Ko'pincha, kitoblarning eng oxirgi sahifalarida muallifning o'z izohlari yozilgan bo'ladi. U yerda kitobning yozilish va yaratilish jarayoni haqida qisqacha gapirishadi. Bu kitobni chop etilishiga hissa qo'shgan insonlarni eslab o'tib, rahmat aytishadi: tahrirchilar, muharrirlar, nashriyot hodimlari, resurslar bo'yicha yordam berganlar, asarni yozishga undab, g'oya ulashganlar. Hamma hammani qator qilib yozib ketishadi.
Va oxirida esa, har doim, ota onalari yoki turmush o'rtoqlariga eng katta rahmatni aytishadi. Ularga bu kitobni bag'ishlaganliklarini, ularning qo'llab quvvatlashi va muhabbatisiz bu asar dunyoga hech qachon kelmagan bo'lishini aytishadi.
Shu holatning o'zigina oilaning inson hayotida qanchalik muhim o'rni borligini ko'rsatib beradi. Afsuski, ko'p holatlarda biz bu ne'matning qadriga yetmaymiz. Faqatgina yo'qotganimizda, yoki ma'lum bir vaqt oiladan uzilib qolgandagina asl qadr-qimmatini anglab yetamiz. Menimcha, oila va yaqin insonlarning muhimligini hech kimi yo'qlar, mehribonlik uyidagilar, yoki allaqachon yo'qotib bo'lganlar to'liqligicha tushuna oladi.
Oila hech qachon variant emas, oila doimo prioritet.
@bornleader_community