Aloqa - LIVE

📈 Fidokorona mehnat — muvaffaqiyatning asosiy poydevoridir.

👤2024-yil yakunida AloqaBank o‘zining Hududiy kompleks xizmat ko‘rsatish markazlari kesimidagi eng faol va samarali xodimlarini rag‘batlantirish hamda ularning mehnatini e’tirof etish maqsadida nominatsiyalar asosida taqdirlash marosimini o‘tkazildi. Mazkur natijalarga ko'ra:

- Yilning eng yaxshi HKXKM – IT Park HKXKM;
- Yilning eng yaxshi KXKM – Ideal KXKM;
- Yilning eng yosh rahbari – S. Maratov (Qorao'zak КХКМ);
- Eng ko‘p depozit jalb qilgan HKXKM – Qo'qon HKXKM;
- Eng ko‘p depozit jalb qilgan operator – Sh.Xolmurodova (Surxondaryo HKXKM)
- Eng ko‘p mijoz jalb qilgan HKXKM – Xorazm HKXKM;
- "Soft 0" – Navoiy HKXKM;
- Yilning eng ko‘p mijozlarga xizmat ko‘rsatgan HKXKM – Amaliyot HKXKM;
- Eng ko‘p IT rezidentlarni jalb qilgan HKXKM – IT Park HKXKM;
- Yilning eng tezkor operatori – G.Muratova (Qashqadaryo HKXKM/ Beshkent KXKM);
- Yilning eng yaxshi kassa mudiri – Y.Nazarova (Andijon HKXKM);
- Kassa operatsiyalari mohiri – X.Abduganiyev (Namangan HKXKM/ Uychi KXKM);
- Eng ko‘p xorijiy pul o‘tkazmalarini amalga oshirgan xodim – Z.Xakimboyeva (Jizzax HKXKM);
- Eng yaxshi bank karta sotuvchisi – J.Haqberdiyev (Qarshi HKXKM);
- Bankomatlar bilan ishlash bo‘yicha eng yaxshi xodim – D.Rustamov (Qo'qon HKXKM);
- Yilning eng ko‘p ipoteka krediti ajratgan menejeri - B.Toshmatov (Fargóna HKXKM);
- Modulli kreditlar lideri – O.Karimov (Guliston KXKM);
- Yilning eng malakali kredit menejeri – K.Suyunov (Amaliyot HKXKM);
- Yilning eng yaxshi buxgalteri – Sh. Mamatkulova (Samarqand HKXKM);
- Yilning eng yaxshi Ichki nazoratchisi – M.Axmedov (Namangan HKXKM);
- Yilning eng yaxshi innovatsion IT-mutaxassisi – F.Xodjayev (Fargóna HKXKM);
- Yilning eng yaxshi kollektori – N.Toshqulov (Surxondaryo HKXKM);
- Yilning eng yaxshi yuristi – R.Kaniyazova (Nukus HKXKM);
- Mahalla bankiri - J.Rahmonkulov (Amaliyot HKXKM);
- Yilning eng yaxshi risk menejeri - M.Sulaymanov (Andijon HKXKM);
- Yilning eng yaxshi HR menejeri - G.Tajenova (Nukus HKXKM);
- Yoshlar murabbiysi - T.Mamatkulov (Fargóna HKXKM);
- Jonkuyar rahbar - A.Jamalov (Buxoro HKXKM).

🫥Tadbir davomida AloqaBank rahbariyati xodimlarga o‘z samimiy tashakkurini bildirib, kelgusida ham har bir yo‘nalishda muvaffaqiyatli natijalarga erishishni tilab qoldi.

*HKXKM - Hududiy kompleks xizmat ko'rsatish markazi;

KXKM - Kompleks xizmat ko'rsatish markazi.

🌐 Aloqa LIVE

👤Mukammallik sari yuksalish.

📈 AloqaBank yil yakunida yana bir muhim yutuqqa erishdi. Bank sifat menejmenti tizimi bo‘yicha xalqaro darajadagi ISO 9001:2015 sertifikatiga ega bo‘ldi. Ushbu sertifikat bankning xizmat ko‘rsatish jarayonlarini yuqori sifat va samaradorlik asosida tashkil etilganligini tasdiqlaydi.

⚒"CERT International" tomonidan amalga oshirilgan audit natijasiga ko‘ra, bank ikki muhim sertifikat bilan taqdirlandi:
- ISO 9001:2015 xalqaro standarti,
- O‘zDSt ISO 9001:2015 milliy standarti, "O‘zstandart" agentligi tomonidan davlat reestrida ro‘yxatga olingan.

