Чистая Энергия ӏ Sof Energiya

Безуглеродная энергетика: Узбекистан и мировые новости

Продам твой канал за сутки.

Любой по федеральной программе.

Продам канал с доходом 138090

Всего за 55 000. Срочно нужны деньги.

Statistika Saralanganlar

Билимлендириў жаңалықлары

@bilimlendiriw_uz

Kanal geosi va tili: O‘zbekiston, O‘zbekcha

Toifa: Ta’lim

Педагоглар, студентлер, абитуриентлер ҳәм оқыўшылар ушын билимлендириў тараўына байланыслы ең соңғы жаңалықларды сәўлелендирип барамыз.
Мүрәжат: @bilimlendiriwbot
Реклама: @channeladdsbot

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Ta’lim

Statistika

Postlar filtri

O‘chirilganlarni yashirish

Repostlarni yashirish

Билимлендириў жаңалықлары

26 Jan, 08:45

🏣 Енди Қарақалпақ мәмлекетлик университети ҳәм Қарақалпақстан медицина институты «OpenBudget»те қатнаса алмайды

📑 Олий Мажлис Сенаты кеңесиниң 2025-жыл 13-январьдағы қарарына тийкар, «Басламалы бюджет» процесин өткериў бойынша әмелдеги тәртипке тийисли өзгерислер киргизилди.

📆 Оған бола, өзин-өзи қаржыландырыў системасына өтилгени есапқа алынған ҳалда, 2025-жылдың 1-мәўсиминен баслап финанслық жақтан еркин болған ЖООлардың басламалы бюджет процесслеринде қатнасыўына рухсат етилмейди.

☑️ Мағлыўмат орнында атап өтиў керек, Қарақалпақстан Республикасындағы 2 ЖООға — Бердақ атындағы Қарақалпақ мәмлекетлик университети ҳәм Қарақалпақстан медицина институтына финанслық еркинлик берилген еди.

📤 Постты жақынларыңызға тарқатың.

👩‍🏫 @bilimlendiriw_uz — билимлендириў тараўына байланыслы әҳмийетли хабарлар

2.9k 5 11 2 11

Билимлендириў жаңалықлары

22 Jan, 16:43

Нөкис техника университети шөлкемлестириледи

Президент Шавкат Мирзиёев басшылығындағы жыйналыста Нөкис, Бухара, Ферғана ҳәм Наманган техника университетлерин шөлкемлестириў жойбарлары презентация етилди. Оған бола, жаңа бағдарлар ашылып, сырт ел бағдарламалары енгизиледи, студентлердиң илимий-инновациялық процесслердеги қатнасы кеңейтиледи, жоқары оқыў орынларына санаат бирге ислесиўшилери бириктириледи.

📤 Постты жақынларыңызға тарқатың.

👩‍🏫 @bilimlendiriw_uz — билимлендириў тараўына байланыслы әҳмийетли хабарлар

5.9k 0 30 32

Билимлендириў жаңалықлары

17 Jan, 11:57

00:55

Video oldindan ko‘rish uchun mavjud emas

Telegram'da ko‘rish

🍝 Мектеплерде сатылыўы қадаған етилген өнимлер ҳәм аўқатлар дизими

🌮 Улыўма билим бериў мәкемелеринде рухсат етилмейтуғын 38 түрдеги азық-аўқат өнимлери ҳәм тағамларының дизими менен танысың.

📑 Бул дизимдеги өнимлерди сатыўға жол қойыў нызамшылық шеңберинде жуўапкершиликке себеп болады.

📤 Постты жақынларыңызға тарқатың.

👩‍🏫 @bilimlendiriw_uz — билимлендириў тараўына байланыслы әҳмийетли хабарлар

8.8k 0 67 1 7

Билимлендириў жаңалықлары

10 Jan, 17:25

🧑‍💻 Қарақалпақстанда билимлендириў тараўына байланыслы вакант лаўазымларға ашық таңлаў жәрияланды

📑 Мектепке шекемги ҳәм мектеп билимлендириў министрлиги системасындағы вакант лаўазымларға ашық таңлаў жәрияланды. Олар:

▪️ Нөкис қалалық бөлими баслығы — силтеме;
▪️ Шымбай районлық бөлими баслығы — силтеме;
▪️ Елликқала районлық бөлими баслығы — силтеме.

