Bilol Ablizov

Aslida Ona uchun barcha farzandlari birdek sevimli, ammo, katta bo'lgunicha kichigi, qaytib kelgunicha safardagisi, tuzalgunicha betobi sevimliroq bo’larkan…

©Farohiy

Eshitish boshqa, his qilish boshqa ekan.
Qadriga yeting, keyin yig'lab qolasiz!
Bu haqida alohida post bo'ladi

Yoshi kichik bo’lgan kattalar

To’rtinchi sinfga o’tgan jiyanim bilan bir ish qilishiga kelishdik.

Kattalardek muomila qildim. Ichidagilarni aytishni boshladi. Kelishish jarayonida yaxshigina muzokara qildi.

Ko’p odamlar yosh bolalar bilan yosh bolalardek gaplashadi. Fikrlarini mulohazasiz chetga suradi. O’z fikrini katta bo’lgani uchungina haq deb o’ylaydi.

Fikrni to’g’riligi yosh bilan o’lchanmaydi. Xato bo’lsa ham eshitib ko’rish kerak. Imkon berish zarur.

Nimani ham bilarding, aralashma, bor o’yiningni o’yna - bu gaplar bolaning ruhiyatiga ta’sir qiladi. Bunaqa gaplarni aytgan odamni bola yaxshi ko’radi deb o’ylamayman.

Biz ham bola bo’lganimizda biz bilan kattalardek gaplashganlarni yaxshi ko’rganmiz. Fikrimizni eshitadi. Suhbatlashging kelaveradi.

Kattalardek munosabat qilish o’ylanmagan foydalarni olib keladi.

Fikrini erkin bildira oladi. Savollar yog’ilib keladi. Qiziqishi ortaveradi. Qiziqishning ko’payishi ko’proq o’rganishga imkon yaratib beradi.

Bunday insonlarni bolalar yaxshi ko’radi. O’xshashga harakat qiladi. Qilgan ishini takrorlaydi, taqlid qiladi.

Avtoritet bo’lib qoladi

Namuna bo’lish orqali katta foydalarni olib ketishi mumkin.
Bola tez o’rganadi, uch-to’rtta takror bilan odat bo’lib qoladi. Toshga o’yib yozilgandek saqlanib qoladi.

Yaxshi ishni, odatni namuna bo’lish bilan o’rgatib qo’ysin. Umrini oxirigacha qiladi. Hulqi go’zallashadi. Savobiga sherik bo’ladi. Qancha kerak bo’lsa shuncha o’rgatsin.
Kamida o’zi foyda oladi.

Ehtiyot bo’lish kerak. Yomon ish qilganini ko’rib qoldi. Takrorlasa bu ham odat bo’lib qoladi, katta bo’lganida ham davom etsa, gunohiga sherik bo’ladi. Avtoritetlar ro’yxatidan chiqib ketadi.

Qilgan yomon ishini bola takrorlamagani uchun yutdi. Shu paytda o’rniga yaxshi ish qilmagani uchun, savoblardan quruq qolganiga yutqazdi.

Qilayotgan ishimizga e’tiborli bo’laylik. Bola kuzatib turgan bo’lishi mumkin.

@bilolablizov_blog

Kichiklaridan qoching!

Ko’p holatlarda katta gunohlar birdaniga qilinmaydi. Kichiklari boshlab beradi.

Yuz ming dollar pora bilan qo’lga tushgan ellik dollar olishdan,

Uyni o’marishga tushgan o’g’ri faoliyatini magazindan konfet o’g’irlashdan,

Yolg’onni sevadigan kazzob "Ha" deyishi kerak bo’lgan vaziyatda "Yo’q" deyishdan boshlagan bo’ladi.

Kichiklari zarar bermaydi deb o’ylaydi. Kattalariga yo’lboshchi ekanini bilmaydi.

Kattalarini qilmaslik uchun kichiklarini qilmaslik kerak. Kattasidan qo’rqish uchun kichigidan qo’rqish kerak.

Kichkinasidan qoching, kattasi
o’z-o’zidan uzoqlashadi.

Kichkina gunohlarda vaziyat ko’p bo’ladi. Sinovi ham shunga yarasha.

