Aloqa

Qoʻngʻiroq qilarding darslardan keyin
Holimni soʻrarding, sogʻmisiz, omon?
Gaplashgim kelsa ham men nima deyin
Ovozim bormaydi, aloqa yomon

Doimgidek suhbat, salom-u alik
Xabarlar yozsam ham ketmaydi biroq
Ammo yuragimni chulgʻaydi hadik
Baʼzida tanamni bosadi titroq

Shu zayl u bilan qilinmas suhbat
Tashlab ketmasin deya qoʻrqaman yana
Tasalli beraman, kuchli muhabbat
Hadiklar ustidan qilar tantana

Lek joning achiydi hadiging yutsa
U tashlab ketadi, ortiga boqmay
Menku mayli, qani, yurak unutsa
Indamay ketsaydi, yurakni yoqmay

Oradan vaqt oʻtib esga olaman
Afsuslar qilaman takror va takror
Men nega shunchalar baxtsiz bolaman?
U yoʻq, lek telimning antennasi bor!

(Yaqinda instagram sahifamda video qilib joylayman)
© Xoʻjamberdiyev Maʼmurjon