FARZAND TARBIYASI 🌙

Аслида қуйида ёзадиганларимиз ҳозирги кунда одамлар орасида анча унут бўла бошлаган нарсалардир! Балким, ҳали унут бўлмагандир. Яхши гумон қиламиз...
Мудом олдинга юриб, келажак билан гаплашган яхши, лекин ўтган кунларимизда ҳам қолиб кетаётган бир нималар бордек...

— Авваллари ота ўтирган уйнинг томига чиқилмаган.
— Ота-она ва ёши улуғлар ўтирган пайтда бола ёнбошлаб ётмаган.
Қўшнининг боласи ўйнагани чиққанда, дастурхондан насиба берилган.
— Нон ёпилганда қўшнининг димоғига ҳиди киргани учун, икки дона нон чиқариб берилган.
— Қўшнини қибласини тўсиб, баланд уй қурилмаган, шамолдан тўсилмаган.
— Уй қурилганда тарновини қўшнининг ерига тушмаслигини тадбири қилинган.
— Деҳқонлар ҳосил олганда, қовунми-тарвуз йўл бўйига мусофирлар учун насиба олиб чиқариб қўйишган.
— Оталар ўсмир қизчаларини йигитлари бор уйларга нарса сўрашга чиқазишмаган...
— Бош кийим-кийимларнинг боши бўлган! Эркаклар дўпписини ечмаган, эрли аёл-рўмол, қизлар-дўппи, эри ўлган кампирлар ёрининг оқ кўйлагини ёпиниб юришган. Халқ ўртасида «қизи юзини ерга қаратди» деган иборанинг келиб чиқишига ҳам дўппи мавзусининг алоқаси бор. — Қизи ёмон иш қилган оталарнинг дўпписи халқ ичида бошидан олиб ерга ташланган.
— ТВда кўрганимиз - аёлу эркак аралаш аскиявозлик - бу операторларнинг ижод маҳсули холос. Аёллар эркаклар билан кулишиш тугул, икки эркак ўртасидан кесиб ўтиши одоб саналмаган.
— Уйидаги ҳар бир пишган мевадан қўшнига насиба илинишган.
— Қуръон қўйилган токчага, қиблага, катталар ўтирган томонга қараб оёқ узатилмаган.
— Ҳар бир уйнинг меҳмонхонасида қиблани билдирувчи меҳроблари бўлган, токчалар Мусҳаф қўйилиши учун белдан тепада қилиб қурилган.
— Меҳмоннинг иззати уч кун! Бу расмий бирлик бўлиб, меҳмондан «қачон кетасиз?» деб сўралмаган.
— Қизлар «турмушга чиқиш, эрга бериш» мавзулари очиқланган давраларда ўтиришлари уят ҳисобланган.
— Йигитлар ота бўлганда, ҳаё сабабли фарзандини ота-онаси олдида эркалатмаган.

Бу рўйхатни анча давом эттириш мумкин...

👉 @bola_tarbiyasi

#mulohazali_mavzu

🔥 KO‘RNAMAK

Falonchiga yaxshilik qilgan edim, bilmadi, nonko‘r. Pistonchiga yaxshilik qilgan edim, tuzlug‘imga tupurdi, ko‘rnamak... Bular doimo odamlar orasida yangraydigan gap.

Bir davrlar bo‘ldi. Atrofimdagilar - sotib ketdi. Aldab ketdi. Biznesimni o‘g‘irladi. Singanimda kechib ham ketdi. Yaxshiliklarimga ko‘z yumdi. Ko‘rnamak, nonko‘rlar, dedim. Alam qildi. Dilim og‘ridi. Hazm qila olmadim...

Vaqtlar o‘tdi, men yagona emasligimni bildim. Kim bilan gaplashmay hammasi kuygan yuraklar... Atrofdagi nonko‘rlardan, ko‘rnamaklardan kuyganlar behisob ekan.

Shunda tushunib yetdim, muammo odamlarda emas, o‘zimda ekan. Odatda yaxshilik qilayotganimizda kimdir bilsin, bilib qo‘ysin deymiz. Qaytishini kutamiz. Qilgan yaxshiligimiz (moddiy yoki ma’naviy) kattaligiga qarab, minnatdorchilikni ham shunga yarasha kattasini kutamiz. Biz kutganday munosabat bo‘lmaganidan keyin xafa bo‘lamiz. Atrofimizni ko‘rnamaklikda ayblaymiz. Vaholanki, inson unutuvchi. Biz shuni unutamiz. Eslab yursin, qaytarsin, bilsin, qulluq qilsin, deymiz.

Insonni ikki narsa hor qilar ekan:

MINNAT – qilgan yaxshiligini yuziga solish.
TAЪMA – odamlardan nimadir kutish.

Shu ikki narsa insonni aslida kimligini ko‘rsatib beradi. Chunki bu illatlar qalb bilan bog‘liq. Odamlar ko‘z o‘ngida qanchalik yaxshi bo‘lib ko‘rinmang minnat qildingizmi, shuncha qilganlaringiz Alloh uchun emas, aslida nafs uchun yoki boshqa bir sabab uchun bo‘lganligini ko‘rsatib beradi.

Abdulla Oripov bir intervyusida "Mashrabni osgan eldan nima ham kutar edim", deb yozg‘irgan edi. El hech kimga vafo qilmagan. Inson nimadir amal qilayotganida odamlarga tayansa, albatta pand yeydi. Chunki qonuniyat shunday. Namozda har kuni va’da beramiz: Sengagina ibodat qilamiz va sendangina yordam so‘raymiz. Yordam ham, suyanish ham, tayanch ham o‘zidan.

