Ҳурметли пуқаралар!

⚠️ Социал тармақларда сиз таныған ҳәм танымаған инсанлардан келген "APK" форматтағы файлларды жүклемең!

Егерде сиз "APK" форматтағы файлларды билип билмей жүклеп қойған болсаңыз, төмендеги әмеллерди избе-из орынлаң👇

1. Мобил қурылмаңыздағы керекли мағлыўматларды басқа қурылмаға көширип алың, себеби қурылмадағы барлық мағлыўматлар өшириледи;

2. Жеке мағлыўматларыңыз  сақланған программалардың (платформалар) логин, пароллерин жазып алың;

3.Мобил қурылманың сазламалар бөлимине кирип бәрше сазаламаларды завод жағдайында тиклең (сброс всех настроек);

4. Қурылмаңызда банк картасына жалғанған абонент номери болса сизге хизмет көрсетиўши банкке барып банк картасына жалғанған номерлерди өзгертиң;

5. Телеграм, Инстаграм ҳәм басқада социал тармақларыңыздың аккаунт ҳәм профиллерин көзден өткерип, басқа жалғанған қурылмаларды шығарып таслаң;

6. Мобил қурылмаңызды өзиңизге қолай жағдайда сазлап алып, кириў ушын кыйын болған кодларды орнатың;

7. Мобил қурылмаңызды жас балаларға бермең, себеби олар билип билмей алдаўшыларға жеке мағлыўматларыңызды берип қойыўы яки зыянлы программаларды жүклеп қойыўы мумкин.

Жеке мағлыўматларыңызға сақ болың, өзиңизди ҳәм жақынларыңызды кибержынаятлардан сақлаң!

Кибержынаятлардың түрлери ҳәм усыллары ҳаққында турақлы түрде мағлыўмат алып турыўды қәлесеңиз төмендеги силтеме арқалы бизиң Инстаграм каналымызға ағза болың:

👉 https://www.instagram.com/qriim_cyber?igsh=MW42N3p1cDZiajRwdw==