Ayrıqsha blog!

Armageddon komandasındaģı missiyam juwmaqlandı. Komanda menen xoshlastım.

1 jıl ishinde komanda 4 ret prof liga chempionı, "Ámiwdárya kubogı" hám marafonda jeńiske eristi. Nátiyjeler jaman emes.

Házir transferlerdiń ilajı joq, sol ushın gúzgi máwsimde prof ligaģa qaytaman.

@ayriqsha

Ish piskende keletug'in oylar...

Uzin degen so’z qisqa degen so’zden ko’re qisqalaw eken ya)

Eger men jasalma murt sizip ko’shege shiqsam, jasalma qas sizip alg’an qizlar u’stimnen ku’ledi. Gde logika?

Nege mazali birzat jep atirg’anin’da ishinen bir mazasi jog’i shig’ip qalip ha’mmesin buzip jiberedi?

En’ birinshi programmani qaysi programma ja’rdeminde du’zgen eken ya?

Bilaaay esaplap qarasaq, eger meni du’nyadag’i 99,9% adam jaman ko’rgende de, qalg’an adamlar sani 8 millionnan ziyat boladi eken)

Eger za’ha’rdin’ srogi o’tip ketse ol adamg’a ziyanli bolameken ya paydali ma?

Nege siyqirshi Garri Potter o’zinin’ ko’zin jaqsi ko’retug’in siyqirdan hesh paydalanbay, ochki tag’ip ju’reberedi eken ya?

Jasil ren’degi piyazdi “ko’k piyaz” deymiz, ya biz ren’ ayira almaymiz ba?

Nege kelte yubka kiygen qizlar ha’miyshe uyalg’anday bolip kiyimin to’menge tartip ju’redi, bir qaris uzinlawin alip arqayin ju’rgende bolmaspeken?

Tu’nde jalg’iz ju’rip baratirg’anin’da artinnan kimdur kiyatirg’anday boladi, a’ste ju’rsen’ olda a’ste ju’redi, tezlessen’ tezlesedi, nege jetip alag’oymaydi eken? Birge so’ylesip ketermedik…)

Pasport kopiyamda o’zime qarawg’a uyalaman, qara denelilerdin’pasport kopiyasi qanday boladi eken ya?)

5 kilometr jayaw ju’riwge erinip, mashinasi menen sportzalg’a kelip, juwiriw jolag’inda 5 kilometr juwiratug’inlardin’ logikasi qanday eken ya?

Kishkene waqtinda tinishliqti (u’nsizlikti) kassetag’a zapis qilip alip, kalonka menen qatti qoysam ha’mme jer tim-tiris bolip qaladi dep oylag’an adamlar barmeken ya?)

Qatiq uyitiw ushin da azg’antay qatiq kerek bolsa en’ 1-qatiq qalay payda boldi eken?)

@ayriqsha

✅

Ustazımız ushın dawıs berip jiberseńiz.

@xoshamet2023_bot

"Жасларды тәрбиялаўдағы белсендилиги ушын" nominaciyasında
Нурхат Галиакберов ✅
aģamızģa dawıs berip jiberseńiz.

Dawıs bergen bárshege raxmet, keminde usı ustazımızdıń jası hám mártebesin bergey.

Búgin ómirimdegi jáne bir ózgeris - Zakovat klubı koordinatorlıģınan kettim.

Ótken jılı mart ayınan baslanģan 1 jıllıq iskerligim dawamında júdá ájayıp komanda menen islestim. Kóplep úlken hám kishi intellektual ilajlardı ótkerdik. Qaraqalpaqstanda hám basqa wálayatlarda kóplep tanıslar, doslar arttırdım.

Qaraqalpaqstan Zakovat klubında da ájayıp komandalar, belsendi volontyorlar, kúshli bilimdanlar qáliplesip kiyatır. Ele de kóp jetiskenlikler bolıwına isenemen. Ornıma da eń múnásip dep bilgen talabandı usınıs ettim. Tez arada sáwbetten tabıslı ótiwine tileklespen.