Imom Shofeiy "kimga yaxshilik qilgan bo‘lsam, o‘sha odamdan menga faqatgina yomonlik qaytdi. Ammo qilgan yaxshiliklarim, men kutmagan odamlardan ziyodasi bilan qaytdi", degan ekanlar. Bu gap menga qattiq tasir qildi. Biz niyatni to‘g‘rilab olsak, unutuvchi, xato qiluvchi odamlardan gina qilib yurmaymiz. Shunchaki, unutamiz. Chunki yaxshilikni ko‘rnamaklar ko‘rib qo‘yishi, minnatdor bo‘lishi uchun emas, xolis Alloh uchun qilamiz. Qilgan amallarimizni minnat qilib habada ham qilmaymiz.

Ko‘rnamak, nonko‘r, deb yurgan odamlarni ko‘rsam, ayb o‘zida ekan, - deydigan bo‘lib qolganman. Qilingan yaxshilikni eslab yurgandan, unutib yuborsangiz, bordi-yu o‘sha odamdan yaxshilik qaytsa xursand bo‘lasiz. Tilla topib olgan odamday. Bordi-yu, yaxshiligingiz qaytmasa, eng kamida xafa bo‘lmaysiz. Dilingiz og‘rimaydi. Odamlarni yomon ko‘rib qolmaysiz.

Qarz berib ololmay yurganlar "insoniga qarz bermayman", deydi. Vaholanki, aldamchi, kazzob odamlar dunyo yaralibdiki bor. Sizga uchramaydi, degan garantiya ham yo‘q. Shunchaki, berayotganingizda niyatni to‘g‘rilang. Shunda yaxshiliklarda bardavom bo‘lasiz. Qalbingiz qotib qolmaydi. Qalbni Nafrat egallamaydi.

Odamlarga suyanib qolmangki, boshingizda tashvish tushganida "Mashrabni osgan el...", demang. Zero, sunnat shunday. Yillab da’vat qilib, odamlarni o‘ziga ergashtira olmagan payg‘ambarlarni ko‘rar ekanmiz qiyomatda. Amallarni taftish qilsak, qanchadan qancha amallarimiz riyo, minnat, tama kabi narsalar bilan yo‘q bo‘lib ketayotganini ko‘ramiz.

Ko‘rnamak va nonko‘rlik bo‘lsa, bu ham o‘zimiz. Biz Rob taoloning bergan ne’matlariga ko‘rnamakmiz. Rizqimizga nonko‘rmiz. Shunchaki, unutuvchimiz, xolos.

Said Islom

@bola_tarbiyasi 🏡 – Oliy maqsadga aylansin!

🌐Жигарларинг ярайди...

Ёнгинангда "дўстман" деган ғанимлар,
Синишингни кутиб кунлар санайди,
Энг яқин дўст ёнингдаги одамлар,
Бир корингга жигарларинг ярайди!

Кўчадаги таниш-билиш , жўралар,
Бойлигингда қўлларингга қарайди.
Асл инсон йўқчиликда билинар,
Бир корингга жигарларинг ярайди!

Омад кулса ёнингдаги ёринг ҳам,
Сочларингни қўлларида тарайди.
Аразлайди сал қоқилсанг, ўшал дам,
Бир корингга жигарларинг ярайди!

Кўзингни оч, керакциздир пушмонинг,
Еттиётлар қадр нима билмайди.
Бир қўриндан кўп талашиб тушганинг,
Бир корингга жигарларинг ярайди!

Давринг келса, бирга давринг сурганлар,
Синганингда тез бегона айлайди.
Қадрингни чин қалби билан билганлар,
Бир корингга жигарларинг ярайди!

Шундай экан ўзга дея ғам ема,
Қадрини бил, кетса қайтиб келмайди.
Мумтозбегим "меҳрибоним йўқ" дема,
Бир корингга жигарларинг ярайди.

✍ Мумтозбегим


@bola_tarbiyasi 🏡-Kelajak poydevori!

Siz onasiz. Juda charchagansiz. Nihoyasiga yeta olmayotgan ishlaringiz juda ko'p. Nima boshlasangiz ham yarim qolib ketyapti. Sizga vaqt yetmayapti. 24 soat sizga ozlik qilmoqda. Hammani ko'nglini olish ortiq bir mushkulot. Juda qiyin. Bazan 24 soat yetmayap deyotgan vaqtingizda, bir muddatga to'xtab qolishni ham xohlaysiz. Vaqtdan to'xtashni xohlaysiz. Yoki, kechalarni borligi uchun ming ming shukrona aytasiz, chunki siz ham uhlay olasiz (albatta sizning polapon kechasi yaxshi uhlasa) agar farzandingiz kechasi uhlayolmay, yig'lab chiqsa, kechasi esa siz uchun qo'rqinchili tush kabidir. Tezroq ertalab tushushini xohlaysiz. Siz ni juda ham yaxshi tushunaman. Biz, onalar yaxshi tushunamiz. Oson emas. Lekin.....
Bu qiyinchiliklar hammasi vaqtincha.. xatto soniya kabi bo'ladi keyinchalik.. bazida farzandimni yangi tug'ilgan paytini juda juda qumsayman. To'ymay qolib ketganman. Osha charchashlarga, qiyinchiliklarga etibor beraverish natijasida, osha onni his qilaolmaganman.
Shuning uchun agar siz yangi ona bo'lsangiz, farzandingizni bag'ringizga bosing, o'pib erkalang. Chunki u ulg'aymoqda va qaytib bugungidek bo'lmaydi...🤗🤗🤗 Lahzalarni vaqtida qadrlang💫💫💫
👉 @bola_tarbiyasi