Dilshodbek Normamatov

Oʻzim boshqaryotgan loyihalardan biri.
Qoʻshilib qoʻysayizlar hursand boʻlardim...

Qoʻzichoqlar sukunati

Taniqli yozuvchi Tomas Harrisning Hannibal Lecter haqidagi seriyasi bu kitob bilan boshlanadi. Ko‘pchilik Qoʻzichoqlar sukunati (1991) filmi orqali Hannibalni taniydi, ammo Hannibal Lecter dastlab Red Dragon romanida paydo bo‘lgan, garchi bu yerda u asosiy qahramon bo‘lmasa ham. Michael Mannning Manhunter (1986) filmida ham ushbu kitob asos qilib olingan. Bu roman nafaqat Hannibal haqida, balki o‘z ichida kuchli syujet va qahramonlar konfliktini o‘zida mujassam etgan asar hisoblanadi.

Kitobda FBI maxsus agenti Uill Grem tanishtiriladi. Uill Floridadagi Sugar Loaf Keyda yangi rafiqasi Molly va o‘gay o‘g‘li Vill bilan tinch hayot kechirishardi. U pensiyaga chiqqan, chunki u Hannibal Lecterni hibsga olish chog‘ida deyarli halok bo‘lgan. Bundan tashqari, u jinoyatchilarni tushunish qobiliyatiga ega bo‘lib, bu qobiliyat uni ruhiy iztirobga solgan. Biroq uning tinch hayoti eski rahbari Jek Kroufordning iltimosi bilan buziladi. Jek Uilldan "Tish farishtasi" (Tooth Fairy) nomli seriyali qotilni ushlashda yordam so‘raydi. Qotil o‘z qurbonlarini mayda bo‘laklarga bo‘lib, o‘ziga xos tish izlari qoldirib, jinoyatlarni amalga oshirgan.

Qotilni tushunish uchun Uill Hannibal Lecter bilan uchrashishga qaror qiladi. Bu uchrashuvda doktor Frederik Chilton Lecterning dahshatli xatti-harakatlarini eslab o‘tadi:

"1976-yilning 8-iyul kuni, doktor Lecter ko‘krak og‘rig‘idan shikoyat qildi. Tekshiruv xonasida uning bilaklari yechildi, chunki unga EKG qilish kerak edi. Nazoratchilardan biri chekishga chiqib ketdi, ikkinchisi esa boshqa tomonga qaradi. Biroq... Hamshira tez va kuchliligi tufayli, u ko‘zlaridan birini saqlab qoldi.

Mana bu EKG tasmasi. Mana, u tibbiy stol ustida yotgan. Uning pulsi 72. Mana shu yerda u hamshiraning boshidan tortib oldi. Mana, bu yerda u nazorat qilindi. Aytgancha, u qarshilik ko‘rsatmadi, garchi nazoratchi uning yelkasini chiqargan bo‘lsa ham. G‘alati narsani sezdingizmi? Uning pulsi hech qachon 85 dan oshmagan. Hatto hamshiraning tilini yulib olganida ham."


Hannibal Lecter bilan bu uchrashuv matbuotda tarqalib ketadi, va bu qotilning ham Lecter bilan bog‘lanishiga olib keladi. Hannibal esa Uill Grehemga hujum qilishni maslahat beradi. Shu tariqa, o‘zaro psixologik o‘yinlar va zo‘ravonlikka boy hikoya boshlanadi. Uill Grehem jinoyatchining psixologiyasini tushunib borar ekan, u qotilning, ya’ni Frensis Dolarxaydning hayotiy tarixini o‘rganadi. Dolarxaydning yomon xulqi uning yoshligida ko‘rgan azoblari, onasi tomonidan tashlab ketilishi va buvisi bilan yashagan dehqonchilikka borib taqaladi.

Bu roman faqatgina qiziqarli voqealar zanjiri emas, balki jinoyatchilikning kelib chiqish sabablari va insoniy ongning yovuzlikka moyilligini ham o‘rganish imkonini beradi. Hannibal Lecter qahramoni esa zamonaviy adabiyotning eng yirik obrazlaridan biriga aylangan. Harrisning hikoyasi bezovta qiladigan qoʻrqinchli boʻlsada, o‘ylashga majbur qiladigan ajoyib roman.