🗓 Арзаларды қабыллаў 14-январь күни саат 23:59 да өз жуўмағына жетеди.

📤 Постты жақынларыңызға тарқатың.

👩‍🏫 @bilimlendiriw_uz — билимлендириў тараўына байланыслы әҳмийетли хабарлар

10.9k 3 87 16

Билимлендириў жаңалықлары

10 Jan, 09:15

❓ Мектеп директоры оқытыўшыдан дөгерек шөлкемлестириўди талап етиўи мүмкин бе?

📑 Хабарыңыз бар, Улыўма орта билим бериў мектеби (мектеп-интернат) хызметкерлериниң лаўазымлық инструкцияларында оқытыўшының лаўазым миннетлемелери белгилеп берилген.

👩‍💻 Оған бола, муғаллим пәнлерди өзлестириўде қыйналып атырған ҳәм қәбилетли оқыўшылар менен ислесиў мақсетинде өз пәни бойынша дөгерек шынығыўларын шөлкемлестириўи керек.

☑️ Солай екен, мектеп директоры оқытыўшыдан өз пәни бойынша дөгерек өтиўди талап етиўи мүмкин. Бул ҳуқықый тийкарға ийе.

📤 Постты жақынларыңызға тарқатың.

👩‍🏫 @bilimlendiriw_uz — билимлендириў тараўына байланыслы әҳмийетли хабарлар

11.4k 3 110 15

Билимлендириў жаңалықлары

10 Jan, 08:43

️📆 Мектеплерде III шерек сабақлары 13-январь, дүйшемби күнинен басланады

📑 Мектепке шекемги ҳәм мектеп билимлендириў министрлиги мектеплерде III шерек сабақлары 13-январьдан басланатуғынын мәлим еткен еди.

☑️ Мектеплерде 2025-жыл 11-январь (шемби) күни белгиленген сабақлар 2024-жыл, 28-декабрь (шемби) күнине өткерилди. Усыған муўапық, оқыў жылының III шереги 2025-жыл 13-январь (дүйшемби) күнинен басланады.

📤 Постты жақынларыңызға тарқатың.

👩‍🏫 @bilimlendiriw_uz — билимлендириў тараўына байланыслы әҳмийетли хабарлар

11k 6 101 8

Билимлендириў жаңалықлары

3 Jan, 20:06

Мектеплерде ер балалардың шашының узынлығы қанша болыўы керек?

📑 Өзбекстан Республикасы Министрлер Кабинетиниң 2018-жыл, 15-август күнги 666-санлы қарарына тийкар, мектеп оқыўшыларының (ер балалар) шашының узынлығы 2-3 сантиметрден узын болмаўы керек.

💇‍♂ Оқыўшылар (ер балалар) мектепке пирсинг ислеткен ҳалда ямаса татуировка түсирилген ҳалда шашларын ҳәр түрли реңлерге бояп келиўи қатаң түрде қадаған етиледи.

📤 Постты жақынларыңызға тарқатың.

👩‍🏫 @bilimlendiriw_uz — билимлендириў тараўына байланыслы әҳмийетли хабарлар

19.5k 0 217 7 23

Билимлендириў жаңалықлары

3 Jan, 19:13

4-класслар ушын таярлық dan repost

🧤5-январь күни 3-4 класс балаларын таярлыққа қабыллаймыз❗️

Бул курс Президент мектеби , Ал-Хорезмий ИТ мектеп ҳәм қәнигелестирилген мектеплерге таярлайды.

Муғәллимлери:
✅5 жылдан бери Президент мектебине ҳәм Ал-Хорезмий ИТ мектепке таярлап атырмыз.

