Rasmiy xabarChevrolet Cobalt GX-MIDNIGHT AT avtomobillari xaridi uchun
savdo.uzavtosanoat.uz platformasi va UzAvtoSavdo mobil ilovasida onlayn kontraktatsiya jarayoni yakunlandi.
Jami 40 010 ta shartnoma tuzilgan bo‘lib, shundan 39 872 tasi One ID tizimida ro‘yxatdan o‘tgan jismoniy shaxslarga, 138 tasi esa yuridik shaxslar ulushiga to‘g‘ri keladi.
Kontraktatsiya jarayoni davomida kompaniya Call-markazi orqali 850 mijoz murojaati qabul qilinib, ko‘rib chiqildi.
Fursatdan foydalanib, UzAuto Motors fuqarolardan firibgarlardan ehtiyot bo‘lishlarini, jumladan, e’lonlar joylashgan saytlar (doskalar) va boshqa tashqi servislar orqali “shartnoma sotib olish” bo‘yicha shubhali takliflarga rozi bo‘lmasliklarini qat’iy so‘raydi.
Shuningdek, UzAutoSavdo platformasida xaridor yoki diler mijozning ma’lumotlarini o‘zgartirish imkoniyatiga ega emasligini ta’kidlashni zarur deb hisoblaydi.
UzAuto Motors oʻz mijozlariga Chevrolet brendini tanlaganliklari uchun minnatdorchilik bildiradi.
