#iqtibos
GENDER TANGLIKXotin akam, gender, deydi,
Huquqimiz tengdir, deydi.
Ko‘ngilni sal kengroq tuting,
Kengga dunyo kengdir, deydi.
Men g‘ijinib, gender, deyman,
O‘ylab topgan sendir, deyman.
Mana, senga qora o‘choq,
Mana, senga tandir, deyman.
Xotin kulib, gender, deydi,
Kimdadir bet – chandir, deydi.
Aravani teng tortamiz,
Siz yoqa, men yengdir, deydi.
Men bo‘g‘ilib, gender, deyman,
Uyda erkak mendir, deyman.
Supurgini ho‘llab supir,
Toshko‘mirni sindir, deyman.
Xotin yana, gender, deydi,
Xotin-bo‘y, er endir, deydi.
Qizingiz bor, o‘ylang birrov,
Yomon erkak “sen” der, deydi.
Men bo‘shashib, gender, deyman,
Qizim – jonim, chindir, deyman.
Jon joyimdan ushlading-ku,
Ha, enangni emgir, deyman.
Iqbol Mirzo@aspiron_az