Дайди ўқ

Шариатни унутинг, фарзандингиз келажаги учун борингизни тикинг!

Ёдда тутинг ! ҳатто энг олий диний раҳнамолар, шайхлар, имом-у, куф-суфчи домлалар ҳам коронавирус вакцинаси билан эмланишган. Ковид пайтида пайғамбар бўлганида эди, у ҳам вакцина олган бўларди. Дунё ва инсониятнинг ривожи илм-фанга боғлиқ, бошқа бари сафсата!

Буддага ёки сигирга сиғинаётганлар устидан куламиз, улар бажараётган амалларни масхара қиламиз. Аслида бизнинг ҳам улардан ҳеч қандай фарқимиз йўқ! 15 асрдан буён, арабларга, йиққан-терганимизни бериб, уларни “ердаги жаннат”да яшашини таъминлаб, ўзимиз “хаёлий жаннат”га киришни орзу қиламиз. Буддист ва сигиристлардан фарқимиз, улар ҳайкал ва жониворга сиғинса, биз қоратошга сиғинамиз. На Будда, на сигир, на қоратош, бизни ковиддан қутқара олмагани ҳақида уйлаб ҳам ўтирмаймиз. Миямиз, уйлаб топилган худолар билан заҳарланган.

Худодан нажот кутамиз ва қумурсқадек ўлиб кетаверамиз.

Илм-фан интеллектуал ва ахлоқий даражани оширади; илм-фан буюк ғояларнинг тарқалиши ва ғалабасига ёрдам беради. Илм-фан - бу фикрлаш ва яшаш тарзи.

Қолган бари бекор…

Ушбу фильмни томоша қилинг ва тафаккур қилинг

https://t.me/daydi2021

Аёл, эри билан Умра зиёратига бориб, Араблардан бирини севиб қолган ва унга турмушга чиққан

Тошкентнинг Сергели туманида яшовчи Абдуқодир ва Мухтабар 2006 йилда турмуш қуришган. Ўрталарида 3 нафар фарзандлари бор. Абдуқодир, автошиналар олди-сотдиси билан шуғулланади. Хотини уй бекаси бўлган. Абдуқодир хотинини араб тили курсида ўқишига имкон яратган. Кун сайин Мухтабарнинг ўз миллатига, хусусан эрига нисбатан нафрати ошиб борган. Тезроқ бу ерлардан кетиб, арабистонга бориш учун эрини умра сафарига ундайверган.

Жуфтлик, шу йилнинг Апрел ойида умра сафарига бориб, каъбани зиёрат қилиб келиш мақсадида, Тошкент-Жидда йўналишидаги чартер рейсига чиқишади.

Саудия арабистонига боришгач, Мадина шаҳридаги меҳмонхоналардан бирида қўним топишади. Таомилга кўра эркаклар алоҳида, аёллар алоҳида зиёратлари ташкил этилади.

Сафар кунларининг бирида меҳмонхонада ёлғиз қолган Мухтабарни, Меҳмонхона хизматчиси, бир араб эркаги йўқлаётгани айтиб, фойега тушишини сўрайди.

Мухтабар, араб эркаги билан учрашувга чиқади. Ҳаммаси шундан кейин бошланади. Маҳмуд-Ал-Бақий исмли араб, шу меҳмонхона эгасининг жияни бўлиб, Мухтабарни келган кунидан буён кузатишини, аёл унга ёқиб қолгани айтиб, мулозамат кўрсатади.

Арабларни севиш иймонданлигига ишонган Тошкентлик уй бекаси, арабнинг мулозаматини самимий қабул қилади ва у билан бирга меҳмонхонадан қочиб кетади.

