Biznesreport.uz - bank, biznes, iqtisod

💼 Qanday qilib o’zini o’zi band qilgan shaxs sifatida ro‘yxatdan o‘tish mumkin?

Soliq ilovasi orqali o'zini-o'zi band qilgan fuqaro sifatida ro'yxatdan o'tish haqida bilarmidingiz?

🔥🔥🔥🔥 sizga bu haqida yana bir maxsus qo'llanma tayyorladi.

👉 Maxsus qo'llanma

Telegram I Instagram I Veb-sayt

Xitoy va AQSh savdo urushi: Oʻzbekistonga qanday ta’sir qiladi?

Donald Tramp AQSh prezidentligiga saylanganidan so'ng Amerika va Xitoy savdo urushi yanada avj oldi. Bu esa o'z o'rnida O'zbekistonga ham ta'sirini ko'rsatmoqda.

🔥🔥🔥🔥 bu haqida tahliliy maqola tayyorladi.

Unda savdo urushining ta'sirlari, 2019-yildagi keys va O'zbekiston-Xitoy eksport-importning ko'rsatkichlariga to'xtalib o'tilgan.

👉 Maqolani o'qish

Telegram I Instagram I Veb-sayt

👛 Sayohat qilganingizda keshbek qaytariladi. Bilasizmi?

“O‘zbekiston bo‘ylab sayohat qil!” dasturi doirasida respublika hududlari bo‘ylab ichki sayohatlarni amalga oshirgan O‘zbekiston fuqarolariga xarajatlarining bir qismi qaytarib beriladi.

Bu tartib 2022-yil sentabr oyida boshlab joriy etilgan.

Buni qanday qilish mumkin?

Sayohat qilganda sarflagan pullaringizni bir qismini qaytarib olish uchun quyidagi amallarni bajarishingiz kerak:

🟢Soliq.uz mobil ilovasini yuklab olasiz;
🟢mobil ilova xizmatidan foydalanish uchun FaceID orqali shaxsingizni tizimda tasdiqlaysiz;
🟢sayohat yo‘nalishini va boshlanish sanasini tanlaysiz;
🟢keshbeklarni yig‘ish uchun fiskal cheklarni skanerlash orqali avia, temir yo‘l yoki avtobus biletlarini ilovaga kiritasiz;
🟢sayohatdan so‘ng "Sayohatni tugatish" tugmasini bosasiz va yig‘ilgan keshbek summalarini shaxsiy mahalliy bank plastik kartasiga o‘tkazasiz.

Keshbeklar sayohat davomida quyidagilar amalga oshirilganda qaytariladi:

🛫 avia, temir yo‘l va avtobusdan foydalanish;

👜 joylashtirish vositalari xizmatlaridan foydalanish;

📍madaniyat tashkilotlariga tashrif buyurish.

Xarajatlarning qancha qismi qaytariladi?

Sayohat xarajatlarini qaytarish har bir turistga quyidagi miqdorlarda amalga oshiriladi:

✍️ aviaqatnov orqali borib-kelish chiptasi narxining 15 foizi, lekin 150 ming so‘mdan oshmagan miqdorda;

✍️ temir yo‘lda yoki avtobusda borib-kelish chiptasi narxining 15 foizi, lekin 80 ming so‘mdan oshmagan miqdorda;

✍️ joylashtirish vositasida tunab qolish xarajatining 15 foizi, lekin 80 ming so‘mdan oshmagan miqdorda;

✍️ teatr, muzey, sirk va badiiy galereyalarga har bir tashrif chiptasi narxining 50 foizi, lekin 20 ming so‘mdan oshmagan miqdorda.

Sayohat xarajatlari faqatgina platforma orqali amalga oshirilgan ichki sayohatlar uchun uning yakuni bilan mahalliy turistlarning bank kartalariga qaytariladi.

Telegram I Instagram I Veb-sayt

🎤Yakkasaroy tumanida 16 qavatli uchta biznes markazi quriladi

Yakkasaroy tumani hokimi Nilufar Allabergenova “Griffin Development” vakillari va boshqa xorijiy investorlar bilan uchrashdi.

Muzokaralarda Glinka ko‘chasidagi 37-, 39- va 41-uylar hududida qurilish loyihasi ko‘rib chiqildi.

