Aldın xabar bergenimizdey Tashkent qalasında sporttıń Boks túrinen er balalar hám qızlar arasında Ózbekstan chempionatı juwmaqlandı.

Chempionatta jerles sportshılarımız nátiyjelerine kóre:

Qızlar arasında:
- 60 kg salmaqta Rashida Tagirova jarıs dawamında 4 ushrasıw ótkerip, finalda 2024-jıl Parij olimpiadası qatnasıwshısı Setora Turdibekova menen bellesip 3 ke 2 esabında, sıylı 2-orındı iyelep, gúmis medal iyesi boldı.

- 66 kg da Aysanem Sárwarova finalda qarsılası 2024-jıl Parij olimpiadası qatnasıwshısı Nabbahor Hamidova menen bellesip, sıylı 2-orındı iyelep, gúmis medal iyesi boldı.

- 63 kg da Axmedova Mohira jarıs dawamında 2 ushrasıw ótkerip, yarım finalǵa  jetip keldi hám yarım finalda Ismayilova Adina menen bellesip, sıylı 3-orındı iyeledi.

+ 81 kg da Zarafshan Xojambergenova jarıs dawamında 2 ushrasıw ótkerip yarım finalda qarsılası Abdimuratova Dıyara menen bellesip, sıylı 3-orındı iyeledi.

Er balalar arasında bolsa:
- 60 kg salmaqta Danıyarov Madiyar jarıs dawamında 4 ushrasıw ótkerip fınalda qarsılası Abdimalikov Shaxruh benen bellesip 5 ke 0 esabında jeniske erisip, 1-orındı iyelep, altın medal iyesi bolıwǵa miyasar boldi.

Quwanarlısı bunda Daniyarov Madiyar Qaraqalpaqstan Respublikası tarıyxında boks boyınsha eń aqırǵı máretebe Alibek Krabaev 2005-jıl eresekler arasında chempion bolǵan bolsa aradan 20 jıl ótip Daniyarov Madiyar chempionlıqtı qolǵa kiritti.

Sportshılarımızdıń erisken jetiskenligi menen qutlıqlap qalamız.

Derek: Qaraqalpaqstan Respublikası Sport ministrligi Málimleme xızmeti


Biziń betlerimiz: || Bizning sahifalarimiz:
Telegram | Instagram | Facebook | X