Prinsiplarga har qanday holatda sodiq bo’ling. Yutganlar qatorida bo’lasiz!

@bilolablizov_blog

Takrorlanmas bugun

4+1=5 matematikada ishlaydi, lekin umr misolida emas.

(Berilgan umr) - 1 = (qolgan umr)
(kun misolida)

Bu inson tug’ilgan kunda ishlaydigan formula.

Keyingi kunlarning barchasi kechagi kunning natijasidan ayriladi

(Kechagi qolgan umr) - 1 = (qolgan umr)

Yoki

(Berilgan umr)-1-1-...-1 = 0 (tugagan umr)

Tugamaydigan hisob emas. Qanchaligi aniq, faqat tugaganda bilinadi.

Dunyoga kelgan insonni xos tasbehi bor. Nechtaligi tugaganda bilinadi. Bir kun albatta tugaydi!

Har bir kunni o’z vazifasi bor. Ertaga amal qilishni boshlayman deydi. Erta "bugun" bo’lib keladi.

Kechagi bugun emas, noyob, "takrorlanmas bugun" bo’lib.

Ertaga amal qilsa ham zararda. Sababi, kechagi amalni foydasidan quruq qoldi.

Bugunimizni yutishimiz kerak. Ko’proq foyda bilan chiqishimiz kerak.

Qolgani bir gap bo’lar.

@bilolablizov_blog

Yillar ko’rinmay qoladi

G’alaba qilganda aksar insonlar mukofotni gapiradi. Ikki yuz ming dollar, uy, mashina. Bularga mazza deyishadi.

Bu natijani ortida umrni tikib yuborganini o’ylamaydi. Sinovlar og’ir bo’lganini his qilolmaydi.

Nazarga tushgan biznesmenlarning pullarini hisoblab o’tiradi. Qayerdan oladi shuncha pulni? deb o’ylab qoladi

Hammasini tugatishga yetarlicha sabablar turganda, bir kun yaxshi bo’ladi deb qiyinchilik bilan davom etganini o’ylamaydi.

Katta ustozlarga o’xshagisi keladi. Qancha o’gir kunlardan o’tishi aytilsa. O’ylanib qoladi.

Katta yutuqlarning otasi - sabr,
onasi - istiqomat bo’ladi.

Natija ko’rinsa yillar ko’rinmay qoladi. Hammasi yaqinda boshlanganday ko’rinadi.

Olimpiadalarda yangi sahifa ochayotganlarga g’alaba muborak bo’lsin! [1], [2]
Davomiy bo’lsin!

@bilolablizov_blog

Boshlab berish kerak

Atrofimizda bizga yoqmaydigan ishlar ko’p. O’zgartirishga harakat qilamiz. Ko’p urinishlar befoyda bo’ladi.

Yaqinlari mehr ko’rsatmasligi bilan noliydi.
Silai rahmni unutgan bo’ladi.

Kichkinalar salom bermaydigan bo’lib ketdi deydi. Rosululloh sallollohu alayhi vasallam birinchi bo’lib salom berganlari esiga kelmaydi.

Unga g’azab qilmasliklarini istaydi. O’zi g'azab qilsa ikkinchi tarafni ayblaydi.

Bir qavm o’zini o’zgartirmaguncha Alloh ularni o’zgartirmaydi (11-13)

O’zimizni o’zgartirishimiz kerak. Boshlab berish kerak.

@bilolablizov_blog

Afsuslarni kamaytiraylik!

Yangi Hijriy yil kirib keldi. Yil birdaniga kirib kelmadi. Kunlarni o’tishi yillarni olib keldi.

Har bir kunni o’tishi imkoniyatni kamaytiradi. Imkoniyatdan foydalanmaslik afsusni ko’paytiradi.

Kunlar osonlik bilan tark etyapti.

Qo’yilgan rejalar, boshlangan ishlarni, odatlarni tugamasidan tugatyapmiz. O’zimizga bergan va’dalarimiz ustidan chiqa olmayapmiz.

Kunlarni o’tishi ishonchimizni ko’tarishi kerak edi. Aksi bo’lyapti. Tutayotgan yo’limiz xatoligini belgisidir balki.