Ushbu joyda 16 qavatli uchta biznes markazi, zamonaviy mehmonxona, maishiy xizmat ko‘rsatish majmuasi va rivojlangan infratuzilmaga ega turar-joy binolari barpo etilishi rejalashtirilmoqda.

Investitsiyalarning umumiy hajmi $70 mlnni, qurilish maydoni esa 0,63 gektarni tashkil etadi.

Uchrashuv yakunida tomonlar hamkorlik qilish, ishlarni sifatli bajarish va qurilish muddatlariga qat’iy rioya etish bo‘yicha kelishib olindi.

Telegram I Instagram I Veb-sayt

To‘rt kunlik o‘sishdan keyin dollar kursi 10 so‘mga pasaydi

O‘zbekiston Markaziy banki tomonidan 17-fevral kuni O‘zbekiston so‘miga nisbatan xorijiy valyutalarning yangi kurslari e’lon qilindi.

Dollar kursi 12 993,15 (-10,80) so‘mni tashkil etdi, yevro esa 65,40 so‘mga ko‘tarilib 13 619,42 so‘mni tashkil etdi.

Boshqa xorijiy valyutalar bo‘yicha belgilangan kurslar ham ma’lum bo‘ldi:

🔵funt sterling — 16 354,48 so‘m (+111,25);
🔵rubl — 143,87 so‘m (+0,67);
🔵Xitoy yuani — 1 788,93 so‘m (+6,08);
🔵Yaponiya iyenasi — 85,19 so‘m (+0,74);
🔵Qozog’iston tengesi — 26,13 so‘m (+0,04).

Telegram I Instagram I Veb-sayt

Avtomobilga gaz ballon o‘rnatish uchun ruxsatnomani onlayn olish mumkin

💻 Buning uchun siz my.gov.uz orqali onlayn tarzda ariza to‘ldirib, uni Yo‘l harakati xavfsizligi xizmatiga (YHXX) yuborasiz.

Arizangiz ko‘rib chiqilgach, natijasi my.gov.uz dagi shaxsiy kabinetingizga yuboriladi.

🪙 Xizmat ko‘rsatilishi uchun to‘lov – 112 500 so‘m (0,3 BHM)

Gaz ballon o‘rnatishga ruxsatnoma olishning yangi tartibi bilan videoqo‘llanmada batafsil tanishing.

Telegram I Instagram I Veb-sayt

🏦 Endi tadbirkor yoshlarga 2,5 mlrd so‘mgacha imtiyozli kreditlar beriladi

Prezident Shavkat Mirziyoyev tashabbusi bilan "Aloqabank" yosh tadbirkorlarni qo‘llab-quvvatlovchi bankga aylantiriladi. Bu maqsadlar uchun $200 mln ajratiladi.

Endilikda o‘z biznesini boshlamoqchi bo‘lgan yoshlar bank orqali 100 million so‘mgacha imtiyozli kredit olishi mumkin. Ushbu qarz 7 yil muddatga beriladi.

Shuningdek, yosh tadbirkorlarni qo‘llab-quvvatlash uchun maxsus jamg‘arma tashkil etilib, unga yana 100 million dollar ajratiladi. Ushbu mablag‘ yordamida:

✍️ Tadbirkor yoshlarga 2,5 milliard so‘mgacha kredit beriladi;
✍️ Startap loyihalariga 2 milliard so‘mgacha investitsiya ajratiladi.

Bu o‘z biznesini boshlashni istagan yoshlarga katta imkoniyat yaratadi.

Telegram I Instagram I Veb-sayt

📈 O‘zbekistonda mikromoliya tashkilotlari ko‘paydi, lekin qarzlar ham ortdi

O‘zbekistonda mikromoliya tashkilotlari (MMT) soni 100 taga yetdi. Markaziy bank ma’lumotlariga ko‘ra, 2024-yilda ularning umumiy kredit hajmi 4,1 trillion so‘mdan 7,5 trillion so‘mga oshgan.

Eng katta kredit bergan tashkilotlar:

🔵 «Shaffof-Moliya» — 2,2 trillion so‘m (+107,2%)
🔵 «Fortuna Biznes» — 1,1 trillion so‘m (+28,2%)
🔵 «TezCoin» (yangi tashkil etilgan) — 0,8 trillion so‘m

Muammoli kreditlar oshmoqda:

Mikromoliya tashkilotlarida muammoli kreditlar (NPL) ulushi 2,1% dan 2,4% gacha ko‘tarilib, umumiy hajmi 181 milliard so‘mga yetdi.

