🇺🇿Bankxabar

❗️Тадбиркорлар эътиборига: Текширувчи ходимда махсус гувоҳнома бўлмаса — киритманг!

Назорат органи ходими текширув ўтказиши учун давлат хизматчисининг гувоҳномаси билан бирга махсус гувоҳнома ҳам бўлиши керак. Бу гувоҳнома унинг малака ва билими етарли эканлигини тасдиқлайди.

☝️Агар махсус гувоҳнома бўлмаса, ходимни корхонага киритмаслик ҳуқуқига эгасиз. Гувоҳноманинг ҳақиқийлигини govcontrol.uz орқали текширинг ва ҳуқуқларингизни ҳимоя қилинг.

👍Каналга уланиш👉🏻 @Bankxabar

ЎЗИНИ ЎЗИ БАНД ҚИЛГАНЛАР ЁКИ РАСМИЙ ДАРОМАДГА ЭГА БЎЛМАГАНЛАР УЧУН МИКРОҚАРЗЛАР
(Банкларнинг Бош офис масъул ходимлари томонидан берилган маълумот асосида тайёрланди)

🏦 Асакабанк
◦ Миқдори - 25 млн сўмгача
◦ Муддати - 36 ойгача
◦ Фоизи - 25 %
Батафсил
☎️1152

🏦 Ипак Йўли Банки
◦ Миқдори - 100 млн сўмгача
◦ Муддати - 5 йилгача
◦ Фоизи - 24.90% дан бошланади
Батафсил
☎️1296

🏦 МКБанк
◦ Миқдори - 17 млн сўмгача
◦ Муддати - 48 ойгача
◦ Фоизи - 23% дан бошланади
Батафсил
☎️1285

🏦 ЎзСҚБ
◦ Миқдори - 100 млн сўмгача
◦ Муддати - 48 ойгача
◦ Фоизи - 29% дан бошланади
Батафсил
☎️1180

🏦 Халқ банкида мавжуд эмас;
🏦 Тенге банкда мавжуд эмас;
🏦 Гарант банкда мавжуд эмас;
🏦 Агробанкда мавжуд эмас;
🏦 Пойтахтбанкда мавжуд эмас;
🏦 Туронбанкда вақтинча тўхтатилган;
🏦 БРБда мавжуд эмас.

📱Кредит калькулятори👈

👍Каналга уланиш👉🏻 @Bankxabar

🏡 Ипотека учун дастлабки бадални микрокарз билан тўлаш мумкинми❓

Ипотека кредити олишда дастлабки бадални шакллантириш муҳим масала. Кўпчилик бу маблағни йиғишда қийинчиликка дуч келади ва баъзан онлайн микрокарз олиш орқали бу муаммони ҳал қилишга ҳаракат қилади.

Ҳозирги кунда Ўзбекистон қонунчилигида ипотека кредити бўйича дастлабки бадални тўлаш учун микрокарз маблағларидан фойдаланишга тўғридан-тўғри тақиқ йўқ. Бироқ банклар қарз олувчидан ўз маблағлари ҳисобидан дастлабки бадал тўлашни талаб қилади.

☑️ Микрокарздан фойдаланишнинг эҳтимолий хавфлари:
▪️Қарз юкининг ошиши – Микрокарз ва ипотека тўловларини бир вақтда тўлаш катта молиявий босим яратиши мумкин.
▪️Юқори фоиз ставкалари – Микрокарзлар одатда юқори фоиз билан берилади, бу эса қўшимча харажатларни оширади.
▪️Кредит тарихига таъсир – Микрокарзни вақтида тўлай олмаслик кредит тарихингизга салбий таъсир қилиши ва келажакда бошқа кредит олиш имкониятларини камайтириши мумкин.

Хулоса қилиб айтганда, ипотека кредити бўйича дастлабки бадал учун микрокарз олиш расмий жиҳатдан мумкин, аммо бу катта молиявий хавф туғдириши мумкин. Қарор қабул қилишдан олдин барча имкониятларни синчиклаб ўрганиш тавсия этилади.

