Kopirayting

Luish Figu bo'lmang

1995-yilda Figu bir vaqtning o'zida Parma va Yuventus bilan shartnoma imzolaydi. 2000-yilda esa matbuot anjumanida "Men Barcelonada qolaman" deydi va 1 haftaga bormasdan Real Madrid bilan shartnoma imzolaganini ma'lum qiladi

Ayrim hollarda biz ham shu kabi vaziyatga to'qnash kelamiz. Masalan menda

Bir kompaniyadan seshanba kuni javob olishim kerak edi. Buni boshqa kompaniyalarga ham aytganman: Seshanba kuni ularning javobiga qarab, bir narsa deya olaman, qabilida.

Ammo kompaniya juma kuni aniq javob berishini aytdi.

Ikkinchi tarafda boshqa kompaniyalar "Seshanba kuni, degan eding" deb mendan javob kutishmoqda

Endi nima qilish kerak?
Ayni shu paytda soft skillar yordam beradi. Sixni ham, kabobni ham kuydirmasdan vaziyatni o'nglash kerak.

Bu vaziyatda siz nima qilgan bo'lar edingiz?

*o'zimni javobimni keyingi postda qoldiraman

Va nihoyat)

Va nihoyat bizda ham original push-xabarlar paydo boʻla boshladi. Bosish kerak))

Agar siz Middle+ bo'lsangiz, hayotingizning eng qiyin davriga yaqin qoldi

Kopirayterni 2 ta taqdir kutadi (odatda):
• Bosh muharrir
• Kreativ direktor

Siz esa 2 yo'ldan birini ayni Middle+ (yoki middle) da tanlaysiz va orqaga yo'l yo'q

O'tgan 3 yil davomidagi moliyaviy qiyinchiliklar davomida juda ko'p qo'shimcha loyihalarda ishlash imkoni paydo bo'lgan (bu storytelling emas, qiyinchilik bo'lishi tabiiy narsa).

Matn, g'oya bilan bog'liq hamma ishlarni qilib ko'rdim: tarjima, o'zbekchalashtirish, saytlar, tavsiflar, saytlar, lending peyjlar, senariylar, kreativ, SMM, slogan, neyming, TOV, UX matnlar, PR maqolalar... Bu ro'yxatni istagancha davom ettirish mumkin

Meni senior deb hisoblab boshlashganida ham men aniq yo'lni tanlamagan edim. Hozir ham frilansda UX, tahrir va Kreativda parallel ishlayman

Endi esa juda katta tanlov qarshisidaman, oxirgi nuqta qayer?

payme'dan ketgach, ozroq tanaffus oldim va hozir 6 ta ish taklifi bor: 2 ta Kreativ direktor, 2 ta muharrir
Qolgan 2 tasi esa Head of SMM

Qaysi yo'lni tanlashni hal qilib olarman, ammo boshlovchilarga aniq maslahatim: yo'lning boshida turib, oxirgi manzilni aniqlab oling. 70-80% yo'l bosib o'tilganda qiynalmaslik uchun

Agar maqsad ko'p pul topish bo'lsa, havotirlanmang. 2 ta yo'lning oxiri ham 3-5k

@copirayt

Statistikalardan lavha

*to'liq statistika ham tez orada taqdim etiladi

Siz uchun qaysi grafik bog'lanishlari qiziq: o'rtacha yosh, daromad, tajriba, daraja, kuzatiladigan bloglar?

@copirayt

Tajriba 1 yilga yaqin, daraja esa middle+

O'sha kungi so'rovnoma natijalarini tahlil qilish jarayonida bir javobga duch keldim:
• Kopirayting bo'yicha blog yuritaman
• darajam middle+
• faqat o'zbek tilida ishlayman
Shu joyigacha qilgan xulosam: ha, senior'ga 1 qadam qolibdi, blog ham yuritar ekan. Tanishib olsak bo'lar ekan

Ammo davomini o'qib hafsalam pir bo'ldi
• asosiy ishim boshqa, kopirayting qo'shimcha ish
• daromadim 250$ gacha
• tajribam 1 yilga yaqin

Aytmoqchi bo'lganim, "Darajam middle+" deyish ancha katta da'vo

Keling, endi darajalarni ko'rib o'tamiz

Junior
Tajriba: 6 oydan 1 yilgacha
Junior'lar odatda vazifalarni Team lead, Senior, Middle+ lar nazorati ostida oddiy bajaradi. Ularning ishi mahsulot tavsifi yoki ijtimoiy tarmoqlar uchun oddiy postlar kabi qisqa matnlar yozishdan iborat.

