Osonmas erkakka-2

Osonmas erkakka qiyin aslida,
Dardini hech kimga ayta olmaydi.
Ichida dunyolar qulasa hamki,
"Yaxshiman" deyishdan aslo tolmaydi.

Osonmas erkakka qiyin aslida,
Mehnatdan toliqqan terlari daryo.
Chharchoqdan koʻzlari, nigohi maʼyus,
Qoʻllari qadoqdan gul ochgan goʻyo.

Osonmas erkakka qiyin aslida,
Oilam deb yashaydi tikib jonini.
Ehtimol ayollar yigʻlolar toʻyib,
Erkaklar xoʻrsinib yutar borini.

Osonmas erkakka qiyin aslida,
Roʻzgʻor tashvishida yashaydi kuyib.
Musofir yurtlarda necha nechasi,
Sogʻinchdan yashaydi hijronni tuyib.

Osonmas erkakka qiyin aslida,
Qiynaldim demaydi saqlaydi sabr.
Qishni qish demasdan, quyoshni issiq,
Yashaydi shukur la cheksada jabr.

Osonmas erkakka qiyin aslida,
Kuladi gʻamini aytsa odamlar.
Uzoq bir nuqtaga tikilib qolib,
Soʻng yana tashlaydi shaxdam qadamlar.

Osonmas erkakka qiyin aslida,
Kulsa kulgusida azoblari bor.
Sezdirmay, berkitar ogʻriqlarini,
Ojizlik qilishni biladida or.

Osonmas erkakka qiyin aslida...


@dil_ijodkori