Sar-besar kezaman sershovqin kentni
Kel deya chorlaydi yiroq-yiroqlar
Qo'llari ko'ksida,qilarlar qulluq
Yo'limda tizilib turgan chiroqlar
Cho'ntakka qo'l solsam ilinar undan
Ertalab olganim bir quti "sog'inch"
Jin ursin, bir dona qolibdi shundan!
Alamim boricha tortib bearmon
Osmonga puflayman bir yutum hijron.
Bilakda erinib chiqillaydi vaqt
Afsuski bu yo'llar senga eltmaydi
Tong uchun intig'im quritsam hamki
Soat millariga kuchim yermaydi!
Tong! Quyosh-
Erinib ochadi qizargan ko'zin.
To'zg'igan nurini taraydi shamol
Mudroqi soatga qarayman yana
Tag'in imillaydi-uyg'onish malol!
Shoshilib yamlayman,shoshib yutaman
Qo'lga Ilinganin naridan beri!
Oshqozon to'ng'illar,stul g'ichirlar
Yurak ora sira qo'yar pichirlab.
"Shoshil,ulgurasan kelmasdan Eri!"
Yo'lga otlanaman,manziling tayin
Ikkala oyog'im yerni sezmaydi.
Qo'ngiroqni uzmay chalib atayin
Eshik ochilish kutishim qiyin
Tushun,bu millarga kuchim yetmaydi
Eshik ochiladi! Ana, ko'rindi
Jussangga yarashgan gulgun jamoling.
Keling deysan tutib qattiq tang'ilgan
Yuzimdek qip qizil durra ro'moling.
Zo'rg'a chaynalaman montyorman asli,
"Kontrol"qilgani keldim simlari
Jonimni yoqadi bu diydor fasli
Sen esa bilmaysan shu kiyim uchun
Xizmatin qilganim necha kimlarni
Nigoxim poyingni quvadi zimdan
Uyingni simlari bir chetda qolib
Nomard millar endi yugarar qara
Ikki oyog'ini qo'liga olib!
Bu damlar abadiy davom etmaydi.
Soat millariga kuchim yetmaydi!
Miyyamda yarq etar bir orzuli o'y
Koshki yiqilsaydi oyog'i toyib
Yiqilsa edilar bari ustma ust.
To'xtasa edi vaqt,bo'lsaydi g'oyib!
Hayolim tarqatar qo'ng'iroq ovoz.
Ozgina kutsangiz kelar xo'jayin
Choy ichib dam oling hu-u-uv chetda biroz!
Vaqt shoshar jonimni yoqib atayin
Soatga qarayman og'rinib sekin
O'q uchi imlaydi "5 kam ayriliq"
Bari soz! Haqqimi? Sizlarga tekin.
Yig'lashga tushadi ishqim hayqirib!
Yo'l tortib ketaman uyimga yana.
Koshki orzularim ro'yob etsaydi
Kaftimda birgina tilak bor,mana!
Soatning milliga kuchim yetsaydi!

-------





@Mufarridaa