Eng ko‘p muammoli kredit «Kreditomat Toshkent» tashkilotida bo‘lib, u yerda qarzlarning 57,8% to‘lanmay qolgan. Shuningdek, yana 10 ta tashkilotlarda ham muammoli kreditlar ko‘p.

Mikromoliya tashkilotlari soni ko‘paygani bilan, qarzlarning o‘z vaqtida qaytarilmay qolishi jiddiy muammo bo‘lib qolmoqda.

Telegram I Instagram I Veb-sayt

🗂 Davlat ishiga kirishda pasport, mehnat va pensiya daftarchasi talab qilinmaydi

Endi O‘zbekistonda davlat tashkilotlariga ishga kirishda pasport, mehnat daftarchasi va pensiya daftarchasi topshirish shart emas.

Barcha zarur ma’lumotlar davlat organlari tomonidan elektron tizim orqali olinadi. Bu O‘zbekiston Respublikasi Mehnat kodeksiga kiritilgan o‘zgartirishlarda belgilangan.

Shuningdek, yangi qonunga ko‘ra:

🔵 Mehnat shartnomalari elektron shaklda rasmiylashtiriladi;
🔵 Xodimlarning ta’til va o‘rtacha ish haqi hisoblash tartibi o‘zgaradi;
🔵 Kechki yoki sirtqi ta’limda o‘qish mumkin bo‘lgan ta’lim muassasalari aniq belgilandi;
🔵 Homilador ayollar va farzandli xodimlarni ishdan bo‘shatish taqiqlanadi.

Bu o‘zgarishlar O‘zbekiston Respublikasi Prezidentining “Mehnat kodeksiga o‘zgartirish va qo‘shimchalar kiritish to‘g‘risida”gi qonuni asosida amalga oshirilmoqda. Hujjat rasmiy e’lon qilingan kundan boshlab kuchga kiradi.

Telegram I Instagram I Veb-sayt

Tarmoqlarni qo‘llab-quvvatlash jamg‘armasi qancha subsidiya ajratgan?

Savdo-sanoat palatasi huzuridagi Tarmoqlarni qo‘llab-quvvatlash jamg‘armasi mablag‘lari hisobidan 2023-2025 yillarda jami 40 ta loyihaga 63,4 mlrd so‘m miqdorida subsidiya berildi.

Subsidiya mablag‘lari yillar kesimida quyidagicha taqsimlangan:

🟢2023-yilda 19 ta loyihaga 26,6 mlrd so‘m;
🟢2024-yilda 15 ta loyihaga 24,5 mlrd so‘m:
🟢2025-yilda 6 ta loyihaga 12,3 mlrd so‘m.

Ushbu korxonalar tomonidan 2023-2024 yillarda $517,8 mln miqdorida eksport amalga oshirilgan bo‘lib, 28 mingdan ortiq ish o‘rni yaratildi.

Telegram I Instagram I Veb-sayt

🎤Rasman elektron garov xatlari tan olinadi

12-fevral kuni “Ipoteka to‘g‘risida”gi qonunga kiritilgan qo‘shimcha o‘zgartirish kiritildi.

✍️ Elektron garov xatiga o‘zgartirishlar kiritish, garov xatining egasi va garovga qo‘yuvchi tomonidan Yagona interaktiv davlat xizmatlari portalida qo‘shimcha kelishuvni to‘ldirish orqali amalga oshiriladi.

✍️ Elektron garov xatlari huquqlarini boshqa shaxsga o‘tkazish depo hisobvarag‘iga yozuv kiritish orqali bajariladi va huquqlar oluvchiga tasdiqlanadi.

Shuningdek, "Qimmatli qog‘ozlar bozori" va "To‘lovga qobiliyatsizlik" qonunlariga elektron garov xatini joriy etish, huquqlarni o‘tkazish va undan foydalanishga doir yangi mexanizmlar kiritilmoqda.

Avvalroq, to‘lovga qobiliyatsizlikka qarshi yangi qonun loyihasi e’lon qilingan edi.