Ketgan pulni qaytarish mumkin. O’tgan kunni qaytarishni iloji yo’q. O’tgan yillarni qaytarishni iloji yo’q.

Qiyinchilik vaqt o’tishi bilan ketadi. Afsuslar o’lim bilan ham tugamaydi.

Afsuslarni kamaytiraylik!

Hijriy 1446-yil muborak bo’lsin!

@bilolablizov_blog

Parvozingiz xayrli bo’lsin!

So’ngi ikki yilligim unutilmas tarzda o’tdi. Yangi sinfdoshlar, do’stlar, yaqinlar. Ularning barchasi men uchun qadrli.

Sinfdoshlar tanlash imkoniyati berilmagan tanishlar hisoblanadi. Yaxshi sinfdosh katta ne’mat. Buni maktabini o’zgartirganlar tushunadi

Iqtidorlar orasida jamlanish, ilmga muhabbati borlar bilan birga bo’lish. Sizni to’xtamay birga harakat qilishga majbur qiladi.

Bugun bitiruv. Maktab tugaydi. Bundan keyin hayotim qanaqa o’zgarishini bilmayman. Lekin ustozlarim, sinfdoshlarimni, do’stlarimni sog’inaman...

Bir muddat sinfdoshlar, yaqinlar bilan ajralamiz. Ularning har birlari katta hayot safariga chiqishadi.

Bir kun kelib yana bir reysda ular bilan bir jamoa bo’lib ummatni foydasi uchun kattayu - kichik loyihalar, g’oyalar ustida jamlanishni Allohdan so'rayman.

Do’stlarim, yaqinlarim xavfsizlik kamarimiz - ilm bo’lsin!

"Sodiq School" havo yo’llari ilmkompaniyasi bort kuzatuvchisi Nargiza Ustoz gapiradilar:
"Xonimlar va janoblar!
Maktab - Katta hayot yo’nalishi bo’yicha 11-reys qatnovni bajarishga tayyor. Uchish davomiyligi noma’lum. Iltimos xavfsizlik kamarlaringizni taqib oling. Parvozingiz yoqimli bo’lsin.

Xayrli kun Hurmatlilar!
Kema kapitani Mansur Siddiqov gapiryapti. 11-sonli parvozimiz kechagidan yaxshiroq bo’lsin. Hamrohim Hasanxo’ja Muhammad Sodiq bilan birgalikda uchishga tayyormiz.
Parvozingiz xayrli bo’lsin!

@bilolablizov_blog

Qurbon hayit muborak bo'lsin 😊
Hayitliklar esdan chiqmasin-a 😉

Shakar kelganida sinaladi

Atrofida shirinlik sotadigan do’konlar bo’lmasa. Shirinlikni yoqtirmaydigan insonlar yonida to’lib yotgan bo’lsa. Yeyish uchun vaziyatlar bo’lmasa - shirinlik yemayman, tiyilaman deb aytilaveradi.

Shakar bo’lmagan paytda - tiyilaman, iste’mol qilmayman deyish. Haqiqiy tiyilish emas. Ilojsizlik bo’lishi mumkin.

Vaqt bemalol bo’lsa, kasallik, qiyinchiliklar, chalg’itadigan telefon bo’lmasa. Tabiiy, ilm olish, dars qilish oson bo’ladi.

Kasal bo’lganda ham darsini qoldirmasdan qilish. Qiyinchiliklar, sinovli vaziyatlarga qaramasdan davom ettirish qiyin. Bu janglarda yutish. Mana shu haqiqiy intizom.

Shakar bo’lmaganida maqomimizni belgilab olmaylik. Haqiqiy maqomimiz shakar borligida bilinadi.

Og’ir janglar shakar kelganida boshlanadi. Insonlar shakar kelganida sinaladi

@bilolablizov_blog

Ko’proq foyda beradi

Odam o’zini xatolarini doim kuzatib yurishi qiyin. Esidan chiqadi, chalg’ib qoladi. Oldingidek harakat qilmay qo’yadi.

Solih do’st, doim birga yuradigan yaqini bo’lsa unday emas. O’zi unutganida ular eslatib turadi.
Unga yoqmasa ham.

