23.5° бурчак остида

🇸🇦🇺🇸🇺🇦🇷🇺 Саудия Арабистони ва OPEC+ гуруҳининг бошқа аъзолари Трампнинг нефт нархларини пасайтириш ҳақидаги чақириғига ҳозирча жавоб бермади — Reuters

Агентлик маълумотларига кўра, картелга аъзо давлатлар вазирлари учрашув ўтказган. Учрашувдан сўнг улар ОPEC апрел ойидан бошлаб қазиб олиш ҳажмини оширишни кўзда тутувчи жорий режасини ўзгартиришни режалаштирмаётганини маълум қилган.

Бундан ташқари ОPEC давлатларининг 3 февралга белгиланган йиғилиши кун тартиби ҳам ўзгаришсиз қолиши қайд этилди.

🔥 @burchakostida

🇺🇸🇷🇺🇨🇳🇮🇳 Хитой ва Ҳиндистон АҚШ санкцияларига дуч келмаган танкерларда ташиш нархлари ошиши фонида март ойида етказиб бериладиган Россия нефтини харид қилишни тўхтатди

Бу ҳақда Reuters агентлиги трейдерларга таяниб хабар бермоқда.

Агентлик манбаларига кўра, Россиянинг ESPO маркасидаги хом нефти ICE Brent маркасидаги нефт билан солиштирганда баррелига 3-5 долларга қимматлашган. Шу билан бирга, Аframax туридаги танкернинг Хитойга нефт етказиб бериш нархлари эса “бир неча миллион долларга” ошган.

🔥 @burchakostida

🇨🇳 Хитой Мяньян шаҳрида йирик лазер ва термоядро синтези тадқиқот марказини қурмоқда — Reuters

Агентлик маълумотларига кўра, бу ядровий қурол ишлаб чиқиш ва электр энергияси ишлаб чиқариш соҳасидаги тадқиқотларда ёрдам бериши мумкин.

АҚШлик тадқиқотчи Деккер Эвелетнинг Reuters'га маълум қилишича, сунъий йўлдош орқали олинган суратларда тўртта бино кўриниб турибди, уларда лазер ва марказий тажриба бўлимлари жойлаштирилиши мумкин.

🔥 @burchakostida

🇮🇱🇺🇸 Исроил бош вазири Бинямин Нетаняҳу келаси ҳафта бошида Оқ уйга ташриф буюриши мумкин — CNN

Бу Нетаняҳуни Доналд Трамп лавозимига киришганидан кейин у билан учрашадиган биринчи хорижий давлат раҳбарига айлантириши мумкин.

🔥 @burchakostida

🇪🇺🇺🇦🇷🇺🇨🇳 FT: Европа Иттифоқи Россияга Хбох ва ПлайСтатион етказиб беришни тақиқлашни режалаштирмоқда, чунки улар дронларни бошқариш учун ишлатилиши мумкин

Бу ҳақда Европа Иттифоқининг Ташқи ишлар ва хавфсизлик сиёсати бўйича олий Кая Каллас маълум қилди.

Калласнинг сўзларига кўра, Россиянинг Украинага қарши босқини бошланганининг уч йиллигига тўғри келадиган санкциялар пакетидан ўйин консолларини етказиб беришга тақиқ ҳам жой олиши мумкин.

"Биз Украинага Россияга қарши курашда ёрдам берадиган барча турдаги нарсаларни санкциялар рўйхатига киритиш учун кўриб чиқяпмиз, шу жумладан, ўйин приставкаларини ҳам. Чунки улар дронларни бошқариш учун фойдаланилиши мумкин", — дея Европа дипломатияси раҳбарининг сўзларини келтиради Financial Times.

Нашр ўйин консолларини ишлаб чиқарувчи компаниялар, хусусан, Sony ва Microsoft 2022 йил март ойида уларни мустақил равишда Россия Федерациясига етказиб беришни тўхтатганини қайд этди. Янги тақиқ Европадан Россияга ўйин приставкаларини етказиб бериш билан шуғулланувчиларга қарши қаратилиши кутилмоқда. Ҳозирда ўйин приставкаларининг энг йирик етказиб берувчиси Хитой ҳисобланади.

Financial Times'нинг ёзишича, 2024 йилда Росдияга Хитой 120 миллион долларлик приставкалар етказиб берган, бу урушдан олдинги даражадан тўрт баробар кўп.

🔥 @burchakostida

🇺🇦 Украина Вазирлар Маҳкамаси мамлакат мудофаа вазири ўринбосари Дмитрий Клименковни лавозимидан бўшатди — ОАВ

Маълумотларга кўра, Клименков мудофаа харидлар масалаларига масъул бўлган.

Украина Мудофаа вазири Рустем Умеров Мудофаа харидлари агентлигининг “қониқарсиз фаолияти” сабабли Дмитрий Клименковни ишдан бўшатиш тўғрисида ариза берганини маълум қилди.

🔥 @burchakostida

🇺🇿 Uzbekistan Airways Европа ҳудудига парвозларни Россия ва Беларус ҳудудини айланиб ўтган ҳолда амалга оширмоқда

Бу ҳақда авиакомпания бошқаруви раиси Шуҳрат Худойқулов 28 январ кунги матбуот анжуманида хабар берган.

Uzbekistan Airways рейслари 2025 йил 20 январдан бошлаб Озарбойжон ва Туркия ҳудудлари орқали амалга оширилмоқда.

"Бу Европа авиация хавфсизлиги агентлиги тавсияси, чунки биз Европа фуқароларига ҳам хизмат кўрсатамиз. Бу Озарбойжон ҳаво йўллари самолёти ҳалокати билан боғлиқ эмас. Шунчаки эҳтиёт чоралари ва маълум даражада йўналишларни оптималлаштириш", — дейилади Uzbekistan Airways изоҳида.