@dnormamatovv

Latvia State Stipendium (LatSS) – bu Latviyada bakalavr, magistratura yoki doktorantura darajasida o‘qish uchun xalqaro talabalarga taqdim etiladigan davlat granti. Bu stipendiya Latviyaning Ta'lim, fan va madaniyat vazirligi tomonidan moliyalashtiriladi va Latviyaning oliy o‘quv yurtlarida o‘qish imkoniyatini taqdim etadi. Quyida ushbu grant haqida asosiy ma'lumotlar keltirilgan:

Nimalar qoplanadi:

1. Oylik stipendiya:

Bakalavr va magistratura uchun: 500 yevro/oy.

Doktorantura uchun: 670 yevro/oy.



2. O‘qish to‘lovi qisman yoki to‘liq qoplanishi (bu universitet va dasturga bog‘liq).


3. Yashash, transport va boshqa xarajatlar talaba tomonidan qoplanishi lozim.


Talablar:

Nomzod Latviyaning tanlangan oliy o‘quv yurtlaridan biriga qabul qilingan bo‘lishi kerak.

Boshqa davlatlarning fuqarolari, shuningdek, Latviyada doimiy yashovchi shaxslar murojaat qilishi mumkin.

Nomzodning oldingi o‘qishlaridagi akademik natijalari yaxshi bo‘lishi kerak.


Ariza topshirish jarayoni:

1. Online ariza: Arizalar odatda mart-aprel oylarida qabul qilinadi.


2. Hujjatlar:

Rezyume (CV).

Akademik sertifikat va baholar.

Motivatsion xat.

Tavsiyanoma.

Tanlangan universitetdan qabul xati yoki tasdiq.




Muddati:

Stipendiya odatda 10 oy muddatga beriladi (bir o‘quv yili uchun).

Talabalar qayta ariza topshirib, stipendiyani uzaytirishlari mumkin.


Qo‘shimcha ma'lumotlar:

Grant dasturi har yili yangilanib boradi.

Batafsil ma'lumot olish uchun Latviya Davlat Ta'limni Taraqqiy Ettirish Agentligi (VIAA) saytiga murojaat qilish mumkin: www.viaa.gov.lv

Bu yerda yozilgan ma'lumotlar qanchalik toʻgʻri bilmayman, shaxsan o'zim research qila olmadim hali...
Xullas siz birinchi kursni tugatgan bo'lsayiz bo'ldi, siz topshira olasiz.

Agar kimdadir chetda o'qish va bu kabi grantlar uchun topshirish istagi bo'lsa, men bu uchun community va birga topshirib tayyorlanishga sherik yig'moqchiman...
Kommentariya ochiq, tanlov sizning qoʻlingizda...

@dnormamatovv

Qiyomatning 10 alomati bor:

1. Dajjolning kelishi
Dajjol insonlarni fitnaga soladigan, o'zini xudo deb e'lon qiladigan firibgar sifatida keladi.

2. Imom Mahdiyning kelishi
Islom ummatining birlashishi va adolatning tiklanishi uchun yuborilgan ulug' rahbar bo'ladi.

3. Hazrat Iso (a.s.) ning qaytishi
Hazrat Iso Dajjolni yo'q qilish va insoniyatga haqiqiy yo'lni ko'rsatish uchun qaytadi.

4. Yajuj va Majujning chiqishi
Bu ikki xalq katta vayronagarchilik va zulm keltiradi, so'ng ular Alloh tomonidan yo'q qilinadi.

