#tips
Maktab formasini qaysi matolardan tikkan maʼqul?Bolalar terisi taʼsirchan boʻlishini hisobga olib, ularning kiyimlarini imkon qadar
qichishtirmaydigan, yumshoq, havo oʻtkazadigan, allergiya qoʻzitmaydigan,
antistatik matolardan tikish zarur.
Ayniqsa oʻsmirlarning kiyimlari namlikni shimib, yaxshi havo oʻtkazadigan boʻlishi kerak, chunki ularda gormonal oʻzgarishlar tufayli ortiqcha terlash, kuragida husnbuzarlar toshishi koʻp uchraydi. Shunda havo oʻtkazmay, battar terlatib, bakteriyalarni bijgʻitadigan matolardan uzoqroq boʻlgani maʼqul.
Shu bilan birga forma
kir va dogʻlar oson ketadigan, tez gʻijim boʻlmaydigan, chidamli matodan boʻlishi onalar uchun qulay. Demak, mato nomlari:
- GABARDIN. Universal kostyumka matolardan biri. Havo oʻtkazuvchan. Gʻijim boʻlmaydi, shaklini yoʻqotmaydi. Kir, dogʻlar oson yuviladi.
- TVIL (tvid emas). Paxtali yoki ipak tolalardan toʻqilgan mato. Zich toʻqiladi, lekin havo oʻtkazuvchan.
- BARBI. Zich toʻqilgan kostyumka matolardan. Yumshoq, teriga yoqimli. Suv oʻtkazmaydi.
- PIKACHU. Sintetik trikotaj mato. Choʻziluvchan. Oson yuviladi.
- VISKOZA. "Oʻlmaydigan" aralash mato. Tarkibiga koʻra turlari koʻp, imkon qadar poliesteri kamroq, yumshoqroq turini tanlash kerak.
- KASHEMIR. Bu matodan premium yoki lyuks klass forma tikiladi😃 Ancha qimmat mato, alohida parvarish talab qiladi.
Yuqoridagilarning barchasi kostyumka matolar guruhiga kiradi, chunki ulardan odatda kostyum-shimlar, yubka, pidjaklar tikiladi. Hammasi tarkibiga qarab muayyan darajada havo oʻtkazuvchan boʻladi. Mutlaq tabiiy matolar maktab formasi uchun uncha mos emas, chunki ular tez gʻijim boʻladi, choʻzilmaydi, qiyinroq dogʻlar ketmaydi, tez eskirib, shaklini yoʻqotadi. Shuning uchun aralash tarkibli mato tanlash kerak.
©️kamzul_uz
🚀
@textile_course
