doctorYakubjonov #channel

Иш жойим ўзгарди. Эртадан бошлаб қабул юқоридаги манзилда бўлади.

Гастрошизис - қорин олд деворини туғма дефекти бўлиб, ушбу дефект орқали кўпинча ичак чиқиб қолади. Яъни шу соҳада қорин олд девори бўлмайди.
Сабаблари онанинг жуда ёшлиги, инфекциялар, чекиш, наркомания каби ташқи ва ички таъсирлар. Қорин олд девори ривожланаётган вақтда қандайдир таъсир бўлса, шу жой беркилмай қолади.
Одатда бундай ҳомила имкон қадар каттароқ муддатда, лекин муддатидан аввал, ҳомила ҳолатига қараб туғдирилади. Ва кўпинча туғруқ кесар орқали бўлади. Замонавий тиббий ёрдам берилса 90% ҳолатда болани соғлом ҳолатга келтириш мумкин. Бунда бошқа нуқсонлар йўқлиги, ҳомиланинг қай даражада етилганлиги аҳамиятли.

👉 @doctorYakubjonov_channel

Ўртоқлар, бу одамни ерга уриш ёки устидан кулиш эмас, лекин наҳотки 24 ни иккига ёки учга бўла олмайдиган одамлар ота ва она бўлаётган бўлса?!...

Дюфастонни икки маҳал ич деган эди, ораси қанча бўлиши керак, уч маҳалга буюрган эди, ораси қанча бўлиши керак, сиз ораси бир ҳилда бўлиши керак, деган экансиз, деган саволларга қараб айтяпман буни.

👉 @doctorYakubjonov_channel

Эринмасам эртага батафсилроқ маълумот бераман.

Бу аввалдан маълум вирус. Одамлар йиғиладиган жойлардан узоқроқ юравериш керак.

Ушбу вирус билан касалланиш ҳолати Қозоғистон ва Россияда ҳам қайд этилган.

👉 @doctorYakubjonov_channel

Хитойда инсон метапневмовируси (HMPV) эпидемияси кузатилмоқда — Хитой Касалликларни назорат қилиш ва олдини олиш бошқармаси

Қайд этилишича, 23-29 декабр кунлари бутун мамлакат бўйлаб шифохоналардаги беморлардан олинган нафас олиш йўллари намуналари таҳлили натижаларига кўра шундай хулосага келинган. Қайд этилишича, Хитойда ўткир респиратор инфекциялар, жумладан грипп, одам метапневмовируси ва риновирус фаол тарқалмоқда.

14 ёшгача бўлган болалар орасида метапневмовирус билан касалланиш кўпаймоқда. Маълумотларга кўра, Хитойнинг шимолий ҳудудларида касалланиш кўрсаткичлари сезиларли даражада юқори.

Шифокорларнинг таъкидлашича, метапневмовирус инфекцияси, юқори ва пастки нафас йўлларининг шикастланиши билан бирга кечади. Одатда бурун оқиши, йўтал ва иситма белгилари билан ўткир респираторли инфекция шаклида пайдо бўлади. Метапневмовирус болаларда ва иммунитети заифлашган инсонларда бронхитни келтириб чиқаради.

Маълумот учун, метапневмовирус (hMPV) янги турдаги вирус эмас, бироқ Хитойнинг шимолида 14 ёшгача бўлган болалар орасида касалланиш ҳолатлари кўпайгани сабабли эътибор қозонди.

Метапневмовирус биринчи марта 2001 йилда аниқланган бўлиб, ҳаво-томчи ёки ифлосланган юзалар билан алоқа орқали тарқалади. Ушбу вирус билан касалланиш ҳолатлари Хитойдан бошқа мамлакатларда ҳам қайд этилган.

Манбаа @burchakostida

👉 @doctorYakubjonov_channel