#imtixon
Bir kun ona o‘g‘lini bomdod namoziga uyg‘otibdi. O‘g‘il esa uyg‘onmabdi. Masjidda namoz tugagandan keyin yana uyg‘otibdi, o‘g‘li yana turmabdi. So‘ngra onasi uni o‘sha holida tashlab, maktab-darsi vaqtida ham uyg‘otmay, o‘z yumushiga jo‘nab ketibdi. O‘sha kuni o‘g‘lining juda muhim bir fanidan imtihoni bor ekan. Uyg‘onib soatni qarasa, imtihon soati o‘tib ketibdi. Shu vaqt onasiga qo‘ng‘iroq qilib: "Oyi, bugun soat to‘qqizda mening imtihonim bor edi-ku, nega meni uyg‘otmadingiz?" debdi. Onasi unga javoban: "O‘g‘lim, seni oxirat imtihonidan yiqilganingni ko‘rgach, dunyo imtihoni uchun bezovta qilishni istamadim", debdi.
© Abdulhodiy Yusuf