Ma'lumot uchun:

- ISO 9001:2015 – bu dunyoda keng e’tirof etilgan sifat menejment tizimi bo‘lib, mijozlar uchun bank xizmatlar sifati va biznes jarayonlarini doimiy takomillashtirishni nazarda tutadi. Uning asosiy maqsadi mahsulotlar, xizmatlar va tizimlar uchun xalqaro standartlarni yaratish orqali global savdoni soddalashtirish va sifatni oshirishdir.

- 2018-yilda AloqaBank O‘zbekistonda birinchilar qatorida xalqaro sifat sertifikatini qo‘lga kiritgan banklardan biri bo‘lgan edi. Shundan buyon bank muntazam ravishda yuqori standartlarga sodiqligini tasdiqlab kelmoqda.

🫥Bank rahbariyatining ta’kidlashicha, bu yutuq faqat xalqaro darajada e’tirof etilgan sertifikatni qo'lga kiritish emas, balki mijozlarga sifatli xizmat ko‘rsatish bo‘yicha berilgan va’daning ijrosi hamdir. AloqaBank kelgusi faoliyatida ham mijozlar uchun qulay moliyaviy xizmatlarni taklif qilish yo‘lida o‘z sa’y-harakatlarini davom ettiradi.

🌐 Aloqa LIVE

🧠IT sohasida kelajak yulduzlari.

✅Raqamli texnologiyalar tomonidan birinchi marotaba tashkil etilgan “Yulduz Tech Awards” taqdirlash marosimi o‘zgacha iliq kayfiyatda o‘tkazildi. Ushbu tadbir IT sohasida faoliyat olib borayotgan xotin-qizlarimizning yutuqlarini quvvatlashga bag‘ishlangan bo'lib, maqsadlari quyidagilar edi:
➡️ Xotin-qizlarning IT rivojiga qo‘shgan hissasini qadrlash;
➡️ Ularga yangi imkoniyatlar va motivatsiya yaratish;
➡️ Professional tarmoq va hamkorlikni mustahkamlash.

🧠 20 dan ortiq mukofotlangan xotin-qizlar o‘zlarining innovatsion g‘oyalari va yutuqlari uchun esdalik sovg‘alari, maxsus statuetkalar, va Coursera platformasida 6 oylik bepul ta’lim olish imkonini beruvchi vaucherlar bilan taqdirlandilar.

👤Shuningdek tadbirda qatnashgan AloqaBank rahbariyati barcha ishtirokchilarga samimiy tilaklar bildirib, ularni o‘z loyihalari bilan startap akselerator dasturlarida faol ishtirok etishga chorlab o‘tdi. Bank har bir g‘oya va tashabbusni har tomonlama qo‘llab-quvvatlashga tayyor ekanini ta’kidladi.

🙌Shu kabi tadbirlar ayollarni qo‘llab-quvvatlash orqali IT texnologiyalar sohasida yangi kashfiyotlar sari dadil qadam tashlanishida yaqqol namunasi. Va albatta ushbu tashabbuslar IT sohasidagi xotin-qizlarning o‘z salohiyatini yanada kengroq namoyon etishiga yo‘l ochadi.

🌐 Aloqa LIVE

🧠 Kelajak texnologiyalari sari qadam.

👤AloqaBank va Toshkent Davlat iqtisodiyot universiteti hamkorligida, universitetni “Sun’iy intellekt” va “Axborot xavfsizligi” yo‘nalishidagi II-kurs talabalari uchun amaliy ko‘chma mashg‘ulot darsi tashkil etildi.

🧠Ushbu mashg‘ulot bank tizimida sun’iy intellekt texnologiyalarini qo‘llash va axborot xavfsizligini ta’minlash istiqbollarini yoritishga bag‘ishlangan bo'lib, talabalar o‘zlarini qiziqtirgan savollarga to‘liq javob olish imkoniga ega bo‘lishdi. Eng e’tiborlisi, talabalar tomonidan maruzachiga o‘zbek, rus va ingliz tillarida savollar berib,uchrashuv interaktiv muloqotda faol ishtirok etdilar.

✔️Tadbirning asosiy maqsadi yosh mutaxassislarning professional tayyorgarligini oshirish, ularda zamonaviy texnologiyalar bilan ishlash ko‘nikmalarini mustahkamlash va bank tizimida sun’iy intellekt hamda axborot xavfsizligi sohasida qo‘llanilayotgan ilg‘or tajribalar bilan tanishtirishdan iborat bo'ldi.

🌐 Aloqa LIVE

Tarbiya uch qismdan iborat: badan tarbiyasi, aqliy tarbiya va axloq tarbiyasi.

Abdurauf Fitrat (oʻzbek tarixchisi, filolog, tarjimon, yozuvchi)

#kun_hikmati

🌐 Aloqa LIVE