Ана сизга хотинни араблаштириш оқибати, Мана сизга эр билан ётганда, араб диний раҳнамосини хаёлида тасаввур қилиш орзуси.

https://t.me/daydi2021

Атрофингизга қаранг эй одамлар ! Сизнинг маҳаллангизда, сизнинг кўчангизда, сизнинг қишлоғингизда, хатто яқин қариндошларингиз ичида хам қийналганлар, касалликдан азоб чекаётганлар, шунчаки даволанишга пул топа олмагани учунгина ўлиб кетаётган қанчадан-қанча инсонлар бор ! Аммо сиз бугун гўрингиз нурга тўлиши учун масжид қуриб, унга пул йиғиб, хажга бориб юрибсиз ! Хатто ўзингиз танимаган уруш бошланмаса хатто қаерда эканлигини билмайдиган узоқ Фаластиндагилар учун қайғуриб “Мен Фаластинни қўллайман !” деб фаластинликларни қўллаётган бир пайтингизда ўз миллатдошингиз кўз олдингизга жон беряпди ! Нима фаластинликлар мусулмон-у ?! Миллатдошларингиз кофирми ?!

Сиз байроғини кўтариб югурмоқчи бўлаётган ўша Фаластинликлар ишончим комил-ки сизнинг давлатингиз хақида эшитишмаган хам ! Ва ўзингизни байроғингизга бугун кўз тикканлар қанча !

Сиз бугун жисмонан тайёргарлик кўриб, билаги кучга кириши керак бўлган ва харбий хизматга лаёқатли болаларингизни “Хужра” аталмиш жойга тиқиб, араб тилини ўргатаётган вақтингизда душман болалари автоматни йиғишни ўрганяпди ! Эрта бир кун ўша душман болалари катта бўлиб юртга хужум қилса нима бўлади ?! Сизнинг болаларингиз калима ўқиб уларни ортга қайтарадими ?!

Бу гапларимдан кейин мени динсизликка ва кофирликка айбламанг ! Алҳамдулиллаҳ диним ислом, эгам яратган Аллоҳ, пайғамбарим Муҳаммад саллаллоҳу алайху вассалам ва исмим Абдуллоҳ яъни яратган эгамнинг қулиман ! Аммо мен тўртта калимани ёдлаб кун кўриб юрган саводсиз “Художўйлар” га эргашиб кетадиган инсон эмасман ! Ва эрта бир куни худо кўрсатмасин ватанга душман бостириб келса хотинимни сўйдириб, қизимни зўрлатиб, қўлимдан калима қайтаришдан бошқа иш келмагани учун “Яратганнинг иродоси !” деб ўтирадиган қўрқоқ мусулмон бўлишни хам ҳоҳламайман !

Фарзандларингизга диний илм билан биргаликда дунёвий илмни хам ўргатинг, улар фақат араблар ва фаластинликларни севавермасдан ўз миллатдошларини хам севсин ! Ватанини иккинчи “Макка” деб билсин ва унинг ҳимояси учун жон беришга тайёр бўлсин ! Ана ундан кейингина сиз эмин-эркин дуо-йи жонингизни қилиб, “Хожи” номини кўтариб юришингиз ярашади !

Ислом динимиз муккаммал дин! Аммо одамлар камчиликдан ҳоли эмас! Хатойингизни англанг!

Мен ЎЗБЕКМАН !!! Ва ватанимни бошқа хар қаердан кўра кўпроқ севаман!

А. Омон

@daydi2021

Дин хақида гапириш сенга эмас !!!

Бу ёзганларимни ўқиган кўпчиликнинг миясидан шу маънодаги истеҳзомонанд фикр ўтиши аниқ ! Аммо бугун ёзмасам бўлмади ! Ахир бу хақида хам кимдир фикр билдириш керак-ку ! ...