Нәтийжелери:
✅ 4 жылдан берли Қарақалпақстанда ең көп оқыўшысы Президент мектепке кирген.
2021-жыл 26 оқыўшы 48ден

2022-жыл 14 оқыўшы 24тен
2023-жыл 17 оқыўшы 24тен +1 оқыўшы 10-классқа
2024-жыл 15 оқыўшы 24тен +1 оқыўшы 10-классқа, 1 оқыўшы 7-классқа. Улыўма 75 оқыўшының сол мектепке кириўине себепши болдық.

✅Нөкис кәнигелестирилген мектеп ҳәм Нөкис Ал-Хорезмий мектепке ең көп оқыўшылары кирген.

Билимге қуштар балаларды интизарлық пенен күтип қаламыз.5-январь күни азаңғы 9:00 ден 16:00ге шекем отбор болып өтеди.

Адрес: Бердақ №65. қоңыр жай
Ориентир: Калинин көше SQB банк қарама-қарсы тәрепи

📍Локация

📱 +998937149091
☎️ +998612227171
👤Хабарласыў боты

Сапалы билимлендириў-жоқары нәтийжеге жетеклейди

©Мастер Шифу

Телеграм каналымыз

8.3k 0 22 1 11

Билимлендириў жаңалықлары

25 Dec 2024, 15:39

ҚР Мектепке шекемги ҳәм мектеп билимлендириў министрине еки орынбасар тайынланды

Мухаббат Шылымбетова — Қарақалпақстан Республикасы Мектепке шекемги ҳәм мектеп билимлендириў министриниң Мектепке шекемги билимлендириў мәселелери бойынша орынбасары лаўазымына;

Қәдирбай Исмаилов — Қарақалпақстан Республикасы Мектепке шекемги ҳәм мектеп билимлендириў министриниң руўхий-ағартыўшылық ислер бойынша орынбасары лаўазымына тайынланды.

📨 Постты жақынларыңызға тарқатың.

🔹 @bilimlendiriw_uz — билимлендириў тараўына байланыслы әҳмийетли хабарлар

12.2k 0 44 5 36

Билимлендириў жаңалықлары

25 Dec 2024, 13:38

💰 1-январьдан балалар бақшасы ушын төлем көтериледи

Мектепке шекемги билимлендириў шөлкемлеринде балалардың тәмийнаты ушын ата-аналар төлеминиң жаңа муғдарлары тастыйықланды.

Атап айтқанда, Өзбекстан бойынша 2025-жыл 1-январьдан баслап балалар бақшасы ушын төлем орташа 8,5−10,8 процентке көтериледи.

Төменде Ташкент қаласында, ўәлаят ҳәм район орайларында балалар бақшасы ушын ата-аналар төлеминиң жаңа муғдарларының кестеси келтирилген.

Еслетип өтемиз, соңғы рет баҳалар усы жылдың июнь айында орташа 18,7-21 процентке көтерилген еди.

📨 Постты жақынларыңызға тарқатың.

🔹 @bilimlendiriw_uz — билимлендириў тараўына байланыслы әҳмийетли хабарлар

14k 3 179 5 21

Билимлендириў жаңалықлары

22 Dec 2024, 10:15

00:11

Video oldindan ko‘rish uchun mavjud emas

Telegram'da ko‘rish

«Агролайф» «ҚВЗ»да сыйлы 2-орынды ийеледи

Қарақалпақстан аўыл хожалығы ҳәм агротехнологиялар институтының «Агролайф» командасы «Қуўнақлар ҳәм зийреклер» таңлаўының финал басқышында сыйлы 2-орынды ийеледи ҳәм 100 млн сум пул сыйлығы менен сыйлықланды.

📨 Постты жақынларыңызға тарқатың.

