Ilm yoʻli oson emas, ammo undan oʻzga yoʻl ham yoʻqligini anglaganimizda hammasi osonroq kechadi. Hech kimni hayoti ideal emas, har birimiz qaysidir maʼnoda, qaysidir masalada sinovdamiz, azob chekamiz. Hech kimga koʻrsatmay yegʻlab oʻtirgan kunlarim boʻladi, oʻzimni dunyodagi eng yomon inson deb bilgan paytlarim ham… Ammo shunday vaziyatlarda inson oʻzini qoʻlga olishi kerak ekan. Chunki isloh uchun hali imkon bor, hali tirik ekanmiz noumid boʻlishlik faqatgina shaytondan. Shayton emasmi ilk bor Allohni magʻfiratidan noumid boʻlgan, tavbadan kechib laʼnatga uchragan…
Agar oʻzingizni yomon inson deb bilishingiz islohingiz uchun sabab boʻlayotgan boʻlsa bu juda ham yaxshi. Zotan Alloh taolo suygan bandasiga uning xatolarini koʻrsatib qoʻyadi, boshqalar bilan emas oʻzi bilan ovora qiladi. Oʻzimizni xatosiz, yaxshi, sal kam ideal deb oʻylashimiz kibrni uygʻotadi, xatolarimizni koʻrsatmaydi va aksincha atrofdagilarni xatolari koʻzimizga koʻrinaveradi. Natijada esa qalb kasalliklari ortadi.
Agar oʻzingizni yomon inson deb bilishingiz islohingiz uchun sabab boʻlayotgan boʻlsa bu juda ham yaxshi. Zotan Alloh taolo suygan bandasiga uning xatolarini koʻrsatib qoʻyadi, boshqalar bilan emas oʻzi bilan ovora qiladi. Oʻzimizni xatosiz, yaxshi, sal kam ideal deb oʻylashimiz kibrni uygʻotadi, xatolarimizni koʻrsatmaydi va aksincha atrofdagilarni xatolari koʻzimizga koʻrinaveradi. Natijada esa qalb kasalliklari ortadi.