Xatolarini eshitish kimga ham yoqardi?

Do’stlar doim birga bo’lmasligi mumkin. Demak, turli vaziyatlarda davomiy birga bo’ladigan rostgo’ylarga yaqinlashish kerak.

Ishda hamkasblar, sayohatda do’stlar, uyda aka-uka. Xato qilsa darrov aytadigan.

Doim maqtayveradiganlar halokatga eshik ochib qo’yadi.

Xatolaringizni aytadiganlarni yaxshi ko’ring. Mana shu ko’proq foyda beradi.

Inson xatolarini unga aytib turadiganlar bilan birga bo’lishi kerak. Qancha xatolar vaqtli aytilsa yutqazish shuncha kam bo’ladi.

Xatolarni kamaytirish uchun yaxshi insonlarni ko’paytirish kerak!

Yaxshi insonlarni ko’paytirish uchun xatolarni kamaytirish kerak!

@bilolablizov_blog

Boshqachasiga ko’nmaslik kerak!

Chempionlar ligasi 5 karra g‘olibi.
5 karra oltin to‘p sohibi.
Yevropada sanoqsiz titullar va rekordlar egasi.
Butun davrlar bo‘yicha eng yaxshi futbolchilardan biri deb tan olinadigan daho.

2023-yil yanvarda kutilmagan burilish qiladi.
O‘zi uchun umuman notanish bo‘lgan Saudiyaning "Al-Nasr" klubiga o‘tadi.

Ortidan yulduzlar kela boshlaydi.
Liganing translyatsiya orqali oladigan daromadi bir necha karraga oshadi.
39 yoshida 35 ta go‘l urib Saudiya Pro Ligasida topurar bo‘ladi, oltin butsa sohibiga aylanadi.

Shuncha katta so’vrinlar yutadi.
Shu darajada rekordlar ko'p urganidan Unga beriladigan ta'rif: "Rekordlar uni quvlab yuradi"

Lekin...

Saudiya kubogi finalida "Al-Hilol" raqibiga qarshi penaltilar seriyasida qattiq hayajonlanganidan jamoadoshini to’p tepishiga qaray olmasligi, go’l ursa o’zida yo’q hursand bo’lishi.
Yakunda hatto Saudiyaliklarni o’zi ham bunchalik siqilgani yo’q, lekin Uning yig’lab yuborgani Meni o’ylantirdi.[1], [2]

Nega? Axir U yutgan so‘vrinlar orasida eng darajasi kichiklaridanku?

Cristiano uchun unday emas ekan.
Katta yoki kichik degan narsa yo‘q unda.
Har bir o‘yin U uchun katta.
Har bir so‘vrin U uchun muhim.

Yilda ikki marotaba 23:00 dan so‘ng uxlar ekan.
Bu uning intizomidan bir parcha xolos.

Tarixdagi eng yaxshi to‘purar bo‘lishiga qaramasdan doimiy harakatlari bilan hayotda oxirgacha kurashish kerakligini yuqori namunasini ko‘rsatib kelyapti.
Taslim bo‘lmaslikni, qayta-qayta o‘rindan turishlikni oliy ko‘rinishini ijro etib kelyapti.

Uning faoliyati kurashning eng zo’r ko’rinishi.

Balki shu darajaga yetishiga mana shu xarakteri sabab bo‘lsa kerak.
Har o’yinda eng yaxshisi uchun harakat qiladi.

Shunday bo’lishi kerak.
Boshqachasiga ko’nmaslik kerak!

Shunda o’z ishini Cristianosi bo’ladi

@bilolablizov_blog

Zarari yillar o'tib seziladi

Do’st tanlashda ehtiyot bo’lish kerak.Ishonchga kirib, sinovli vaziyatlarda kimligini ko’rsatayotganlarni ko’ryapmiz.

Harakati, odobi, odatlari chiroyli insonlar bilan do’st bo'lish kerak.Ular bilan do’stlashgan odam hech qachon yutqazmaydi.

Ular bilan do’stlashish qiyin bo’lishi mumkin, lekin do’stning xiyonatini qabul qilish undanda og’ir.
Buni faqat his qilganlar tushunadi.