5. Tobut al-ardning paydo bo'lishi
Yerning tubidan hayvon yoki maxluq chiqib, insonlarni imtihon qiladi.

6. Shamolning mo'minlarni olib ketishi
Mo'minlar hayotdan tinchlik bilan ketadi, yerda faqat yomon odamlar qoladi.

7. Quyoshning g'arbdan chiqishi
Bu hodisa tavbaning qabul qilinishi tugaganini anglatadi.

8. Zulmat kunlari
Uch kun davomida quyosh chiqmaydi, butun yer qorong'ilikka cho'madi.

9. Yong'inning paydo bo'lishi
Yaman tomondan chiqqan katta olov insonlarni qiyomat joyiga haydab boradi.

10. Qiyomatning boshlanishi
Isrofil alayhissalom surni chaladi, buning natijasida butun koinot vayron bo'ladi va qiyomat yuz beradi.


Bular haqida birma bir post qilsam, oʻqiysizlarmi, sizlar uchun manfaatli boʻladimi?

Reaksiya qoldirilar...

@dnormamatovv

Dajjol haqida..

Dajjolning oxir zamonda chiqishi Rasululloh sollallohu alayhi va sallamdan rivoyat qilingan sahih hadislarda aniq ravshan bayon etilgan.

Birinchi hadis. Huzayfa roziyallohu anhudan rivoyat qilinadi: Rasululloh sollallohu alayhi va sallam aytdilar: "Dajjolning chap ko’zi g’ilay, sochi qalin. Uning jannati va do’zaxi bor. Aslida, do’zaxi jannat, jannati esa do’zaxdir".

Yana Huzayfadan rivoyat qilinadi: Rasululloh sollallohu alayhi va sallam shunday dedilar: "Men Dajjolda bo’ladigan narsalarni uning o’zidan ham yaxshiroq bilaman. Uning oqib turuvchi ikki anhori bo’lib, biri ko’zga oppoq suv bo’lib ko’rinsa, ikkinchisi alangalanib turgan olov bo’lib. Agar biron kishi unga duch kelsa, olov bo’lib ko’rinayotgan anhorga kelsin. Ko’zini yumib, boshini egsin va undan ichsin. Haqiqatda u sovuq suv bo’ladi. Dajjolning ko’zi o’chib ketgan bo’lib, ustida ortiqcha eti bor. Ikki ko’zi o’rtasiga "kofir" deb yozilgan. O’qishni bilgan-bilmagan har bir mo’min uni o’qiy oladi".

Ikkinchi hadis. Abdulloh ibn Umar roziyallohu anhumodan rivoyat qilinadi: Rasululloh sollallohu alayhi va sallam bir kuni odamlar orasida Masihi Dajjolni zikr qilib shunday dedilar: "Alloh g’ilay emas. Bilib qo’yinglar, Masihi Dajjolning o’ng ko’zi g’ilay bo’lib, bo’rtib chiqqan uzumga o’xshaydi".

Rasululloh sollallohu alayhi va sallam yana aytdilar: "Kechasi tushimda Ka’baning yonida turgan emishman. Shu vaqt bug’doy rang bir kishini ko’rdim. U siz ko’rgan bug’doy rang kishilarning eng chiroylisi edi. Sochi ikki yelkasiga tushgan, taralgan. (Boshidan suv tomib turardi.) Qo’llarini ikki kishining yelkasiga qo’yib, Baytullohni tavof qilar edi. Men: "Bu kishi kim?" deb so’radim. "Masih Iso ibn Maryam", deb javob berishdi. Yana bir kishini ko’rdim. Sochi qisqa va jingalak. O’ng ko’zi g’ilay. Men ko’rgan odamlar ichida Ibn Qatanga juda o’xshab ketadi. Qo’llarini ikki kishining yelkasiga qo’yib, Baytullohni tavof qilardi. "Bu kim?" deb so’radim. "Masihi Dajjol", deb javob berishdi.

Uchinchi hadis. Ibn Abbos roziyallohu anhumodan rivoyat qilinadi: Rasululloh sollallohu alayhi va sallam aytdilar: "Dajjol — g’ilay, sochi jingalak, rangi oppoq, boshi go’yoki daraxt shoxlariga o’xshaydi. U Abdul Uzzo ibn Qatan al-Хuzoiyga juda o’xshab ketadi. Haqiqatda halok bo’luvchilar (o’sha vaqtda) halok bo’ladi. U g’ilaydir. Alloh g’ilay emas".

