BUXORO.UZ | Rasmiy kanal

#hokim_hududlarda

Buxoro viloyati sportning o‘yin turlari va yengil atletikaga ixtisoslashtirilgan sport maktabi chim ustida xokkey bazasida yengil atletikaga yugurish yo‘lagini barpo etish ishlariga kirishilgan. Hozirga qadar o‘yingohda zamonaviy plastik o‘rindiqlar, quyosh nuridan foydalaniladigan tungi yoritish chiroqlar o‘rnatilgan, tribuna va devorlar joriy ta’mirlangan.

Viloyat rahbari majmuada bo‘lib, aholi, ayniqsa, professional sportchilarni Xalqaro musobaqalarga tayyorlash uchun zamonaviy shart-sharoitlar yaratish loyihasi bilan tanishdi. Ma’lumot uchun: bugungi kunda qariyb 2 ming nafar buxorolik yengil atletika sport turi bilan shug‘ullanib keladi. Ularning 41 nafari milliy terma jamoa a’zosi hisoblanadi.

Botir Zaripov sportchilarga munosib sharoit hozirlash bo‘yicha o‘zining loyihaga qo‘shimcha taklif va tavsiyalarni berdi.

Buxoro.uz | Facebook | Instagram | YouTube

#hokim_hududlarda

Buxoro shahar politexnikumida “Pirson” Xalqaro ta’lim tashkiloti ta’lim dasturini joriy etish belgilangan. Buning uchun Xalqaro darajadagi shart-sharoitlarni hozirlash zarur. Botir Zaripov politexnikumda bo‘lib, ayni shu boradagi ishlarni amalga oshirish bilan bog‘liq masalalarni keng muhokama qildi. Shuningdek, viloyat rahbari texnikumdagi o‘quv, ta’lim-tarbiya jarayonlari bilan tanishdi. Vaziyatning qoniqarsizligi bois mutasaddilar faoliyatiga tanqidiy baho berdi. Xususan, davomatning pastligi, ta’lim-tarbiya ishlari yetarli darajada tashkil qilinmaganiga keskin e’tiroz bildirildi. Vaziyatni o‘nglash bo‘yicha tegishli choralar ko‘rish zarurligi ta’kidlandi. Muassasa rahbariyati faoliyatini qayta ko‘rib chiqish yuzasidan vazifalar belgilandi.

Shuningdek, viloyat rahbari 32-Mehribonlik uyi negizida qurilayotgan 480-o‘rinli ixtisoslashtirilgan maktabdagi ish jarayonlari bilan yaqindan tanishdi. Qurilishda sifat va muddatga alohida e’tibor qaratish lozimligini ta’kidladi.

O‘rganishlar davom etmoqda.

Buxoro.uz | Facebook | Instagram | YouTube

#hokim_hududlarda

Botir Zaripov Buxoro shahridagi 31-umumta’lim maktabida ham bo‘ldi. Muassasada ta’lim-tarbiya jarayonlarini tashkil etish borasida amalga oshirilayotgan ishlar bilan qiziqdi. Mahalla faollari bilan muloqot qildi.

Buxoro olimpiya va paralimpiya turlariga tayyorlash markazidagi qilichbozlik zalida hozirda 16 nafar tarbiyalanuvchilar shug‘ullanmoqda. Ularni xalqaro musobaqalar, xususan, Olimpiya va Paralimpiya o‘yinlariga tayyorlash uchun sport zalni zamon talablariga mos qayta qurishga zarurat tug‘ilmoqda. Viloyat rahbariga bu bo‘yicha ishlab chiqilgan loyiha taqdimot qilindi. Botir Zaripov loyihaga muvofiq ishlarni jadallashtirish yuzasidan vazifalarni belgilab berdi.

Buxoro.uz | Facebook | Instagram | YouTube