Shuningdek, shu yilning 1-iyulidan boshlab shaxsni tasdiqlovchi va boshqa hujjatlarning elektron shakli rasman tan olinadi

Telegram I Instagram I Veb-sayt

🤖 Sun'iy intellektning yangi avlodlari: GPT 4.5 va GPT 5.0

OpenAI kompaniyasi bosh direktori Sem Altman yaqinda kompaniyaning yangi sun'iy intellekt modellarini ishlab chiqish bo'yicha rejalari bilan bo'lishdi.

Uning so'zlariga ko'ra, yaqin haftalar yoki oylarda GPT-4.5 modeli, ichki nomi bilan Orion, chiqarilishi rejalashtirilgan. Bu model "fikrlar zanjiri" (chain-of-thought) funksiyasiga ega bo'lmagan oxirgi versiya bo'ladi.

🎚️ Keyinchalik, GPT-5 modeli taqdim etiladi. U avvalgi modellar, jumladan, "o3" modelini o'z ichiga oladi, bu esa OpenAI mahsulotlarini soddalashtirish va foydalanuvchilar uchun qulayroq qilishga yordam beradi.

Bundan tashqari, OpenAI o'zining Model Spec hujjatini kengaytirib, unda sun'iy intellekt modellarining turli, ayniqsa, bahsli mavzularni qanday hal qilishi bo'yicha ko'rsatmalarni bayon qildi.

Agar GPT-5 ga oid batafsil ma'lumotni bilmoqchi bo'lsangiz, ushbu videoni ko'rishingizni tavsiya qilamiz.

Telegram I Instagram I Veb-sayt

Dollar kursi 4 kundan buyon qimmatlashib, 13 ming so‘mdan oshdi

O‘zbekiston Markaziy banki tomonidan 13-fevral kuni O‘zbekiston so‘miga nisbatan xorijiy valyutalarning yangi kurslari e’lon qilindi.

Dollar kursi 13 003,95 (+14,88) so‘mni tashkil etdi, yevro ham 79,16 so‘mga ko‘tarilib 13 554,02 so‘mni tashkil etdi.

Boshqa xorijiy valyutalar bo‘yicha belgilangan kurslar ham ma’lum bo‘ldi:

🔵funt sterling — 16 243,23 so‘m (+74,44);
🔵rubl — 143,20 so‘m (+5,03);
🔵Xitoy yuani — 1 782,85 so‘m (+5,72);
🔵Yaponiya iyenasi — 84,45 so‘m (-0,16);
🔵Qozog’iston tengesi — 26,09 so‘m (+0,15).

Telegram I Instagram I Veb-sayt

💰 Fond birjasi Humans va unga aloqador Maroqand kompaniyasi aksiyalari bilan operatsiyalarni to‘xtatdi

Cheklovlar birjaning qaroriga ko‘ra 10-fevraldan boshlab noma’lum muddatga joriy etildi.

✍️ Markaziy bank 2024-yil sentabr oyida Humans kompaniyasiga tegishli UPay brendi bo‘lgan “Maroqand” to‘lov tashkilotining litsenziyasini olti oyga to‘xtatib qo‘ygan edi.

Bu esa uning to‘lovlarni qabul qilish va amalga oshirish bo‘yicha xizmatlarini to‘xtatishga olib kelgan. “Maroqand”ning toʻlov agenti boʻlgan “Humans”ning taʼkidlashicha, regulyator cheklovlarni oldindan eʼlon qilmagan va ularning sababini OAVdan bilib olgan.

✍️ Markaziy bankning o‘sha paytdagi rahbari Mamarizo Nurmuratovning aytishicha, kompaniya bukmekerlik idoralariga pul o‘tkazayotgani uchun litsenziya to‘xtatilgan.

Nurmatovning qo‘shimcha qilishicha, regulyator Humans sho‘ba korxonasini noqonuniy operatsiyalar bilan shug‘ullanayotgani haqida uch marta ogohlantirgan.

Bugunga qadar ushbu kompaniyalarning aksiyalari bilan birjada bitimlar tuzilmagan.

Telegram I Instagram I Veb-sayt

🪙 Tramp memkoini: Investorlar $2 mlrd yo‘qotdi!

Donald Trump tomonidan chiqarilgan $TRUMP memkoini ko'plab investorlar uchun katta yo'qotishlarga olib keldi. Ma'lumotlarga ko'ra, taxminan 813 000 kripto-hamyon egasi jami $2 mlrd atrofida zarar ko'rgan.