🔹 @bilimlendiriw_uz — билимлендириў тараўына байланыслы әҳмийетли хабарлар

9.2k 5 9 12 42

Билимлендириў жаңалықлары

20 Dec 2024, 11:30

🏣 Қысқы оқыўды көшириў ушын арзаларды қабыллаў 20-декабрьден басланады

☑️ Қысқы «перевод»та тек ғана мәмлекетлик ЖООлар арасында тек 2 себепке бола қыста оқыўды көшириў мүмкин:

• студент шаңарақ қурыўы мүнәсибети менен өмирлик жолдасы турақлы жасайтуғын аймақтағы жоқары билимлендириў мәкемесине оқыўын көшириўди қәлегенлерге;
• мәмлекетлик уйымлардың хызметкерлери жумыс орны өзгерген жағдайда оның өмирлик жолдасы ямаса жас өспирим перзенти оқыўын көшириўди қәлегенлерге тийисли министрлик (хызмет) басшысының усынысы тийкарында).

📨 Постты жақынларыңызға тарқатың.

🔹 @bilimlendiriw_uz — билимлендириў тараўына байланыслы әҳмийетли хабарлар

9.7k 0 9 1 7

Билимлендириў жаңалықлары

19 Dec 2024, 22:25

04:37

Video oldindan ko‘rish uchun mavjud emas

Telegram'da ko‘rish

«САБАҚТАН СОҢ»

Қосық қатарлары Өзбекстанға мийнети сиңген мәденият хызметкери Мәтназар Абдулҳәким қәлемине тийисли болып, қарақалпақ тилине Аллаяр Дәрменов тәрепинен аўдарылған.

Бул қосық қатарлары ушын 2003-жылы Қарақалпақстан Республикасының Елликқала районында «Устазға ҳүрмет» естелиги орнатылған.

Сизиң нәзериңизге усынылып атырған видео Жаслар ислери агентлиги Қарақалпақстан Республикасы басқармасы тәрепинен таярланды.

📨 Постты жақынларыңызға тарқатың.

🔹 @bilimlendiriw_uz — билимлендириў тараўына байланыслы әҳмийетли хабарлар

10.6k 5 85 8 14

Билимлендириў жаңалықлары

18 Dec 2024, 08:40

Билимлендириў жаңалықлары dan repost

♻️ Оқытыўшылардың методикалық күнлери қайта енгизилиўи мүмкин

💻 Президент қарарына бола, 2025-жыл 1-январьдан баслап төмендеги ҳәпте күнлери оқытыўшылар ушын «Кәсиплик раўажланыў күнлери» сыпатында белгилениўи мүмкин:

🔴 Дүйшемби — анық пәнлер (математика, информатика ҳәм информациялық технологиялар);

🔴 Шийшемби — филология пәнлери (ана тили ҳәм әдебият, өзбек тили/рус тили);

🔴 Сәршемби — тәбийғый пәнлер (физика ҳәм астрономия, химия, биология, география ҳәм экономика, тәбийғый пән (Science));

🔴 Пийшемби — социаллық пәнлер (тарийх, мәмлекет ҳәм ҳуқық тийкарлары, тәрбия);

🔴 Жума — шет тиллери;

🔴 Шемби — әмелий пәнлер ҳәм баслаўыш тәлим (сүўретлеў өнери, сызыў, музыка мәденияты, технология, дене тәрбиясы, шақырыўға шекемги басланғыш таярлық, баслаўыш тәлим).

🚀 Постты жақынларыңызға тарқатың.

🔹 @bilimlendiriw_uz — билимлендириў тараўына байланыслы әҳмийетли хабарлар

8.2k 0 87 6 19

Билимлендириў жаңалықлары

17 Dec 2024, 07:08

⚡️️ Нөкис инновациялық институты тағы бир халықаралық рейтингде жоқары орынды қолға киргизди

🗓 2024-жылдың соңына келип «UI GreenMetric World University Rankings ─ 2024» (UI GreenMetric Дүнья университетлери рейтинги ─ 2024) рейтинги жәрияланды.

🏫 Қарақалпақстан Республикасында биринши болып жумыс баслаған жеке меншик жоқары оқыў орны ─ Нөкис инновациялық институты усы абырайлы дүнья рейтингинде мүнәсип орынды қолға киргизди.

❗️ Ҳәзирги ўақытта Нөкис инновациялық институты бул рейтингде дүньядағы 1477 жоқары оқыў орынлары арасында 1364-орында, Өзбекстандағы 200 ден аслам жоқары оқыў орынлары арасында 50-орында бармақта.