👍Каналга уланиш👉🏻 @Bankxabar

❗️“МАҲАЛЛА БАНКИРЛАРИ” УЧУН АСОСИЙ ВАЗИФАЛАР БЕЛГИЛАБ БЕРИЛДИ!

Ўзбекистон Республикаси Президентининг ПҚ-12-сонли қарори асосида “Маҳалла банкирлари” учун бир қатор асосий вазифалар белгилаб берилди. Жумладан:

☑️ Маҳаллаларда ташаббускор аҳолини тадбиркорликка жалб қилиш, уларни бизнес ғоялари асосида янги лойиҳалар ишлаб чиқишда қўллаб-қувватлаш ва кредит ажратиш;
☑️ Лойиҳаларни амалга ошириш жараёнида ҳар томонлама ҳамроҳлик қилиш ва молиявий хизматлар кўрсатиш;
☑️ Аҳоли томорқалари ва ер участкаларида етиштирилган маҳсулотларни кафолатли сотиб олиш учун тадбиркорлар билан кооперация алоқаларини йўлга қўйиш ва лойиҳаларни молиялаштириш;
☑️ Тадбиркорлик лойиҳаларини амалга ошириш орқали камбағал оилалар аъзоларини иш билан таъминлаш;
☑️ Маҳаллаларда “ёрдамчи-агентлар” орқали банк хизматларини тарғиб қилиш, янги мижозларни жалб этиш ва аҳолининг молиявий саводхонлигини ошириш;
☑️ Маҳалланинг иқтисодий шароитлари ва бошқа ҳудудлардаги илғор тажрибалардан келиб чиқиб, ижобий тажрибаларни оммалаштириш.

Ушбу вазифалар орқали “Маҳалла банкирлари” аҳолига молиявий хизматларни янада яқинлаштириб, ҳар бир фуқаро ва тадбиркорни кафолатли қўллаб-қувватлашга кўмаклашади.

👍Каналга уланиш👉🏻 @Bankxabar

❓ПЕНСИОНЕР ЎЗБЕКИСТОНДАН ЧИҚИБ КЕТГАНДА ПЕНСИЯ ҚАНДАЙ ТЎЛАНАДИ?

“Давлат пенсияларини тайинлаш ва тўлаш тартиби тўғрисидаги низом”га мувофиқ, бугунги кунда:

☑️ Пенсионер Ўзбекистондан ташқарида 3 ойдан ортиқ вақт бўлса ва шу давр мобайнида қайтиб келмаса, пенсияни тўлаш вақтинча тўхтатиб турилади.

☑️ Пенсия тўлови пенсионер Ўзбекистонга қайтиб келгандан сўнг тикланади ва тўланмай қолган ойлар учун пулни олиш имконияти қайта пайда бўлади.

☑️ Бунда олинмай қолган пенсия пуллари пенсияни олиш мақсадида мурожаат этилганидан олдинги 24 ой даври учун тўланади. Яъни, 24 ойдан ошган давр учун пенсия пули қайтариб берилмайди.

👍Каналга уланиш👉🏻 @Bankxabar

❗️Ўз-ўзига кредит олишни тақиқлаш имкони яратилади

Яқин кунларда Ўзбекистонда ўз-ўзига кредит олишни тақиқлаш бўйича янги қонун кучга кириши кутилмоқда. Бу ҳақда Kredit byurosi – CRIF кредит-ахборот хизматлари бош директори Мирсардор Усмонов маълум қилди.

❓Қонун нима учун керак?
▪️Шахс ўз хоҳишига кўра кредит олишни тақиқлаши ва бу орқали ортиқча молиявий мажбуриятлардан сақланиши мумкин.

❓Бу қандай ишлайди?
▪️Янги тартиб кучга киргач, Давлат хизматлари ягона портали, давлат хизматлари марказлари ёки кредит бюролари орқали ариза бериш мумкин бўлади. Бу хизмат бепул тақдим этилади.

❓Бу тизим қандай ишлайди?
▪️Кредит олишни тақиқлаган шахслар учун махсус реестр юритилади. Агар шахс тақиқни олиб ташламоқчи бўлса, ушбу платформалар орқали мурожаат қилиши мумкин.

