Buxoro shahar hokimligi|Rasmiy

Buxoro shahridagi Yoshlar markazining bog‘ida ko‘chat ekish tadbiri o‘tkazildi.

Bugun Buxoro shahridagi Yoshlar markazining bog‘ida Buxoro yoshlari tomonidan ko‘chat ekish tadbiri o‘tkazildi. Tadbirda Buxoro viloyati Yoshlar ishlari boshqarmasi boshlig‘i Shavkat Rahmonov va Buxoro shahar hokimining o‘rinbosari Feruz Hamroyev ham ishtirok etishdi. Tadbir davomida yoshlar mevali va manzarali daraxt nihollarini ekishdi, bu esa hududning ekologik holatini yaxshilashga va yashil makonlarni ko‘paytirishga qaratilgan muhim qadamdir.

Shavkat Rahmonov tadbirda ishtirok etgan yoshlarni tabiatni asrashga, uning go‘zalligini saqlab qolishga chaqirdi. Shuningdek, yoshlarning ekologik mas'uliyatini oshirish va ularga yashil iqtisodiyotga oid bilimlarni o‘rgatish zarurligini ta'kidladi. Tadbir O‘zbekistonning “Yashil makon” umummilliy loyihasining bir qismi sifatida, mamlakat bo‘ylab keng ko‘lamli ekologik harakatni davom ettirishga yordam beradi.

Buxoro shahar hokimligi axborot xizmati

#jarayon
#yashil_makon

Prezidentimiz Shavkat Mirziyoyev bugun, 23 noyabr kuni “Yashil makon” umummilliy loyihasi doirasida barpo etilayotgan yangi boqqa ko‘chat ekdi.

Tadbirni videoaloqa orqali Qoraqalpog‘iston Respublikasi va viloyatlar jamoatchiligi ham kuzatdi. Jumladan, buxorolik faollar Buxoro tumanining Buxoro shahriga yondosh “Bog‘idasht” MFY hududida barpo etilayotgan “Yangi O‘zbekiston bog‘i”da ko‘chatlar ekishdi.

Ma’lumot uchun: Ushbu kuzgi mavsumda “Yashil makon” loyihasi doirasida Buxoroda qariyb 7 million tup daraxt va buta ko‘chatlarini ekish rejalashtirilgan.

Buxoro shahar hokimligi axborot xizmati