Elektron kitobmi, unda KindleAslida qog’ozli an’anaviy kitobni o’qiganga yetmaydi. Lekin Kindle istisno bo’lishga arziydi. Quyida qanaqa afzalliklari borligini 2 yillik foydalanuvchi sifatida xolis aytaman:
1. Ko’zga minimal zarar — ekrani shunchalik darajada qog’ozga yaqin qilinganki, birinchi marta ko’rganda “Ekrani qani, yuzida qog’oz yopishtirilganmi?” deb o’ylaysiz, xuddi mendek). Ko’pchilik aynan shuning uchun xarid qilishadi, sog’lik hammasidan ustun
2. Diqqatning chalg’imasligi — hech qanday xabarlar, ilovalar, hatto ovozi ham yo’q. Xuddi kitobga o’xshaydi a.
3. Uzoq muddatli quvvat — bir marta to’ldirib, kamida 10 kun ishlatish mumkin. Sayohatga, uzoq yo’llarga chiqqanda ‘zaryadnik’ olib yurishga hojat yoq
Yuqoridagilar boshqa elektron qurilmalardan ustunligi edi, endi haqiqiy kitobni o’zidan ham ustunliklari va kamchiliklarini aytsam:
1. O’qish tezligingizni o’zi tahlil qilib, shu ketishda kitobni necha soatda tugatib qo’yishingizni pastda ko’rsatib boradi. Bu tezroq bitirishga motivatsiya
2. Chet tillarda kitob o’qiganda qulaylik uchun o’zida maxsus lug’ati bor. Google translate’ga hojat yoq. Bu ham chalg’imaslik uchun zo’r
3. Matn shriftini istalgancha katta yoki kichikroq qilish mumkin. Bundan tashqari note qilishda ham kerakli joylarini belgilab olish mumkin. Keyinchalik har bir kitobdan qaydlar alohida xotirada saqlanadi.
Kamchiligi nima desangiz:
1. Narxi sal qimmatroq bo’lishi mumkin. Chunki bitta emas, o’rtacha 30 ta kitobni puliga sotib olasiz. Agar suvda ishlaydigan, note uchun ruchka, kattaroq ekran, xotira xohlasangiz yana ko’tarilib boradi.
2. Qurilmadan foydalanmayotganingizda ba’zan o’z do’konidagi kitoblarning reklamasi chiqib turadi. Pullik obunasini olsangiz, u chiqmaydi. Lekin o’sha kitob reklamasi mani umuman bezovta qilgani yoq. Chunki o’qiyotganimda emas, umuman ishlatmaganimda chiqishi mumkin
3. Kitoblarni yuklash uchun o’zining maxsus do’koni bor. Lekin u yerda hammasi pullik. Ammo biz o’zbeklar bepul qilish uchun doim biror yo’lini topamiz) Shaxsan o’zim hali hech sotib olib o’qiganim yoq
Istalgan pdf faylni kindle’da o’qish mumkin, epub ko’rinishiga o’tkazilsa undan ham zo’r. Shu tarzda o’zim kindle’dan bepul foydalanib o’qiyman. Lekin kitoblardan eng katta foyda ularga pul to’lab o’qishni boshlaganimizda bilinadi. Shu yerida maslahat: pulni yuklab olishga sarflagandan ko’ra haqiqiy kitobni sotib olishga sarflagan yaxshiroq. Chunki elektron kitob bir umrga qolmaydi
2 va 3-kamchiliklar aslida muammo emas, shu savollar bilan murojaat qilishgani uchun oydinlik kiritib ketdim. Narxiga kelsak, kimdir uchun kitobga 50 ming ham qimmat, kimdir esa $500 ga ham tayyor. Shunday ekan qarorni o’zingiz qabul qilasiz
P.s. Kitob o’qishni yoqtiradigan inson uchun Kindle sovg’a qilsangiz, eng zo’r sovg’a bo’ladi, ishoning. Sinalgan)
@blog_rustam