Маҳалламизнинг энг обрўли оиласи саналган, қолаверса халқнинг тили билан айтилганда “Оғзида илми бор” икки мулла акалар ўзаро қуда-анда бўлишди. Икки оилада хам диний билимларга қаттиқ амал қилингани учун қишлоқдан хеч ким турмуш қурадиган оиланинг бахтига шубҳа қилмади. Аммо... Яқинда қишлоққа борганимда билдим-ки, турмуш қурган бу оиланинг келини икки бола билан уйига қайтибди. Сабаб эса келин куёвнинг уйидаги шароитга кўника олмаганида экан. Куёв томон қўшним бўлганлиги учун ҳол-аҳвол сўрагани ўтдим. Қўшни мулла ака менга шундай деб, кўзларига ёш айланди :

- Мен уни илми бор, яхши одам деб, икки бола етим қолмасин деб эшигига минг бор ялиниб бордим ! Хатто Рўза-и-Рамазон ойларида хам кўнгли юмшар деб бордим ! Аммо кўнмади ! Яраштирмади ! Алоҳида уй олиб берсанг яшайди деди ! Мен буни қандай қиламан ! Холангни аҳволини биласан-ку ! Битта ўғил бўлса, кейин бизга ким қарайди ?!

Суҳбатимизни эса ташқаридан тиззалаб ўтирган-ча оғзидаги сумкага дастурхонни тишлаб тўрт оёқлаб эмаклаб келаётган қўшни хола бузди. Унинг белида “грижа” си борлиги учун тик туриб юролмайди. Куёв эса оиласи бузулгач четга ишлашга кетган...

Тантиқ қизини қўйнига солиб, ногирон қайнонанинг хизматини қилдириб қўймаган “Оғзида илми бор” ака эса 5 йилдан бери “Катта Хаж” га навбат кутади. “Умра” хаж эмас эмиш .... Яқинда яна эшитиб қолдим. Ўша куёв чет элдан келгач, онасини аҳволига чидай олмай қайнотаси атайин “кестиришга” қаршилик қилаётган никоҳига қарамасдан шароити оғирроқ бир оиланинг қизига уйланибди. Буни эшитган собиқ қайнота энди куёв билан унга ижоб ўқиган отасини қаматиш пайида судма-суд қатнаб юрибди ?! Сизнингча бу “Аҳли илмликми ?!”

Яна бир танишим бор. Қўлим қисқа келиб банкдан озроқ кредит олиб мусофир жойга уй кўтармоқчи бўлганимда мени “Харомхўр” га чиқариб, кўпни олдига изза қилганди. У бу гапини бир эмас, бир неча бор катта давраларга айтди. Нима мен кредитни хавасга оламанми ?! Тўғриси, шундай гаплари сабабли у билан бирга юришга юрак безиллаб қолганди. Аммо яқинда у билан бир жойга сафарга чиқишга тўғри келди. Йўлда кетар эканмиз, хар мачитни кўрганда машинани тўхтатиб сумка кўтариб у ерга кириб кетади. Сабабини сўрасам “ Масжидларга Қуръон китобини қўйиб чиқяпман. Ўлганимдан кейин мана шу китобни ўқиганларнинг савоби менга хам тегиб туради !” деб жавоб қайтарди. Энг қизиғи айнан мана шу танишим боласининг китоб ижарасига арзимаган пул сўраган ўқитувчи билан сўкишиб-урушганидан сўнг ўша китобни олиб бермаганди ! Айтингчи Қуръон китобидан бораётган савоблар сабаб қабр ичида гулларга бурканиб ётишни тасаввур қилаётган бу кимсанинг боласи ташқарида илмсизликдан мардикор бўлиб, бутун умр қаро терга ботиб юриши адолатданми ?! ...

Бой акалар масжид қуришга миллиардларни аяшмайди. Хатто якка ўзлари алоҳида-алоҳида қуришади. Аммо мактаб ёки шифохона учун улардан пул сўралса “Битта шуни қурмаса давлат нима қилиб юрибди?! Бу давлатнинг иши дейди ! ” Сабаби яна ўша ! Масжидларга ўқилган намознинг савоби гўрларини гуллатиши учун !

Яқинда бир 5 ёшли гўдак жигар касалигидан вафот этди. Бошланишида чет элда операция қилиш учун пул топа олмаган ота-она, касалликни ўтказиб юборишгач бор будини, хатто уйини сотиб дори-дармон қилиб югуришган бўлса хам имкон қила олишмади ! У ўлди !