Қонун парламент томонидан кўриб чиқилмоқда ва президент томонидан имзолангандан кейин расман кучга киради.

👍Каналга уланиш👉🏻 @Bankxabar

❗️Ҳоким ёрдамчиси 25 нафар фуқаронинг номига кредит олгани аниқланди

Тошкент шаҳри Шайхонтоҳур туманидаги ҳоким ёрдамчиси М.Ф. 20 нафар фуқаронинг номидан электрон тавсияномалар орқали 427,7 млн сўм кредит маблағларини қўлга киритган. Бу маблағлар тадбиркорликни ривожлантириш учун ажратилган бўлса-да, улар шахсий эҳтиёжлар учун сарфланган.

Бундан ташқари, ўз қариндошлари ва 5 нафар бошқа шахсларнинг номидан қалбаки ҳужжатлар тайёрлаб, 207,7 млн сўм кредит маблағларини ҳам талон-торож қилган.

Ҳозирда мазкур ҳолат юзасидан Жиноят кодексининг 168-моддаси 4-қисми "а" банди ва бошқа моддалар асосида жиноят иши қўзғатилди. Текширув ишлари давом этмоқда.

👍Каналга уланиш👉🏻 @Bankxabar

🪙 Олтин сотиб олишми ёки банкка омонат қўйиш? Инфляцияни ҳисобга олган ҳолда қайси фойдали?

Кўпчилик бўш турган маблағини сақлаш ва кўпайтириш йўлларини излайди. Асосий икки вариант — банкка омонат қўйиш ёки олтин қуйма сотиб олиш. Қайси бири даромадлироқ? Қуйида уларни инфляцияни ҳам ҳисобга олган ҳолда таҳлил қиламиз.

☑️ Олтин қуймалар сотиб олиш:
Айни пайтда банклар олтин қуймаларни тахминан 1 граммини 1 200 000 сўмдан сотмоқда. Вақт ўтиши билан нарх ё ошиб, ё тушиши мумкин. Бу рискли инвестиция, чунки олтин нархи жаҳон бозоридаги иқтисодий ўзгаришларга боғлиқ. Лекин узоқ муддатда олтин асосан инфляцияга қарши туриш қобилиятига эга, яъни пул қадрсизланса ҳам, унинг қиймати юқори даражада сақланиб қолиши мумкин.

☑️ Банкка омонат қўйиш:
Ҳозир банклар омонатларни 26% йиллик фоиз билан қабул қиляпти. Масалан, 10 млн сўм омонатга қўйилса, бир йилда 2,6 млн сўм фойда келтиради. Бунда риск йўқ — банк шартнома асосида кафолатланган фоизни тўлайди.

☑️ Инфляцияни ҳисобга олсак…
Марказий банк маълумотларига кўра, айни пайтда Ўзбекистонда йиллик инфляция 9,8% атрофида. Бу нима дегани? Агар 10 млн сўмингиз бўлса, йил давомида унинг харид қобилияти 980 000 сўмга камаяди. Демак, омонатдаги 2,6 млн сўм фойданинг 980 000 сўми инфляция ҳисобидан йўқолиб кетади ва реал даромад 1,62 млн сўм атрофида бўлади.

▪️Олтинга келсак, унинг нархи инфляциядан ошиқроқ ўсса, яхшироқ фойда олиш мумкин. Лекин буни олдиндан аниқ айтиб бўлмайди, чунки олтин нархи жаҳон бозоридаги талаб ва таклифга боғлиқ равишда ўзгаради.

❓Қайси вариант яхшироқ?
▪️Агар инфляция паст бўлса ёки олтин нархи кескин ошмаса, банкка омонат қўйиш хавфсизроқ ва манфаатлироқ бўлади.
▪️Агар инфляция юқори ва олтин нархи йил давомида ундан кўпроқ ошса, олтинга сармоя киритиш даромадлироқ бўлиши мумкин.

Яъни, тўғри қарор қабул қилиш учун инфляция, олтин нархи динамикаси ва банк фоиз ставкаларини кузатиб бориш муҳим.

👍Каналга уланиш👉🏻 @Bankxabar