Maģan bolsa kishigirim Uzlat'larģa sheginip, ilimiy jumısım menen shuģıllanıw waqtı keldi.

Hámmesi ushın raxmet, Zakovat shólkemi!

@ayriqsha

Potyomkin awılları

📝 Mazmunı:
Kemshilik hám mashqalalardı jasiriw ushın qollanılğan jasalmalılıqtı, xojakórsin mánisindegi islerdi ańlatıwshı frazeologizm.

📖 Tariyxı:
Rossiya imperiyası Qırımdı basıp alģanınan soń, Ekaterina II 1787-jılda bul aymaqlardı kóriw ushın saparģa shıģadı. Bul sapar shólkemlestiriwshisi knyaz Grigoriy Potyomkin boladı. Koroleva Ekaterina II jol boyı abat awıllardı, otlap júrgen semiz sıyırlardı, qırmanğa tolı dán qaltalarına, quwanıshtan balalaykada qosıq aytıp, oynap atırğan ústinde taza kiyimlerge iye awıl diyxanların kórip baradı. Bunnan keyin Ekaterina bul shettegi awıllar jaqsı jasap atır eken degen juwmaqqa keledi. Negizinde bulardıń bárshesi knyaz Potyomkinniñ tapsırması menen islengen scenariy bolıp, qırman qaltalarında negizi qum menen toltırılğan, arnayı saylap alınğan semiz mallar, jaqsı kiyindirilip tayarlanģan adamlar edi. Ekaterina II uyqığa ketken waqtında tap sol qaltalar, adamlar hám semiz sıyırlar keyingi júriw jollarına kóshiriler edi. Atlı arba aynasınan qarap ótip baratırğan koroleva bolsa jáne sonday unamlı kórinislerdi kórip, kewli tolıp qaytatuģın edi.

☝️ Juwmaq:
Sonnan berli bunday kózboyamashılıq, kembaģallıq hám mashqalalardı jasırıw, baslıq kórse boldı degen mazmundaģı bárshe "unamlı" isler, qurılıs hám ilajlar "Potyomkin awılları" dep atalatuģın bolğan. Bunday kózboyamashılıqlar mashqala hám kemshilikti jasırğanı menen onıń sheshiliwin ele de qıyınlastıradı. Bunnan keyin mashqalalar sistemalı ráwishte jasırıp kelinedi hám aqırı awır aqıbetlerge alıp keledi.

✔️ Mısallar:
- 2013-jılda V.Putin Suzdalğa barıwı aldında qaladaģı ayırım ùylerdi jaqsı kóriniske keltiriwdiń de ilajı bolmağanlıqtan, ùyler sırtına úy súwreti aynaları sızılģan bannerler shıģarıp jabıstırılğan edi.
- Elimizde bul fenomenge kóp mısallar keltiriw múmkin. Tek ģana jol boyına qurılatuģın "Namunaviy" úylerden tartıp, basshılar menen ushırasıwlarda arnawlı tayarlap qoyılğan adamlardıń sózge shıģıwına shekem...

© Tayarlağan: Tazabay Yuldashev

@ayriqsha

Streyzand effekti

➡️ Nenidur qadaģan etiwge háreket etiw keri reakciya beriwine alıp kelgen social psixologiyalıq effekt.

📝 Tariyxı: 2003-jılı amerikalı qosıqshı hám aktrisa Barbra Streyzand fotojurnalist Kennet Adelman tárepinen pictopia.com saytına jaylastırılģan Kaliforniya jaģalawları túsirilgen súwretti alıp taslawdı talap etip sudqa shaģım etedi hám 50 million dollar pul talap etedi. Sebebi bul súwrette Barbranıń da úyi de kórinip qalģan edi. Bul sayttaģı bul súwret sudqa shaģım etilmesten aldın barı-joģı 6 ret (onın da ekewi advokatlar tárepinen) kórilgen edi. Sud processinen xabar tapqan adamlar bul qanday úy ekenligine qızıģıp, elede kóbirek kóre baslaydı hám basqa saytlarda da bul súwret payda boladı. Solayınsha bul úy súwreti eń kóp kórilgen hám internette tarqatılğan súwretlerden birine aylanadı.
2004-jılı sud Barbra Streyzandtıń shaģımı tiykarsız degen juwmaqqa keledi.