Тo’rtinchi hadis. Abu Hurayra shunday rivoyat qiladi: "Rasululloh sollallohu alayhi va sallam dedilar: "Ammo zalolatdagi Masihga (Dajjolga) kelsak, uning ko’zi g’ilay, peshonasi keng, burun teshigi katta, Abdul Uzzoga o’xshab qomati ozgina egilgan". "Ey Rasululloh sollallohu alayhi va sallam! Uning menga o’xshashi menga zarar qiladimi?" deb so’radi shunda Ibn Qatan: "Yo’q. Sen musulmonsan. U kofir", deb javob berdilar Payg’ambar sollallohu alayhi va sallam".

Beshinchi hadis. Abu Ka’b aytadi: "Nabiy sollallohu alayhi va sallam huzurlarida Dajjol tilga olindi (yoki Nabiy sollallohu alayhi va sallam Dajjolni esga oldilar), so’ng u zot dedilar: "Ko’zlarining biri yashil shishaga o’xshaydi Allohdan qabr azobidan panoh berishini so’raymiz".

Oltinchi hadis. Abu Bakr Siddiq roziyallohu anhudan rivoyat qilinadi: Rasululloh sollallohu alayhi va sallam aytdilar: "Dajjol mashriqdan, Хuroson degan yerdan chiqadi. Yuzlari teri qoplangan sovutga o’xshaydigan guruhlar unga ergashadi".

Yettinchi hadis. Said ibn Jumhon Safniyadan rivoyat qiladi: "Rasululloh sollallohu alayhi va sallam bizga xutba o’qib, shunday dedilar: Har bir nabiy ummatini Dajjoldan ogohlantargan. Ogoh bo’linglar, uning chap ko’zi g’ilay. O’ng ko’zining ustida ortiqcha eti bor. Ikki ko’zining o’rtasida "kofir" deb yozilgan. U bilan ikki vodiy chiqadi. Biri jannat, boshqasi do’zax. Aslida, uning do’zaxi jannat, jannati do’zax bo’ladi. Dajjol odamlarga: "Men sizlarning rabbingiz emasmanmi? Тiriltiraman va o’ldiraman", deydi. U bilan ikki farishta bo’lib, ular ikkita payg’ambarga o’xshaydilar. Men u payg’ambarlarning ismini, otalarining ismini ham bilaman. Хohlasam, ularning ismini aytishim mumkin. Biri Dajjolning o’ng tomonida, boshqasi chap tomonida bo’ladi

@dnormamatovv

Dajjol haqida...

Dajjol islomiy eskatologiyada qiyomatdan oldin paydo bo‘ladigan eng katta fitna va sinovlardan biri sifatida tasvirlanadi. Uning chiqishi musulmonlar uchun katta sinov bo‘lib, ko‘plab sahih hadislar orqali uning xususiyatlari va qiladigan ishlari haqida ma'lumot berilgan.

Dajjolning koʻrinishi va xususiyatlari:

Ko‘zlari: Rasululloh sollallohu alayhi va sallam Dajjolning ko‘zlari haqida shunday deganlar: "Alloh g‘ilay emas. Bilib qo‘yinglar, Masihi Dajjolning o‘ng ko‘zi g‘ilay bo‘lib, bo‘rtib chiqqan uzumga o‘xshaydi."

Sochlari: Dajjolning sochlari haqida shunday rivoyat qilingan: "Dajjol — g‘ilay, sochi jingalak, rangi oppoq, boshi go‘yo daraxt shoxlariga o‘xshaydi."

Peshonasidagi yozuv: Rasululloh sollallohu alayhi va sallam aytdilar: "Dajjolning ko‘zi o‘chib ketgan bo‘lib, ustida ortiqcha eti bor. Ikki ko‘zi o‘rtasiga 'kofir' deb yozilgan. O‘qishni bilgan-bilmagan har bir mo‘min uni o‘qiy oladi."


