Aqida Hanum кундалиги

Яқиндагина инстаграмда бир видеога кўзим тушди. Униям шунақа жойини кесиб қўйишибди ўзиям. Бир қозоғистонлик аёл айтяпти: Қозоғистонга келадиган туристларни Ўзбекистон айнитяпти (Узбекистан портит туристов). Қошим чимирилиб “Чунмаааадим?!” 🤨 деб видеони давомини кўра бошладим. У аёл туризм соҳаси, бўлибам меҳмонхона йўналишида ишлар экан. Унинг айтишича, Ўзбекистонда ҳеч бўлмаса бир мартта бўлган сайёх, Қозоғистонга келиб ўша ерни сервисини талаб қила бошлайди, инжиқ бўлиб қолади сервисга дейди. Бу дегани туризм потенциали, меҳмонхона, меҳмон уйлари ва уларда кўрсатиладиган хизмат сифати. Ҳурсанд бўлдим эшитиб.

Бугун Hotel Business Forum-2025 доирасида 400 дан зиёд одам Қозоғистон🇰🇿, Тожикистон🇹🇯, Қирғизистон 🇰🇬, Туркия🇹🇷, Озарбайжон 🇦🇿, Италия 🇮🇹, Россия, Чехия🇨🇿, Германия🇩🇪, Швейцария🇨🇭 ҳамда ўзимиздан иштирок этди.

Туризм соҳаси манга ҳам бегона эмас. Анча йиллар олдин Wyndham да Guest relation бўлиб ишлаганман ва ўша ерда кўплаб яхши инсонлар билан танишганман ва бугун уларнинг аксарияти меҳмонхона бизнесида юқори лавозимларда ишлашади. Кўпчилиги чет элда.

Ҳуллас, келтирилган статистикага кўра МДҲ давлатлари орасида Ўзбекистон меҳмонхоналар брони бўйича 4 (!) ўринда экан. Бу зўр кўрсаткич!

Ўзи Ўзбекистонга қанча сайёх келди?

Ўтган 2024 йил давомида жами туризм ва бошқа мақсадларда
10,2 миллион нафар хорижий сайёҳлар ташриф буюриб, уларга кўрсатилган туризм хизматлари экспорти 3,5 миллиард долларни ташкил этган. Ушбу кўрсаткичлар ўтган йилнинг мос даврига нисбатан
1,5 баробарга ўсди.
Қўшни давлатлардан сайёҳлар сони 2023йилга нисбатан 1,6 баробар, қолган МДҲ мамлакатларидан 23,7 фоиз ошган бўлса, узоқ хориж давлатларидан 1,5 баробарга кўпайди.

“Ўзбекистон бўйлаб саёҳат қил!” дастури доирасида ҳудудлар бўйлаб аҳолининг 22,7миллион нафар ташрифлари амалга оширилди. Ижтимоий кўмак сифатида 18,1 минг нафарга яқин имконияти чекланган шахслар ва 6,3 миллион нафар ёшлар саёҳатлари ташкил этилди.

Ҳуллас! WELCOME TO UZBEKISTAN 🇺🇿

Kamola Rakhmonova билан 2020 йил февраль ойида илк бор аёллар тадбирида учрашганмиз. У пайтда Хотин-қизлар қўмитасида ишлардилар. Бироз кибрли деб ўйлаганман ўшанда. Лекин йиллар ўтди, янглишганимни ва яхшиям шундай инсон билан танишганимни англаб етдим.

Камола ҳозирда Рақамли технологиялар вазири маслаҳатчиси бўлиб, Халқаро майдонда Ўзбекистоннинг IT салоҳиятини тарғиботи ва ёшлар ҳамда хотин-қизларни IT соҳасига жалб қилиш уларнинг вазифаларига киради.

2022 йилдан IT да қизлар армияси кўпайишида Камоланинг ҳиссалари катта. Ман ҳам уларининг тадбирларда иштирок этиб тураман ва мани қувонтирадиган нарса ёш, ақлли, билимли ITчи қизлар Камолага ҳавас билан, шогирдларча меҳр билан талпинишлари. Камола ҳам ўз навбатида уларга очиқлар, қўллаб-қувватлаб улар учун қайғурадилар.
Четдан қараб туриб ичимда ўйлайман, агар ҳар бир аёл ўз ҳамжинсини қўллаб-қувватласа, тан олса, мизогинияни, кибрини, кўролмаслигини четга суриб қўйиб, қўлни-қўлга тутиб ҳаракатланса, эҳҳе, тоғни талқон қилиб ташласа бўларди, боғлар яратса бўларди.

Бир-биримизни тушуниш ва елкадош бўлиш— бизнинг кучимиз.

Ман эса дугонам, ҳамфикрим, ҳаммаслагим билан фахрланаман.

Улар билан қахвалашиб, миллат, аёл ва қизлар таълими, жамият, ғоялар ҳақида гаплашамиз. Ғийбат, интрига, молпарастлик мавзулар биздан нари. Шунинг учун ҳам яхши кўраман, шунинг учун ҳам ҳурмат қиламан. Илло Шавкат Раҳмондек инсоннинг фарзанди бошқача бўлиши ҳам мумкин эмас.

14 февраль- Заҳириддин Муҳаммад Бобур туғилган кун.

Кимки бўлғай сен киби оламда дилдори анинг,
Ҳар қаён азм айласа, бўлғай Худо ёри анинг.

Кўйидин мен азм этармен – қолғудектур хотирим,
Хотиримни сахласа, Тенгри нигаҳдори анинг.

Келдим эрса, келмади ҳаргиз анинг кўнглига раҳм,
Бордим, аммо бормади кўнглумдин озори анинг.

Ул қуёшдин не асиғ чекмак жафою жаврким,
Майли йўқтур зарраЭ меҳру вафо сори анинг.

Борғай эрдим бош ила кўйига, найлай, Бобуро,
Ҳар қачон борсам эшигига, келур ори анинг.

Табрикласангиз бўлади. Энди мандаям АТТО карта бор. Метро, автобус вип. Пробкаларда қолиб кетдим яндексда.
Шу постни ёзиб бўлгунимча станциямдан ўтиб кетибман. Биринчи кунга ёмонмас