Tekla Structures dasturi Amerikaning Trimble kompaniyasing mahsuloti bo'lib loyiha hujjatlaring asosini tashkil etuvchi- konstruksiya qismini bajarishga moslashgan. Metal, temir-beton, yog'och, shisha, plasmassa, polimer va karbon materiallari bilan ishlab, istalgan konstruksiyani o'ta aniqlik bilan bajarish imkonini beradi. Tekla BIM dasturlari oilasiga kiradi. Rasmiylashyirish uchun 40dan ortiq davlatlarni normalarini o'zida jamlagan, ya'ni avvaldan tayyorlab qo'yilgan. Biz ya'ni O'zbekiston uchun Rossiya uchun ishlab chiqilgan rasmiylashtirish namunasiga juz'iy o'zgarishlar kiritish kifoya. 
Revit dasturi bizda ancha oldin targ'iboti boshlangani uchun BIM deganda darhol hammani hayoliga faqat Revit keladi. Vaholanki Allplan, Tekla, Bentley kabi bir qancha BIM dasturlar butun dunyoda juda keng qo'llaniladi. Bular ichida Tekla metal konstruksiyalarda qolganlardan yaqqol ustunlik qiladi. Temir-beton uchun ham metaldan kam bo'lmagan imkoniyatlarni taqdim etadi. Yana bir asosiy jihati, interfeys juda sodda va qulay ekanligi. 
O'zim Revitni boshlab 2 yil atrofida yaxshi natijaga erishdim. Ammo barbir juda qiyin, va ma'lum bir natijaga erishish uchun qilinishi kerak ishlar ket-ma ketligi juda ham uzunligi sabab, barbir konstruksiya uchun boshqa dastur izlash kerak degan o'y qiynar edi. Teklaga o'tishdan jamoada avval faqat man Teklada ishlasamu qolganlar revitda ishlasa bo'larmikan degan savol juda qiynagan. Muammosiz! Yaxshi BIM kordinator nazoratida siz jamoada muammosiz ishlay olasiz. 
Ko'pchilikda paydo bo'lgan va endi paydo bo'ladigan asosiy savollar javobini topdi dep o'ylayman!