Qizlar Blogi 💕

❣️❣️ Bugun 4-mart, to’yimiz bo’lganiga roppa-rosa 1 yil bo’libdi. Vaqt - haqiqatan ham oqar suv. Shu soatda uyg’onib, hayajonda salonga shoshayotgan qiz edim o’tgan yili…

Bugun-chi? Bugun bo’lajak ona, sevimli rafiqa, erka kelin😅 Alhamdulillah.

Menda hamma aytganidaka hayot bo’lmadi. Ya’ni kelin bo’lsang, o’z uyingga 1 oyda 1 borasan, ish qilmasang, qaynonang qaytarib yuboradi uyga va hokazo-hokazolar. Jamiyatimiz qizlarni qo’rqitib katta qiladi shunday gaplar bilan va natijada shuni tortadi odam ham o’ziga. Din tomondan qanday gumonda bo’lsang, shu sodir bo’ladi deyiladi, psixologiya tomondan esa miyada nimani ko’p o’ylasa, o’shani o’ziga tortishlik. Uyimga boraverganimdan uydagilarni ham bezor qildim hattoki, to’g’risini aytsam😊. Sog’inib qolsam, kechqurun soat 9-10mi, uyga borgim kelayotganini aytsam, kettik deb 1 soat yo’lda yurib, 1-2soat o’tirib, soatni yarim tun 1-2 qilib uyga qaytamiz. Oyijon bilan adajonning ishlari ham yo’q. Ular o’zi bilan o’zi ovora, biz o’zimiz bilan o’zimiz. Eng yoqqani turmush o’rtog’imning mustaqilligi, ya’ni o’z fikrlariga ega va kimningdir nimadir deyishiga qarab ish qilmaydilar, yo’l tutmaydilar. Chunki aql o’rgatadiganlar ham ko’p, bilasiz: xotinga qattiq turish kerak, unday qilish kerak, bunday qilish kerak deydiganlar. Omonat, zaifa deb qaraydilar menga, g’amxo’rlik qiladilar, oramizda 1 yosh farq bo’lsa ham xuddi o’zimni yosh boladay his qilishimga sababchi bo’ladilar va erkalanishga o’rganib ham qolganman shunga ko’p-ko’p🥹

Eng asosiysi boylik emas. Ko’pchilik sen endi o’zingdan ko’proq pul topadigan odamga tegishing kerak, bo’lmasa, mensimay qo’yasan derdi. Lekin men o’zimizga o’xshagan o’rtahol oilaga kelin bo’ldim, turmush o’rtog’imning topishi ham menchalik katta emas edi. Pul - bugun bor, ertaga yo’q. Lekin yoningizdagi insonni tanlashda adashmasangiz, umrbod siz bilan! Qiyinchiliklarda ham, xursandchiliklarda ham. Boyiga, to’qlikka sho’xlik qiladiganiga adashib xotin bo’lsangiz, hech kim kafolat bermaydi unda siz yagona bo’lishingizga-yu, qadrlanishingizga… yana bilmadim, bo’lsa bordir yaxshilari. Yoshligimdan balki to’q o’sganim uchun ham meni umuman boshqa qizlarga o’xshab, 2 etajli uyi bo’lishi, mashinasi bo’lishi, katta pullar topishi qiziqtirmagan. Birgalikda qilamiz, birgalikda erishamiz deb niyat qilganman. Muhimi yaxshi inson, meni tushunadigan, hurmat qiladigan, yaxshi ko’radigan bo’lsin derdim, Alhamdulillah, so’raganimdan ziyodasini bergan, har kuni bunga shukur qilaman ❣️ Ma Shaa Alloh deb qo’ying, nazar bor narsa.

❣️ 200 ta reaksiya bosilsa shu postimga, yana boshqa post yozaman.

Ты как кислород, вдыхаю запасом… 💘

Turmush qurganimizga hali 1 yil bo’lmadi, lekin shu vaqt ichida ham hayotimizda ancha voqealar bo’lib o’tdi, ha, bir-birimizning xarakterlarimizni tushunib olguncha katta-kichik janjallar ham😅 Sababi bir-birini tanish boshqa, birga yashash boshqa, buni yaxshi bilasiz. To’yimizdan 19 kundan keyin Turkiyaga ketdik, 3 oyga. Agar o’xshasa, o’sha yerda 2-3yillab qolmoqchi ham edik. Yangi kelin-kuyov, yangi davlat, yangi kvartira, yangi hayot. Faqat 2lamizga oid bo’lgan hayot, havas qilsa arziydi, to’g’ri 💜 Menimcha, shu yolg’izlik, hech kim bizning suhbatimizga, hayotimizga, qarorlarimizga va hatto janjallarimizga aralashmasligi, boshqa davlatda 2lamizning bir-birimizdan boshqa yaqinimiz yo’qligi bizga ancha foyda keltirdi. Chunki urishib qolib, “Man kettim o’zimning uyimga” deb arazlab ketadigan joyim yo’q, yoki ular ham, bor ket yoki ketaman deydigan vaziyatda emasliklari va bir necha soat o’tar - o’tmay yana gaplashib ketishimiz bizni shu 3 oy davomida bir-birimizni tushunib olishimizga katta yordam berdi. Boshida hayron bo’lardim, nega bunaqa ko’p janjal qilamiz, bu tabiiymi deb bir dugonamdan ham maslahat so’ragandim.😁
Turmush o’rtog’imning boshqalarga o’xshamaydigan xarakterlari: “uylandim, endi hamma ishlarni xotinim qiladi”, deydiganlardan emasliklari, hamma ishlarda yordam berishlari, hatto ovqatlar ham pishirib berishlari, supurishmi, pol artishmi, idish-tovoq yuvishmi, hatto ko’p holatlarda tualet, vannalarni ham yuvib qo’yishga og’rinmasliklari… urishib qolganimizda esa namoz o’qib bo’lgandan keyin, ko’ngillari yumshab, kelib menikini ham yumshatishlari… Qoyil qolganman, hurmat qilishni boshlaganman, chunki uyda erka qiz bo’lganim uchun injiqliklarim ko’p edi mening…

Davomini ham yozishimni xohlaysizmi, qiziqmi o’zi? Unda 500 ta reaksiya kutaman 💜

@ImNafisa 🌹