Dajjolning Fitnalari:

Mo‘jizalari: Dajjol odamlarni aldash uchun turli mo‘jizalar ko‘rsatadi. Rasululloh sollallohu alayhi va sallam shunday deganlar: "Dajjolning chap ko‘zi g‘ilay, sochi qalin. Uning jannati va do‘zaxi bor. Aslida, do‘zaxi jannat, jannati esa do‘zaxdir."

Sinovlari: Dajjol chiqishidan oldin uch yil qahatchilik bo‘ladi. Odamlar ocharchilikka yo‘liqadilar. Birinchi yil Alloh taolo osmonga yomg‘irning uchdan birini, yerga ham o‘simligining uchdan birini ushlab qolishni buyuradi. Ikkinchi yili Alloh osmonga yomg‘irning uchdan ikkisini, yerga ham o‘simligining uchdan ikkisini ushlab qolishni buyuradi. Uchinchi yili kelganda Alloh osmonga hamma yomg‘irni ushlab qolishni amr etadi. Biror tomchi yomg‘ir tushmaydi. Yerga ham hamma o‘simligini ushlab qolishni buyuradi. Birorta ko‘kat unib chiqmaydi. Birorta uy hayvoni ham, yovvoyi hayvon ham qolmaydi, barchasi halok bo‘ladi, faqatgina Alloh xohlagani bundan mustasno."


Dajjolning Chiqishi va Vafoti:

Chiqish joyi: Rasululloh sollallohu alayhi va sallam aytdilar: "Dajjol mashriqdan, Xuroson degan yerdan chiqadi. Yuzlari teri qoplangan sovutga o‘xshaydigan guruhlar unga ergashadi."

Vafoti: Dajjolning fitnasi Iso alayhissalomning qaytishidan oldin sodir bo‘ladi. Hadisga ko‘ra, Iso alayhissalom kelib, Dajjolni o‘ldiradi va adolatni tiklaydi.


Musulmonlarga Nasihat:

Dajjolning fitnalaridan saqlanish uchun musulmonlarga Qur'onning "Kahf" surasini o‘qish tavsiya etiladi. Rasululloh sollallohu alayhi va sallam aytdilar: "Kim Dajjolning chiqishi haqida eshitsa, undan yiroq tursin. Allohga qasamki, odam kishi o‘zini mo‘min deb o‘ylaydi, lekin unga ergashib ketadi. Chunki u juda kuchli fitnalar bilan keladi."

Koʻproq maʼlumot uchun Imom Gʻazzoliyning " Qiyomat va Oxirat " kitobiga qarang...

18.01.2024
@dnormamatovv

#thoughts

Menda shunday tajribalar borki, ularni boshdan kechirmagan, lekin baribir ular haqida nazariy tasavvurga egaman.

Ammo ba’zan, bu tajribalarni real hayotda boshdan kechirsam, reallik va kutilganlarim orasidagi tafovut shu qadar ulkan bo‘lib chiqadiki, Grand Kanyon ham oddiy ko‘rinib qoladi :))

Siz nima uchun shunday bo‘lishini taxmin qilgandirsiz. Men mukammallikka intiluvchi odamdek, “qanday bo‘lishi kerak” haqida juda katta tarozida orzular qilaman.

Ammo voqelik yuqori kutilmalarimga mos kelmasa, birdan u menga mutlaq umidsizlik bo‘lib tuyuladi.

Lekin bir lahza to‘xtab, o‘ylab ko‘rganimda, bu umidsizlikning manbasi aslida mening mukammallikka intilishimda yoki voqealarning o‘zida ekanligini tushuna olishim mumkin.

Bu hodisa o‘z vazifasini bajarmayaptimi yoki bu mening reallik xayollarimga mos kelishi kerak degan qat’iy ishonchimmi?

Ko‘pincha men kutilmalarimni nafaqat umid, balki va’da sifatida qabul qilaman.

Men shunchaki yaxshi natija haqida tasavvur qilmayman; ichimda tinchgina bu bizga majburiy berilishi kerak, degan ishonch bilan qolib ketaman.

Va bu ishonch oqlanmasa, reallik mening nazarimda aybdorga aylanadi.