Axloqi yomon bo’lsa "Menga zarari tegmayapti" deydiganlar bor.
Unday insonlar zarari yillar o’tib seziladi.

Haqiqiy, qiyomatli do’stni topish uchun qiynalish kerak.Qiynalganlar foydasini oxiratda ham ko’radi.

Sodiqlar bilan birga bo’linglar (9-119)

@bilolablizov_blog

Bu kunni hamma yaxshi ko’radi

Bu kunni hamma o’zgacha kutib oladi. Ertalabdan tayyorgarliklar avjida. Erkak-yigitlar yangi kiyimlarni kiyib masjidga ketishadi, ayol-qizlar ko’chalarga suv sepib top-toza qilib qo’yishadi.

Xo’rozqand, bolalik, hayitliklar - bu kunni shukuhi o’zgacha. Qancha ko’p narsa yeyilsa ham isrof bo'lmaydi.

Bu kunni barokati o’zgacha.
Hamma samimiy bo’ladi. Hadyalar
ko’p-ko’p ulashinadi😊
Haqiqiy bayramimiz shu.

Alloh boshqa musulmon yurtlariga ham shu tinchlikni bersin. Duo qilaylik, g’alabani ko’rsatsin Robbim.

Hammamiz hayitni yaxshi ko’ramiz. Rosululloh Allohdan so’rab olgan ikki kundan biri.
Ramazon Hayit Muborak bo’lsin

@bilolablizov_blog

Ramazon

Katta uchrashuvlar, marosimlar oldidan qattiq tayyorgarlik ko’riladi.
Qancha muhim, qadrli bo’ladigan bo’lsa shuncha ko’p mehnat qilinadi, hayajon bo’ladi.

Demak, aqlli inson tayyorgarlik ko’rishi kerak.
Bunga eng loyig’i Ramazon bo’lishi kerak.

Agar bir kun oldin osmondan tillolar yog’iladi deyilsa, qo’lidan kelgan hamma ishni qiladi, ko’proq boylikka erishish uchun.Bu oyning har bir kuni bundanda afzal.Jannat eshiklari ochiladigan, jahannam eshiklari yopiladigan oy.

Katta janglardan oldin "face to face" marosimi bo’ladi.Raqiblar yuzma-yuz ko’rishishadi.

Ertaga shunday bo’lishi kerak.Nafs bilan jangdan oldin "face to face" bo’ladigan kun.
Tayyorlanish, rejalar tuzish, ibodatga qattiq bel bog’lash kuni.

Bir oy davom etadigan jang bizni kutib turipti nafsimiz bilan, aslida umrimizni oxirigacha davom etadigan jang.Lekin shu oyda bizga ko’p imkoniyatlar beriladi

Bir dushmaning kishanlangan, ikkinchisi zaif holatda.
Foydalanib qolish kerak.

Agar nafsni o’zim sindiraman desa, o’ziga tayansa kishi adashadi, Robbisi uni o’zini holiga tashlab qo’yadi! Sababini qilib, Robbisiga suyansa O’zi unga yengib beradi.

Haqiqiy o’zgarishlar Yangi yildan emas, Ramazondan boshlanadi.
G’animat bilish kerak.Oxirgisi bo’lishi mumkin.

Ramazondan unumli foydalanish uchun ba’zi maslahatlar, dasturlar ro’yxatini yozib chiqdim.

Marhamat: https://telegra.ph/Ramazon---Ozgarish-oyi-03-09

@bilolablizov_blog

O'rgana olmaydi!

Yaxshi bola ekan dedi.Vaqt o'tdi do'st bo'lib ketdi.Yaqin oldi, sirlarini aytdi.Aldab ketdi.

Xato qildim dedi, lekin bilmagan edi.Endi kimdir bilan do'st bo'lishidan oldin yaxshilab surishtiradi.

Yangi til o'rganayotganda gapirmadi.Xato qilishdan qo'rqdi.Gapirmagani uchun afsusda.
Xato qilib bo'lsa ham gapirganlar hozir "sayrayapti"

Xato qilish tabiiyligini tushunib yetmaguncha o'rgana olmaydi.