Мағлыўмат ушын, «UI GreenMetric World University Rankings» халықаралық рейтинги 2010-жылы шөлкемлестирилген болып, дүньядағы абырайлы ЖООлар 39 экологиялық норма бойынша ҳәм 6 әҳмийетли көрсеткишлер арқалы экологиялық миннетлемелери ҳәм басламаларынан келип шығып анықланады.

📌 Еслетип өтемиз, буннан бираз алдын Нөкис инновациялық институты «World University Rankings ─ 2025» дүнья рейтингине кириў ушын талабан ─ «Репортер» статусына ийе болған еди.

Нөкис инновациялық институты Баспасөз хызмети

🔹 @bilimlendiriw_uz — билимлендириў тараўына байланыслы әҳмийетли хабарлар

5.9k 0 25 1 26

Билимлендириў жаңалықлары

16 Dec 2024, 07:12

📚 Мектеп сабақлықлары быйыл да бийпул бола ма?

Усы жылдың 3-декабрь күни Олий Мажлис Нызамшылық палатасында болып өткен мәжилисте 2025-жыл ушын Мәмлекетлик бюджет нызам жойбары мақулланды.

Болып өткен мәжилистиң додалаўында болса мектеп сабақлықлары ижара төлемин қайта енгизиў усынысының қабыл етилгени ямаса қабыл етилмегенлиги ҳаққында анық мағлыўмат тилге алынбаған.

Сол себепли, «xalqtaliminfo.uz» бул мәселеге анықлық киргизиў мақсетинде Мектепке шекемги ҳәм мектеп билимлендириўи министрлиги менен байланысқа шыққан. Редакция сораўына жуўап ретинде министрлик хызметкери мектеп сабақлықларының ижара төлемин қайта енгизиў усынысы қабыл етилмегенин мәлим еткен.

«Мектеп сабақлықларын төлемли етиў усынысының өзи алдыннан Мәмлекетлик бюджет нызамының жойбарында жоқ еди. Бул усыныс тек ғана Бюджетнамаға айтылған еди», — делинеди министрлик хабарында.

📨 Постты жақынларыңызға тарқатың.

🔹 @bilimlendiriw_uz — билимлендириў тараўына байланыслы әҳмийетли хабарлар

7.5k 0 6 3 12

Билимлендириў жаңалықлары

12 Dec 2024, 08:11

❗️Мектеп оқыўшылары ушын қысқы дем алыс 29-декабрьден басланады

🗂 Мектеп оқыўшылары ушын II шеректиң соңғы оқыў күни 28-декабрьге туўра келип, 29-декабрь күни қысқы дем алыстың дәслепки күни есапланады.

☑️ Дем алыс 2025-жыл 12-январьға шекем даўам етеди. III шерек 2025-жылдың 13-январынан басланады.

📑 Еслетпе: Дем алыстың соңғы күни байрам (исленбейтуғын) күнге туўра келип қалған жағдайда, сабақ шынығыўлары кейинги жумыс күнинен баслап даўам еттириледи.

🗓 1-класс оқыўшылары ушын февраль айы даўамында қосымша бир ҳәптелик дем алыс белгиленеди.

✅ @bilimlendiriw_uz — билимлендириў тараўына байланыслы әҳмийетли хабарлар

17.3k 3 210 26

Билимлендириў жаңалықлары

10 Dec 2024, 11:37

💰 Uzbekistan Airways студентлер ушын шегирме жәриялады

▪️ Орта арнаўлы, кәсип-өнер ҳәм жоқары оқыў орынлары студентлери ушын 23-декабрьден 2025-жыл 7-январьға шекем әмелге асырылатуғын барлық жергиликли авиақатнаўлардың эконом класс авиабилетлерине 50 процентке шекем шегирме бериледи.

📨 Постты жақынларыңызға тарқатың.