🧲 Memkoin ishga tushirilgandan keyin dastlabki 19 kun ichida ko'plab investorlar yuqori narxlarda token sotib olib, keyinchalik uning qiymati tushishi sababli zarar ko'rishdi. Shunga qaramay, ko'plab treyderlar tokenlarini saqlab turibdi, ehtimol narxning yana ko'tarilishiga umid qilmoqda.

"Chainalysis" tahliliy kompaniyasining ma'lumotlariga ko'ra, asosan memkoinning dastlabki xaridorlari foyda ko'rgan bo'lib, naqd pulga aylantirilgan foydaning umumiy miqdori $6,6 mlrdni tashkil etgan.

Shuningdek, Trampning oilasi va hamkorlari savdo yig'imlari shaklida deyarli $100 mln olgan, biroq bu mablag'larning aksariyati hali naqdlashtirilmagan.

🪙 Hozirgi vaqtda $TRUMP memkoini 14,77 dollardan sotilmoqda, narxning eng yuqori nuqtasida esa 75 dollarga yetgan edi.

Eslatib o'tamiz, avvalroq Tramp shaxsiy kriptovalyutasi yaratgani haqida xabar bergan edik.

Telegram I Instagram I Veb-sayt

To‘lovga qobiliyatsizlikka qarshi yangi qonun loyihasi e’lon qilindi

Prezident Miziyoyevning “To‘lovga qobiliyatsizlik tartib-taomillarini yanada takomillashtirish va sud boshqaruvchilari faoliyatini tartibga solish chora-tadbirlari to‘g‘risida”gi qarori loyihasi e’lon qilindi.

Mazkur qaror loyihasida quyidagilar nazarda tutilmoqda:

Davaktiv agentligi iqtisodiy qiyin ahvolda bo‘lgan korxonalarga moliyaviy tiklanish bo‘yicha yordam ko‘rsatadi va to‘lovga qobiliyatsizlik holatida davlat yordami bilan sanatsiya qilish imkoniyatini yaratadi.

Jismoniy shaxslar ham to‘lovga qobiliyatsizlik jarayonlaridan foydalanishlari mumkin. Ushbu jarayonning yuritilishi va hisobini olib borish tizimi shakllantiriladi.

🪙 Agar korxonaning qarzdorligi bazaviy hisoblash miqdorining 300 baravaridan oshsa, davlat soliq xizmati organlari uni to‘lovga qobiliyatsiz deb topish uchun sudga murojaat qilishi mumkin.

Agar qarzdorlik 300 baravargacha bo‘lsa, ish sudgacha yetkazilmaydi va idoralararo ma’lumotlar almashinuvi orqali masala hal etiladi.

Davaktiv agentligi qoshida To‘lovga qobiliyatsizlik jarayonlarini yuritish bo‘yicha alohida departament tashkil etiladi. Hududiy boshqarmalarda qo‘shimcha shtatlar ajratiladi (markaziy apparatda 14 nafar, hududlarda esa 29 nafar qo‘shimcha shtat).

⚙️ 2025-yil 1-martga qadar To‘lovga qobiliyatsizlik masalalari bo‘yicha maxsus axborot portali ishga tushiriladi. Bu portal orqali kreditorlar va boshqa manfaatdor tomonlar uchun zarur ma’lumotlar taqdim etiladi.

Telegram I Instagram I Veb-sayt

⚡️ Ruslan Rahmatov: Bugungi kunda rahbar nafaqat buyruq beruvchi, balki ilhomlantiruvchi yetakchi bo’lishi lozim

🔥🔥🔥🔥 navbatdagi IT mutaxassis va startaper Ruslan Rahmatov bilan suhbatlashdi. Unda Smartcast loyihasining ahamiyati, duch kelgan qiyinchiliklari va sun’iy intellektni ta’siriga alohida to’xtalib o’tildi. Shuningdek, qahramonimiz XXI asrda rahbar qanday bo’lishi kerakligi haqida ham shaxsiy fikrlari bilan bo'lishdi.

👉 To'liq intervyu

Smartcast loyihasi hamda "Asgardia Team" veb-saytlari:

smartcast.uz I asgardia.team

Telegram I Instagram I Veb-sayt

Oltin narxi oshmoqda! Endi sotib olish vaqti keldimi?

Dunyo bo‘ylab oltin narxi tez sur’atda ko‘tarilmoqda.So‘nggi haftalarda uning qiymati rekord darajaga yetdi. Bir troya unsiyasi uchun — $2,915.