Xato qilmaslikni kutadi.Ko'p imkoniyatlarni qo'ldan boy beradi.

— Ayting-chi, Janob Edison, qanday qilib bitta lampochkani yaratishga urinib, ketma-ket ikki ming marta muvaffaqiyatsizlikka chidash mumkin? - dedi yosh jurnalist

"Yaxshi yigit" , men bu lampochkani yaratishda ikki ming marta xato qilmadim. Men lampochkani yasamaslikning bir ming to'qqiz yuz to'qson to'qqiz usulini topdim deb javob berdi Edison.

Aslida katta natijalar,yutuqlar ko'plab xatolar ortidan keladi.

Agar savol bergan yosh jurnalist ham xato qilishdan qo'rqqanida, ixtirochining ajoyib gaplari bizga yetib kelmagan bo'lar edi.

Yangi tilni endi o'rganayotgan inson ham xato qilib gapiradi, aslida esa qanday qilib gapirmaslik kerakligini uslublarini topayotgan bo'ladi.

Harakat qilayotgan insongina xato qiladi, hechnima qilmayotgan insonning xatolari bo'lmaydi.

Haqiqiy xato — xatoligini bilib qilish.

Muhimi xatoni bilib qilmaslik kerak

@bilolablizov_blog

Bolalikka qayting

Yosh bola xohlagan narsasini olish uchun yig'lab ko'radi, baqiradi, qo'lidan kelganini qiladi.

Biz ham shunday bo'lganmiz.Istaganimizni olish uchun hamma ishni qilib ko'rar edik.

Katta bo'ldi.Xohlagan narsasiga erishish uchun qo'lidan kelganini qilmayapti?

Boshqa muhim bo'lmagan, kelajakda unga yordam bermaydigan ishlar bilan band.

Nega?

Axir yoshligida har bir imkoniyatdan foydalangan edi-ku.Balki o'zini aldayotgandir?

Balki nima xohlayotganini bilmas?

Bilish uchun nima qilish kerak?

O'zi bilan o'zi suhbat qurish, qiziqishlarini topish, maqsadlarini aniqlash, xolis bo'lish o'ziga nisbatan.

Bolalikda aslida nima unga kerak ekanligini bilmas edi.Katta bo'lib bildi, lekin tushunmayapti.

Bolalikka qaytish kerak.Xohlagan narsasini olish uchun bor imkoniyatdan foydalanish kerak. Faqat yig'lash o'rnini sabr, baqirishni esa mehnat egallashi zarur.

Baribir katta bo'lsa ham "yig'layapti, baqiryapti" faqat ichida yoki boshqa ko'rinishda.

@bilolablizov_blog

Chidab bersangiz, yutasiz!

Stomatit degan kasallik bor.Og‘iz bo‘shlig‘i shilliq qavatining yallig‘lanishi.

Gapirish qanday ne'mat ekanligini og'rig'i bilan tushuntirib qo'yadi

"Perekis vodorod" bilan og'izni artib tashlash kerak.Juda qattiq og'riydi, lekin keyin tez tuzaladi.Artilmasa davomiy og'riq berib boradi.

Uning o'rniga vaqtinchalik og'riqni kamaytiradigan sprey lar bor anasteziya uchun.

Bularni hayot misolida ko'rish mumkin

Og'riq – ilmsizlik,tajribasizlik,sog'liqqa e'tibor bermaslik,vaqtni g'animat bilmaslik.

16 dan 25 yoshgacha juda muhim davr hisoblanadi.Qolgan umr qanday o'tishi shu davrga bog'liq.

Vaqtinchalik anasteziya – xohlagancha dam olish,foydasiz o'yinlar o'ynash,doimiy Reels ko'rib borish.
Hammasi yaxshi ketayotgandek tuyuladi.Bu bilan inson o'zini aldashi mumkin, lekin buni og'rig'i umri davomida ta'sir qiladi.

Perekis vodorod – ilm olish,Ustozlarga shogirt tushish,sport bilan shug'ullanish,izlanish.Doimiy qilib borish,intizom bilan.
Juda og'riqli, lekin chidab bersangiz, yutasiz.

"Perekis vodorod" ni g'animat biling!

@bilolablizov_blog