim bilan, maxsus xizmat hodimlari kishini issiq adyol bilan o’rab, so’roq qilishdi. Erkak katta yoshli edi. Negadir u hodimlardan qo’rqib, qochishga urundi. Ammo xizmat hodimlari chiroyli muomala bilan, mashinaga chiqishni so’radilar. Erkakni maxsus boshpanasizlar uchun tashkil qilingan yotoqxonaga taklif qilishdi.

Boshpanasizlar uchun tashkil qilingan yotoqxonalarda tekin tibbiy xizmat, bepul taomlanish, issiq kiyim-kechak va qolgan mayda ehtiyojlar muntazam ta’minlanadi. Ularga maxsus eksportlar guruhi biriktirilgan bo’lib, ular nochorlarni alkogolizm, kashandalik, turli dorilarni iste’mol qilishdan qaytarish uchun kurashadilar.

Yevropaning ko’plab shaharlarida bugun ahvol achinarli. Yevropaga muntazam kelayotgan qochoqlar ittifoqni holdan toydirmoqda. Berlinda uysiz qolganlar bilan shug’ullanish uchun judayam sust harakat qilinayotgani aytilmoqda. Vena, Amsterdam, Parij hamda bir qator Ispaniya va Italiya shaharlarida bunday insonlar bilan shug’ullanishni davlat o’z tizimidan chiqarib yuborgan.

O’zbekistonda ahvol qanday? Iltimos, fikrlaringizni izohlarda yozib qoldiring.