🔹 @bilimlendiriw_uz — билимлендириў тараўына байланыслы әҳмийетли хабарлар

8.9k 2 59 10

Билимлендириў жаңалықлары

10 Dec 2024, 10:38

⚡️ Рәсмий: Мектеплерде сабақларды бөлип өтиўге рухсат берилди

📑 Өзбекстан Республикасы Президентиниң 2024-жыл 30-сентябрьдеги ПҚ-346-санлы қарарының 3-қосымшасы менен Министрлер Кабинетиниң 2005-жыл 21-декабрьдеги 275-санлы қарарының 22-бәнти төмендегише редакторланды:

📍 Бөлип оқытылатуғын пәнлер бойынша топарлардан биреўиниң оқытыўшысы ҳәр түрли себеплерге бола сабақта болмаған жағдайларда топарлар қосымша оқытылады ҳәм қосымша оқытыў ушын қосымша ҳақы төлемлери әмелге асырылмайды.

➕ Төмендеги бәнт қосылды: Бунда усы пәнлер бойынша оқытыўшылар бар болса, бөлип оқытыўға рухсат етиледи.

☑️ Мектепке шекемги ҳәм мектеп билимлендириў министрлиги жуўапкериниң мәлим етиўинше, орынлардағы түсинбеўшиликлердиң алдын алыў ҳәм мәселеге анықлық киргизиў мақсетинде усы абзац қосымша түрде киргизилген.

☝️ Яғный, енди анық бөлип оқытылатуғын пән муғаллимлеринен биреўиниң шериги сабақта болмаса, бирақ усы пән бойинша мектепте жетерли муғаллимлер бар болса, бундай жағдайларда сабақ басқа муғаллимлерге бириктирилип, бөлип өтилиўи мүмкин болады.

📨 Постты жақынларыңызға тарқатың.

🔹 @bilimlendiriw_uz — билимлендириў тараўына байланыслы әҳмийетли хабарлар

14.8k 1 250 3 19

Билимлендириў жаңалықлары

10 Dec 2024, 07:23

❗️Оқыў ханаларына парталарды жайластырыўда төмендеги талапларға әмел етилиўи керек

Улыўма билим бериў мектеплеринде мектеплердиң сақланыўы ҳәм оқыўшылардың оқытылыўына қойылатуғын санитариялық-эпидемиологик талапларға (СанПиН № 0341-16) муўапық, оқыў ханаларында парта, стол-стуллер төмендеги тәртипте жайластырылыўы керек:

👉 2 орынлы столлар қатарындағы аралық 60 сантиметрден кем болмаўы керек;

👉 парта қатарлары менен сыртқы дийўал арасындағы аралық 50-70 сантиметр;

👉 парта қатарлары менен ишки дийўал, тосық, шкаф арасындағы аралық 50 сантиметр;

👉 соңғы парта менен дийўал арасы 70 сантиметр;

👉 доска менен биринши парта арасы 240 сантиметр;

👉 доска менен соңғы парта арасындағы аралық 860 сантиметр;

👉 досканың төменги тәрепи менен пол арасындағы аралық 70-90 сантиметр болыўы керек.

✅ @bilimlendiriw_uz — билимлендириў тараўына байланыслы әҳмийетли хабарлар

10.6k 0 255 2 17

20 ta oxirgi post ko‘rsatilgan.

11 369

obunachilar

Kanal statistikasi

Kanalda mashhur

Мектеплерде ер балалардың шашының узынлығы қанша болыўы керек? 📑 Өзбекстан Республикасы Министрл...

❓ Мектеп директоры оқытыўшыдан дөгерек шөлкемлестириўди талап етиўи мүмкин бе? 📑 Хабарыңыз бар, ...

️📆 Мектеплерде III шерек сабақлары 13-январь, дүйшемби күнинен басланады 📑 Мектепке шекемги ҳәм ...

🧑‍💻 Қарақалпақстанда билимлендириў тараўына байланыслы вакант лаўазымларға ашық таңлаў жәрияланды...

🍝 Мектеплерде сатылыўы қадаған етилген өнимлер ҳәм аўқатлар дизими 🌮 Улыўма билим бериў мәкемеле...