"Tuwısqanlıq tuwı"
Zulfiya shayırdıń 100 jıllıǵına
Ózbek, qaraqalpaq xalqı tuwısqan,
«Awılı aralas, qoyı qoralas».
Toy-mereke berse qalmay barısqan,
Diydarı ǵaniymet misli xanalas.
Zulfiya shayır da bizge qádirdan,
Basıp ótken izi súrme kózlerge.
Ólmeytuǵın miyras qalǵan shayırdan,
Ómiri aylanǵan marjan sózlerge.
Jáhándi gezse de bul ullı shayır,
Ámiw, Aralımdı kórmegen deydi.
«Qaraqalpaqqa baraman» dep hárdayım,
Duz tartpaǵan shıǵar, kelmegen deydi.
Kelmese de biziń elge bul shayır,
Hár bir qaraqalpaq áyleydi húrmet.
Sebep onı jırlap shayır Ibrayım,
Xalıqtıń júregine jazıptı mórlep.
«Qız tuwsań Zulfiya qoyıń» dep atın,
Kóklerge kótergen shayırdıń dańqın.
«Namaz oqır edim etegińe» dep,
Uluǵlaǵan onıń pákize zatın.
Sonlıqtan ba hátte shayır Zulfiya,
Bergen waqta hár yubiley keshesin.
Bir orınlıq bos qoyǵızıp qasına,
Dermish: «Qaptalıma Ibrayım kelsin»,
Ne degen húrmet hám tuwısqanlıq bul,
Eki xalıqtıń tatıwlıǵı bir jáhán.
Ullı tulǵalardan bizge miyras bul,
Usı bawırmanlıq unaydı maǵan.
Búgin de shayırdıń kúlimlep kózi,
Tórde otırǵanday júzleri jarqın.
Qulaǵımda jańlar sol aytqan sózi;
«Ibrayım inime bir orın qalsın».
Aǵa-ini bolıp bul eki xalıq,
Bálent tabıslarǵa qolları jetken.
Teberik babalar ullı jol salıp,
Tuwısqanlıq tuwın qaldırıp ketken.
Birlik bolsa almaytuǵın taw bolmas,
Kóz tiymesin tınısh ómirimizge.
Zulfiyanıń toyı múbárek 100 jas,
Qutlı bolsın búgin hár birimizge.
7-fevral, 2015-jıl.
✍️Gúlnara Nurlepesova
🧐Respublikalıq balalar kitapxanası málimleme xızmeti
📱Telegram 📱Facebook 📱Instagram 📱You tube
Zulfiya shayırdıń 100 jıllıǵına
Ózbek, qaraqalpaq xalqı tuwısqan,
«Awılı aralas, qoyı qoralas».
Toy-mereke berse qalmay barısqan,
Diydarı ǵaniymet misli xanalas.
Zulfiya shayır da bizge qádirdan,
Basıp ótken izi súrme kózlerge.
Ólmeytuǵın miyras qalǵan shayırdan,
Ómiri aylanǵan marjan sózlerge.
Jáhándi gezse de bul ullı shayır,
Ámiw, Aralımdı kórmegen deydi.
«Qaraqalpaqqa baraman» dep hárdayım,
Duz tartpaǵan shıǵar, kelmegen deydi.
Kelmese de biziń elge bul shayır,
Hár bir qaraqalpaq áyleydi húrmet.
Sebep onı jırlap shayır Ibrayım,
Xalıqtıń júregine jazıptı mórlep.
«Qız tuwsań Zulfiya qoyıń» dep atın,
Kóklerge kótergen shayırdıń dańqın.
«Namaz oqır edim etegińe» dep,
Uluǵlaǵan onıń pákize zatın.
Sonlıqtan ba hátte shayır Zulfiya,
Bergen waqta hár yubiley keshesin.
Bir orınlıq bos qoyǵızıp qasına,
Dermish: «Qaptalıma Ibrayım kelsin»,
Ne degen húrmet hám tuwısqanlıq bul,
Eki xalıqtıń tatıwlıǵı bir jáhán.
Ullı tulǵalardan bizge miyras bul,
Usı bawırmanlıq unaydı maǵan.
Búgin de shayırdıń kúlimlep kózi,
Tórde otırǵanday júzleri jarqın.
Qulaǵımda jańlar sol aytqan sózi;
«Ibrayım inime bir orın qalsın».
Aǵa-ini bolıp bul eki xalıq,
Bálent tabıslarǵa qolları jetken.
Teberik babalar ullı jol salıp,
Tuwısqanlıq tuwın qaldırıp ketken.
Birlik bolsa almaytuǵın taw bolmas,
Kóz tiymesin tınısh ómirimizge.
Zulfiyanıń toyı múbárek 100 jas,
Qutlı bolsın búgin hár birimizge.
7-fevral, 2015-jıl.
✍️Gúlnara Nurlepesova
🧐Respublikalıq balalar kitapxanası málimleme xızmeti
📱Telegram 📱Facebook 📱Instagram 📱You tube