Junior+ kopirayter
Tajriba: 1 yilgacha
Bu bosqichdagi kopirayterlar asosiy bilimlarni puxta egallab, blog postlari yoki oddiy reklama matnlari kabi qiyinroq yo'nalishlarda ham ishlashni boshlaydi. SEOni bazaviy darajada bilishadi. Sifatliroq hamda maqsadli kontent yaratish uchun zarur tadqiqotlar o‘tkazishni o‘rganadi.

Middle
Tajriba: 3 yilgacha
Middle'lar maqsadli auditoriyani jalb qila oladigan va biznes maqsadlariga erishadigan kontent yoza olishadi. Ular loyihalarni mustaqil ravishda boshqara oladi va kontent strategiyalarini ishlab chiqadi. Ko‘pincha dizaynerlar, marketologlar va kompaniyaning boshqa bo‘limlari bilan yaqin hamkorlikda ishlaydi.

Middle+ kopirayter
Tajriba: 3-4 yil.
Bu bosqichda marketing kampaniyalarini strategik rejalashtirishda ishtirok etish boshlanadi. Ular junior'larga rahbarlik qilishlari va bir vaqtning o‘zida bir nechta loyihaga mas’ul bo‘lishlari mumkin. Kontent sifati va uning brendga muvofiqligi uchun yuqori darajadagi mas’uliyati bilan ajralib turadi.

Senior
Tajriba: 5+ yil.
Senior'lar kopirayting va marketing sohasida chuqur bilimga ega. Ular asosiy kreativ g‘oyalarni ishlab chiqishda qatnashishlari, kopirayterlik bo‘limiga rahbarlik qilishlari va yosh hamkasblarini o‘qitishlari mumkin. Murakkab matnlar yozish, kampaniyalarning asosiy xabarlarini ishlab chiqish va kommunikatsiyaning barcha darajalarida brend bilan nozik aloqani saqlashni o‘z ichiga oladi.

Team Lead / Lead kopirayter
Tajriba: 7+ yil.
Kopirayterlar jamoasi, tahririyat rahbarlari kreativ yo‘nalish va strategik rejalashtirish uchun to'liq javobgar bo'la oladi. Loyihalarda jamoalarni boshqaradi, kampaniyalar uchun asosiy xabarlar va strategiyalarni belgilaydi hamda barcha sifat va uslub andozalariga rioya qilinishini nazorat qiladi. Lead kopirayterlar, shuningdek, mijozlar bilan munosabatlar bilan shug‘ullanib, mijozlar oldida kreativ g‘oyalarni taqdim etadi va himoya qiladi.

Aytish kerak bo'lgan narsalar
1. Kopiraytingda 10 yilga yaqin tajribasi bo'lib, SMM postlar, Telegram bloglardan nariga o'tmagan kishi senior yoki middle+ bo'la olmaydi.

2. SMM agentlikda 10 yildan ortiq tajriba bo'lsa ham team lead'likka da'vo qilish qiyin. U Uzum yoki Yandex'ga kelgan taqdirda ham qiyinchiliksiz ishlab keta olishi kerak

3. Davlat yoki mintaqadagi eng kuchli brendlar, agentliklarda ishlash daraja bo'yicha tezroq ko'tarilishga olib keladi

Endi o'zingiz izohda yozib keting-chi, qaysi darajadasiz?

@copirayt

Fasten endi oʻziga kelyapti))

1-rasm oktyabr oyi oʻrtalarida olingan. Jumla juda gʻaliz boʻlgan: past taksi narxlari. Bizda hech kim “past x narxlari” demasa kerak. “Arzon x narxlari” yoki “arzon x” deymiz

2-rasm esa 20 daqiqacha avval olingan. “Arzon” soʻzi ishlatilgan va jumla yaxshi chiqqan.

Yana bir jihat: kassa cheki Baraka market'niki. Fasten arzon narzlarga urgʻu bergan va reklamani toʻgʻri joyda qoʻllagan.

Auditoriya va missiyasi yaqin brendlardan ajoyib master-klass

@copirayt

Dam olish tugadi

Salom Toshkent

SMM oʻqimoqchi boʻlganlarga tavsiya

Har qanday narsani oʻsha sohada haqiqatda ishlayotgan kishidan oʻrganing. Chunki hozir har hafta yangiliklar paydo boʻlyapti

Endi xolis tavsiya: SMM oʻqimoqchi boʻlganlar uchun haqiqatda tajribali, oxirgi 4 yilda 40+ loyihalarda ishlagan tanishim 1 oylik kurs qilayotgan ekan.

Kursda AI haqida ham darslar bor

15-yanvarda qabul yopiladi, ulgurib qolinglar

Murojaat uchun: @shahzodabnu_admin

*kurs faqat qizlar uchun

Shunaqa gaplar