☝️ Juwmaq: Kórip turğanıńızday qandayda bir mağlıwmattı jasırıw yamasa sheklewge urınıw (cenzura) keri nátiyjeni berdi hám bul jağdaylar bunnan bılay Barbra Streyzand effekti dep atala baslanģan.

✔️ Mısallar:
- Tariyxtaģı bir mısalğa qarap, bul effektti ayırım dereklerde "Kobra effekti" dep te ataydı. Hindistanda inglizler húkimranlıģı dáwirinde kobra jılanları kóp edi. Olardan qorģanıw qıyınlıģı ushın ingliz húkimeti kobralardı joq etiwge qarar etedi hám alıp kelingen hár bir kobra jılanı ushın pul tólewdi jolģa qoyadı. Hindler jılanlardı tapsırıp dáramat alıp baslaydı, biraq, mámlekette kobralar azayıp dáramatlar da azayģanınan soń xalıq basqasha jolģa ótedi. Hindler endi kobralardı úy sharayatında baģıp kóbeytip, húkimetke tapsıra baslaydı. Bul hiyleden xabar tapqan húkimet alıp kelingen kobralar ushın pul beriwdi toqtatadı. Sonnan keyin kobralardı úyde baģıw paydasız bolğanı ushın xalıq olardı tábiyatqa qoyıp jiberedi hám kobralar aldınģıdan da beter kóbeyip ketedi.
PS: Vyetnamda da usıģan uqsas jağday bolğan hám tıshqanlardı joq etiwge bolğan urınıs olardıń qolda baģıp kóbeytilip satılıwı nátiyjesinde ele de kóbeyip ketiwine alıp kelgen.
- Jáne bir eñ belgili mısal - Gerostrat.
Gerostrat ismli adam tariyxta atın qaldırıw ushın dúnyanıń 7 karamatınan biri bolģan "Artemida ibadatxanası"n órtep jiberedi. Gerostrat qolğa alinğannan soń oniñ atı tariyxta qalmawı ushın oni hámme umıtıwı kerek degen húkim shıģadı. Biraq, sud húkimi keri islep, onı báribir pútkil dúnya bilip qaladı.
- Hár jılı qadaģan etilgen filmler dizimi shıqqanınan soń sol filmler internette eń kóp kórilgen filmge aylanadı.
- 2021-jılı Franciyada jaslar koronavirusqa qarsı vakcina almaw ushın ózlerine bile tura koronavirus juqtırgan edi. Sebebi vakcinaciya almawdıń birden-bir jolı - koronavirus penen awırıw edi.
- Roskomnadzor Rossiyada Telegram messenjerin bloklaw haqqında eskertkeninen soń onıń paydalanıwshıları sanı artıp ketken.
- Bizde de kópshilik social tarmaqlar shaxsqa baylanıslı maģlıwmatlar húkimetke berilmegeni ushın bloklanğan edi. Biraq, xalıq VPN programmalarınan paydalanıwı shaxsqa baylanıslı maģlıwmatlardıń úshinshi tárepke tarqalıp ketiwine alıp keledi.

© Tayarlağan: Tazabay Yuldashev

@ayriqsha

Интернет, он не сближает. Это скопление одиночества. Мы вроде вместе, но каждый один. Иллюзия общения, иллюзия дружбы, иллюзия жизни...

(c) Януш Леон Вишневский.

Telegram kanal: @ayriqsha