Ammo balki ichki tasavvurlarim tashqi voqelikka aynan mos kelishi kerak degan g‘oya o‘z-o‘zidan noto‘g‘ri ekanligini anglashim kerakdir.

Shu nuqtai nazardan qaraganda, umidsizlik shunchaki bir tuyg‘u emas; bu men xususiy tasavvurlarimni real hayotda aynan namoyon bo‘lishiga juda qattiq yopishib olganimni bildirishga chaqiruvchi signaldir.

Bu esa insoniyatning yana bir chuqurroq tendensiyasini aks ettirar ekan: men hayot tajribalarining ajralmas darajadagi kutilmaganligini qabul qilishni rad etishim.

Agar men “nima istayman” va “nima bo‘ladi” orasidagi mutlaq moslikka bo‘lgan ehtiyojni anglay olsam, hayotning eng katta qiymatini aynan o‘sha kutilmagan burilishlarda ekanligini kashf qilishim mumkin.

17.01.2024
@dnormamatovv

Bilishingizni xohlardim...

Agar meni blogim(larim)ga qarab baholayotgan bo‘lsangiz, demak, siz meni bilmayapsiz. To‘g‘ridan-to‘g‘ri aytganda, men (va ko‘pchilik boshqalar) internetda yozgan narsalar Halo effektini yaratadi.

Halo effekti — bu kognitiv xato bo‘lib, unda kimdir haqidagi umumiy tasavvurimiz ularning fe’l-atvori yoki harakteriga bo‘lgan munosabatimizga ta’sir qiladi.

Men har doim o‘z aytganlarimga muvofiq harakat qilmayman, chunki biz insonmiz va ongimizdagi uzluksiz chalg‘itishlar va o‘zgaruvchan fikrlar sabab ba’zan yo‘limizdan chetga chiqish tabiiy va osondir.

Bugungi kunda bloglar egalari haqida faqat sun’iy mukammal qiyofani ko‘rsatmoqda, va bu haqiqadan. Kim o‘zining nomukammal tomonlarini ijtimoiy tarmoqlardagi olomon oldida ko‘rsatib, raqamli toshga yozib qo‘yishni istaydi? Ha balki ulardan biri shubhasiz mendirman.

Siz doimiy status o‘yinlari tufayli internetdagi obro‘yingizni o‘ylashingiz mumkin, lekin men bunday qilmayman. Hatto ahmoqdek tuyulishga ham qiziqmayman, rosti men uchun haqiqiy ahmoq bo‘lish ahmoqdek ko‘rinishdan ancha qo‘rqinchliroq. Agar biror narsa joylasam, aslida sizdan biron bir munosabat kutaman, chunki g‘oyalarimni kengroq doirada tekshirib ko‘rishni istayman.

Bu shuni anglatadiki, bu yerda yozilgan har qanday g‘oyalarni ham "achchigʻi" bilan qabul qilishingiz kerak (ya’ni ehtiyotkorlik bilan). Haqiqatda, 20 yoshli yigitning blogidan ko‘p yoki biror narsani o‘rganishingiz shart emas, chunki u qirqqacha yoki o‘lgunga qadar million marta fikrini o‘zgartiradi, bilmayman.

Ushbu kanalda hali o‘zim boshdan o‘tkazmagan narsalarni ham siz bilan bo‘lishganman. Endi bu turdagi safsatalarni bo‘lismaslikka harakat qilaman. Tajriba qilinmaguncha ma’lumot bilim emas. Blogimni nazariy ma’lumotlarning "Google amakisi" emas, balki tajribaga asoslangan bo‘lishini xohlayman.

Bu yerda ko‘p post yubormayapman, chunki bugunoq o‘rganib olgan narsani e’lon qilishning hech qanday foydasini ko‘rmayapman yoki yetarli tajriba orttirayotganim ham yo‘q, shunaqa boʻlsinki, men uni bo‘lishishga haqli bo‘lay. Va o'ylaymanki, bu esa o‘zgarish uchun yaxshi yo'l va rejadir.


© @dnormamatovv