🔥 @burchakostida

🇸🇰 Словакия парламентининг Роберт Фицо ҳукуматига ишончсизлик вотуми бўйича мажлиси керакли миқдордаги депутатлар иштирок этмаганлиги сабабли бўлиб ўтмади.

🔥 @burchakostida

🇷🇸 Сербия бош вазири Милош Вучевич мамлакатдаги талабалар норозилик намойишлари фонида истеъфога чиқди.

🔥 @burchakostida

🇫🇷🇺🇦 Париж жорий йилнинг биринчи чораги охиригача Киевга Мirage 2000-5 қирувчи самолётларини етказиб бериш ниятида

Бу ҳақда Франция Ташқи ишлар вазири Жан-Ноэл Барро Sud radio радиоси эфирида маълум қилди.

"Франция самолётлари яқин келажакда Украина осмонида бўлади. Бу шу йилнинг биринчи чорак охирларида содир бўлади", — деди Барро.

🔥 @burchakostida

🇪🇺🇩🇰🇬🇱🇺🇸 Дания ҳукумати ЕИ ва NATОни Трампнинг Гренландияга оид таҳдидли баёнотларига жавоб бермасликка чақирди — Financial Times

"Копенгаген Брюссел билан яқин ҳамкорликда АҚШ президенти Доналд Трамп билан очиқ қарама-қаршиликдан қочиш стратегиясини ишлаб чиққан. Бу ҳаракат Қўшма Штатлар иттифоқчиларининг Трампнинг тажовузкор дипломатиясини енгиб ўтишга уринаётганини кўрсатади", — дейди нашр манбалари.

Дания бош вазири Метте Фредериксеннинг Доналд Трамп билан яқинда бўлиб ўтган кескин руҳдаги телефон суҳбатидан сўнг мамлакат мураккаб вазиятга тушиб қолган. Бунгача АҚШ президенти Копенгагенга бож тарифлари билан таҳдид қилган ва Гренландияни куч билан эгаллаб олиш эҳтимолини истисно қилмаган эди.

"Сўнгги кунларда европалик ва даниялик амалдорлар бу вазиятга “жуда жиддий ёндашиш кераклигини” англаб етган", деб ёзади Financial Times.

🔥 @burchakostida

🇺🇦 Украинада мамлакат мудофаа вазирига нисбатан жиноят иши очилди

"Рустем Умеров ҳокимият ёки хизмат ваколатини суиистеъмол қилишда гумон қилинмоқда, унга олти йилгача қамоқ жазоси хавф солмоқда", деб хабар берди Украинанинг Коррупцияга қарши кураш маркази.

Марказ маълумотларига кўра, 24 январ куни Умеров Мудофаа харидлари агентлиги Кузатув кенгашининг директори Марина Безрукова билан шартномани бир йилга узайтириш ҳақидаги қарорини бажаришдан бош тортган. Шунингдек, у ушбу қарор учун овоз берган Кузатув кенгашининг икки аъзоси — Тарас Чмут ва Юрий Джигирни ишдан бўшатган.

Марказ баёнотида таъкидланишича, мудофаа харидлари агентликлари ҳузуридаги кузатув кенгашларини ишга тушириш NATO'нинг асосий тавсияларидан бири бўлган ва бу тузилмаларни ташқи босимдан ҳимоя қилишга қаратилган.

Украина Мудофаа вазири Рустем Умеров Безруковани ҳарбий харидлар ва армияни таъминлашдаги муаммолар учун айблаган.

🔥 @burchakostida

🇺🇸🇺🇦 АҚШда украиналик қочқинларга ёрдам дастури тўхтатилди

Гап U4U — “Украина учун бирлашув” ташаббуси ҳақида кетмоқда. Ушбу дастур украиналик қочқинларга АҚШга келиш ва 2 йил давомида ушбу мамлакат ҳудудида бўлиш имконини берган эди. Ўтган йили шу йўл билан 118 мингдан ортиқ Украина фуқароси Қўшма Штатларга келган.

Ҳозирда ушбу дастур учун аризаларни қабул қилиш тўхтатилган.

🔥 @burchakostida

🇺🇸 Трамп АҚШда “Темир гумбаз” ҳаво ҳужумидан мудофаа тизими яратиш тўғрисида фармон имзолади ва трансгендер одамларга армияда хизмат қилишни тақиқлади

Оқ уй баёнотида қайд этилишича, президент фармони Қўшма Штатлар учун баллистик, гипертовушли, такомиллаштирилган қанотли ракеталар ва бошқа янги авлод ҳаво ҳужумларига қарши янги авлод ракета қалқонини амалга оширишни назарда тутади.

"Гарчи бундай турдаги қуролларнинг ҳеч бири АҚШга қарши қўлланмаган бўлса-да, уларнинг қўлланилиш эҳтимоли мамлакат учун “ҳалокатли таҳдид” деб аталди", деб хабар бермоқда CNN.

Трамп имзолаган яна иккита фармон армия таркибидаги гендер хилма-хиллик масаласига тааллуқлидир. АҚШ президенти яна бир бор трансгендер одамларга қуролли кучлар сафларида хизмат қилишни тақиқлади. Трамп биринчи президентлик даврида ҳам шундай тақиқни жорий қилган эди. Бироқ бу тақиқ Жо Байден томонидан бекор қилинганди. Шунингдек, Трамп америкалик ҳарбийлар учун DEI (турли хиллик, тенглик, инклюзивлик) дастурини ёпди.

Бундан ташқари, президент Трамп эмланишдан бош тортгани учун ишдан бўшатилган ёки истеъфога чиқишга мажбур бўлган ҳарбийларни хизматга қайтариш тўғрисидаги фармони имзолади.

🔥 @burchakostida