Nima uchun oltin qimmatlashayapti?

🟢 Dunyo banklari valyuta zaxiralarini oltin hisobiga oshiryapti
🟢 AQSh dollarining beqarorligi kuchaymoqda
🟢 Geosiyosiy tahdidlar investorlarni xavfsiz aktivlarga o‘tishga majbur qilmoqda
🟢Inflyatsiya pasaymayapti, bu esa real aktivlarga bo‘lgan talabni oshiryapti

Nima uchun oltin sarmoya uchun yaxshi tanlov?

Chunki u inqiroz davrida ham o‘z qiymatini saqlab qoladi. Uni istalgan vaqtda osongina sotish mumkin va oltin narxi, odatda, uzoq muddatda oshib boradi.

O‘zbekistonda oltin quymalarini qanday sotib olish mumkin?

Markaziy bank turli og‘irlikdagi oltin quymalarini quyidagi banklarga chiqaradi:

🔵NBU (O‘zbekiston Milliy banki)
🔵Asakabank
🔵Kapitalbank
🔵Ipoteka-bank

Oltin quymalarini yuqoridagi banklardan biriga pasport bilan borishingiz kerak. Kerakli hajmni tanlab, to‘lovni amalga oshirasiz.

Oltin narxlari har kuni yangilanadi. Buni Markaziy bankning rasmiy sahifasidan bilib olishingiz mumkin.

Haqiqiyligini qanday tekshirish mumkin?

Quymalar maxsus himoya qadoqlarida sotuv uchun taqdim etiladi. Qadoqlar sertifikat vazifasini bajarib o‘z seriya raqamiga ega bo‘ladi.

Muhim: qadog‘i buzilgan yoki texnik talablarga mos kelmaydigan oltin quymalarni qaytarib sotib olish ularni texnik ekpertizadan o‘tkazish orqali amalga oshiriladi va ekspertiza o‘tkazilgandan so‘ng to‘lov qaytariladi.

Oltinni zargarlik buyumlari ko‘rinishida ham sotib olish mumkin.

Ammo zargarlik buyumlari sotib olayotganda siz faqat oltin uchun emas, balki hunarmandlar mehnati uchun ham pul to‘laysiz. Shuningdek, soxta yoki past sifatli mahsulotga duch kelish xavfi bor.

Telegram I Instagram I Veb-sayt

#FintexNews

🏦 TBC Uzbekistan 2024-yil yakuni uchun o'z natijalarini e’lon qildi

Xususan:

👉Jami daromad 1,9 trillion so‘mga yetdi.
👉Sof foyda 91% ga o‘sib, rekord darajadagi 514 milliard so‘mga yetdi.
👉Mijozlar bazasi 37% ga kengayib, 18,4 million nafar foydalanuvchiga yetdi.
👉Oylik faol foydalanuvchilar 5,9 millionga yetdi.
👉Kredit portfeli 112% ga o‘sib, 8,07 trillion so‘mni tashkil etdi.
👉Depozitlar hajmi 82% ga oshib, 4,8 trillion so‘mga yetdi.

Shuni ta'kidlab o'tish lozimki, O‘zbekiston bank tizimidagi jami depozitlarning 3,6% ulushi TBC Uzbekistan ga tegishli.

Telegram I Instagram I Veb-sayt

Dollar kursi 3 kundan buyon qimmatlashmoqda

O‘zbekiston Markaziy banki tomonidan 13-fevral kuni O‘zbekiston so‘miga nisbatan xorijiy valyutalarning yangi kurslari e’lon qilindi.

Dollar kursi 12 989,07 (+9,08) so‘mni tashkil etdi, yevro ham 82,11 so‘mga ko‘tarilib 13 474,86 so‘mni tashkil etdi.

Boshqa xorijiy valyutalar bo‘yicha belgilangan kurslar ham ma’lum bo‘ldi:

🔵funt sterling — 16 168,79 so‘m (+119,03);
🔵rubl — 138,17 so‘m (+2,83);
🔵Xitoy yuani — 1 777,13 so‘m (+0,75);
🔵Yaponiya iyenasi — 84,61 so‘m (-0,82);
🔵Qozog’iston tengesi — 25,94 so‘m (+0,31).

Telegram I Instagram I Veb-sayt